"യേശു ഏക രക്ഷകൻ'അഭിഷേകാഗ്നി കാത്തലിക് മിനിസ്ട്രിയുടെ പ്രത്യേക ഓൺലൈൻ ക്ലാസുകൾ ഫെബ്രുവരി 15 മുതൽ

ലണ്ടൻ: ലോകത്ത് ദൈവവചനം പ്രഘോഷിക്കുവാൻ നാമേവരും കടപ്പെട്ടവരാണെന്നിരിക്കേ വചന ശുശ്രൂഷയിൽ തിരുവചന വ്യാഖ്യാനത്തിന്‍റെ വിവിധ തലങ്ങളെപ്പറ്റി ഉദ്ബോധിപ്പിക്കുന്നതും ലോകത്ത് മാനുഷിക ജീവിതാവസ്ഥയെ അനുകൂലമായും പ്രതികൂലമായും ബാധിക്കുന്ന എന്തിനെയും സർവ്വശക്തനായ യേശുക്രിസ്തുവിനെ ഏക രക്ഷകനും നാഥനുമായി സ്വീകരിച്ചുകൊണ്ട് അഭിമുഖീകരിക്കുന്നതിനായി ദൈവ വചനത്തെ അടിസ്ഥാനമാക്കി എപ്രകാരം ഒരുങ്ങണമെന്നു വിവരിക്കുന്ന പ്രത്യേക ഓൺലൈൻ ട്രെയിനിംഗ് ക്ലാസുകൾ ഫെബ്രുവരി 15 (തിങ്കൾ) മുതൽ മാർച്ച് 25 വരെ നടത്തുന്നു.

അഭിഷേകാഗ്നി കാത്തലിക് മിനിസ്ട്രിയുടെ നേതൃത്വം നൽകുന്ന ക്ലാസുകൾക്ക് പ്രമുഖ വചന പ്രഘോഷകരും ആത്മീയ ശുശ്രൂഷകരുമായ ഫാ. ഷൈജു നടുവത്താനിയിൽ , ബ്രദർ സെബാസ്റ്റ്യൻ സെയിൽസ് എന്നിവർ നേതൃത്വം നൽകും.

ലോകത്തിലെ വിവിധ രാജ്യങ്ങളിൽ നിന്നുമുള്ള ആളുകൾക്ക് ഒരേസമയം പങ്കെടുക്കത്തക്ക രീതിയിൽ ഓൺലൈനിൽ സൂം ആപ്പ് വഴിയാണ് ഇംഗ്ളീഷിലുള്ള ഈ ക്ലാസുകൾ ക്രമീകരിച്ചിരിക്കുന്നത്. താത്പര്യമുള്ളവർ www.chat.whatsapp.com/KwbHG6wScvzH5ZU9ScoQ95 ലിങ്ക് വഴി പ്രത്യേക വാട്സ്ആപ് ഗ്രൂപ്പിൽ ചേരാവുന്നതാണ്.

എല്ലാ ആഴ്ചയിലും തിങ്കൾ , വ്യാഴം ദിവസങ്ങളിൽ യുകെ സമയം വൈകിട്ട് 7 മുതൽ 8.30 വരെ ഒന്നര മണിക്കൂർ ആയിരിക്കും ക്ലാസുകൾ.

വ്യക്തിജീവിതത്തിൽ കൂടുതൽ ആത്മീയ തലങ്ങളിലേക്ക് ഉയരുവാനും തിരുവചനങ്ങളെ പരിപൂർണമായും ഉൾക്കൊണ്ട് വിശ്വസിക്കുന്നതിലൂടെയുള്ള രോഗസൗഖ്യവും ജീവിത വിജയവും നേടേണ്ടതെങ്ങനെയെന്നും കൂടാതെ വിവിധ തലങ്ങളിൽ വചനം പ്രഘോഷിക്കുന്നതിനും ഉതകുന്ന ഈ ട്രെയിനിംഗ് പ്രോഗ്രാം12 സെഷനുകളായിട്ടാണ് നടക്കുക.

81623421632 എന്നതാണ് സൂം ഐഡി .

വിവരങ്ങൾക്ക് 00447479359143 എന്ന നമ്പറിൽ വാട്സാപ്പിൽ ബന്ധപ്പെടാവുന്നതാണ്.
വിവിധ രാജ്യങ്ങളിലെ സമയക്രമങ്ങൾ ;
യുകെ & അയർലൻഡ് : 7pm to 8.30pm.
യൂറോപ്പ് : 8pm to 9.30pm
സൗത്ത് ആഫ്രിക്ക : 9pm to 10.30pm
ഇസ്രായേൽ : 9pm to 10.30pm
സൗദി അറേബ്യ: 10pm to 11.30pm.
ഇന്ത്യ : 12.30 midnight
ഓസ്‌ട്രേലിയ (സിഡ്‌നി ): 6am to 7.30am.
നൈജീരിയ : 8pm to 9.30pm.
അമേരിക്ക (ന്യൂയോർക്ക് ): 2pm to 3.30pm

റിപ്പോർട്ട്: ബാബു ജോസഫ്