കേരളത്തിലെ സീറോമലബാർ വിശ്വാസ പാരമ്പര്യവും അമേരിക്കൻ മണ്ണിലെ വിശ്വാസവും ചേർന്നുള്ളതാണ് ഹൂസ്റ്റണിൽ നടക്കുന്ന ഏഴാമത് ദേശീയ കൺവൻഷന്‍റെ ലോഗോ. അമേരിക്കൻ ദേശീയ പതാകയുടെ മീതെ ഉറപ്പിച്ചു നിർത്തിയിരിക്കുന്ന കുരിശും മറ്റു അനുബന്ധ ചിഹ്നങ്ങളും ലോഗോയുടെ പ്രത്യേകതയാണ്. രൂപതയിലെ യൂത്ത് വിംഗാണ് ഏഴാമത് ദേശീയ കണ്‍വൻഷന്‍റെ ലോഗോ രൂപകല്പന ചെയ്തത്.
മാർത്തോമാ മാർഗം വിശുദ്ധിയിലേക്കുള്ള മാർഗം, ഉണർന്നു പ്രശോഭിക്കുക എന്നീ രണ്ട് ആപ്തവാക്യങ്ങൾ ഉൾക്കൊണ്ടാണ് സീറോ മലബാർ കണ്‍വൻഷൻ വിഭാവനം ചെയ്തിരിക്കുന്നത്. കൺവൻഷന്‍റെ ലോഗോയും ഈ സന്ദേശമാണ് നല്കുന്നത്.
ലോഗോയിലെ കുരിശ് കേരളത്തിലെ മാർത്തോമാ നസ്രാണികളുടെ വിശ്വാസവഴിയെ പ്രതിനിധീകരിക്കുന്നതാണ്. അമേരിക്കൻ പതാകയുടെ മുകളിലാണ് കുരിശ്. അത് ആ മണ്ണിൽ ഉറച്ചുള്ള വിശ്വാസത്തെ സൂചിപ്പിക്കുന്നു. കുരിശിനും പതാകയ്ക്കും മുകളിലായുള്ള സൂര്യചിഹ്നം ഉദിച്ചുയരുക, പ്രശോഭിക്കുക എന്ന ആപ്തവാക്യത്തെ സൂചിപ്പിക്കുന്നതാണ്.
മാർത്തോമാ നസ്രാണികളുടെ വിശ്വാസപാരമ്പര്യത്തിലുള്ള അഭിമാനവും അമേരിക്കൻ മണ്ണിനോടുള്ള സ്നേഹവും, സുവിശേഷപ്രഘോഷണത്തിനായി ഉണരാനുള്ള ക്രിസ്തുവിന്‍റെ ആഹ്വാനവുമാണ് ലോഗോയിലൂടെ വിളിച്ചോതുന്നത്.
മാർത്തോമാ മാർഗം വിശുദ്ധിയിലേക്കുള്ള മാർഗം, ഉണർന്നു പ്രശോഭിക്കുക എന്നീ രണ്ട് ആപ്തവാക്യങ്ങൾ ഉൾക്കൊണ്ടാണ് സീറോ മലബാർ കണ്‍വൻഷൻ വിഭാവനം ചെയ്തിരിക്കുന്നത്. കൺവൻഷന്‍റെ ലോഗോയും ഈ സന്ദേശമാണ് നല്കുന്നത്.
ലോഗോയിലെ കുരിശ് കേരളത്തിലെ മാർത്തോമാ നസ്രാണികളുടെ വിശ്വാസവഴിയെ പ്രതിനിധീകരിക്കുന്നതാണ്. അമേരിക്കൻ പതാകയുടെ മുകളിലാണ് കുരിശ്. അത് ആ മണ്ണിൽ ഉറച്ചുള്ള വിശ്വാസത്തെ സൂചിപ്പിക്കുന്നു. കുരിശിനും പതാകയ്ക്കും മുകളിലായുള്ള സൂര്യചിഹ്നം ഉദിച്ചുയരുക, പ്രശോഭിക്കുക എന്ന ആപ്തവാക്യത്തെ സൂചിപ്പിക്കുന്നതാണ്.
മാർത്തോമാ നസ്രാണികളുടെ വിശ്വാസപാരമ്പര്യത്തിലുള്ള അഭിമാനവും അമേരിക്കൻ മണ്ണിനോടുള്ള സ്നേഹവും, സുവിശേഷപ്രഘോഷണത്തിനായി ഉണരാനുള്ള ക്രിസ്തുവിന്‍റെ ആഹ്വാനവുമാണ് ലോഗോയിലൂടെ വിളിച്ചോതുന്നത്.
