ഫ്രാങ്ക്ഫർട്ട്: യൂറോപ്പിലെ ഏറ്റവും വലിയ അന്താരാഷ്ട്ര ഓട്ടോമൊബൈൽ എക്സിബിഷൻ (ഐഎഎ) ഫ്രാങ്ക്ഫർട്ടിൽ തുടക്കമായി. ഫ്രാങ്ക്ഫർട്ടിലെ അതിവിശാലമായ എക്സിബിഷൻ ഹാളിൽ വ്യാഴാഴ്ച ജർമൻ ചാൻസലർ ആംഗല മെർക്കൽ ഐഎഎ ഒൗദ്യോഗികമായി ഉദ്ഘാടനം ചെയ്തു.
ഗതാഗത മേഖലയെ കൂടുതൽ കാലാവസ്ഥാ സൗഹാർദ്ദപരമാക്കുകയെന്ന കഠിനമായ ദൗത്യത്തിൽ എല്ലാവരും ഒന്നിച്ച് പ്രവർത്തിക്കേണ്ടതുണ്ടെന്ന് ഉദ്ഘാടന പ്രസംഗത്തിൽ മെർക്കൽ അഭ്യർഥിച്ചു. ജർമൻ ഗതാഗത മന്ത്രി അന്ത്രയാസ് ഷൊയർ ചടങ്ങിൽ പങ്കെടുത്തു.
വിമർശനത്തിനുപകരം അഭിനന്ദനവും ഒപ്പം വിവാദവും ഏറ്റുവാങ്ങുന്ന മോട്ടോർ ഷോ ജർമൻ വാഹന നിർമ്മാതാക്കൾക്കു മാത്രമല്ല ആഗോള വാഹന നിർമാണമേഖലയ്ക്ക് ശക്തിയും പുതിയ തലങ്ങളും നേടിക്കൊടുക്കുമെന്ന് ചാൻസലർ മെർക്കൽ പറഞ്ഞു. വാഹന വ്യവസായത്തിന്‍റെ സാമീപ്യം ജർമനിയെ എക്കാലത്തും മുൻപന്തിയിൽ കൊണ്ടുവരുന്ന ഘടകമാണെന്നും മെർക്കൽ ചൂണ്ടിക്കാട്ടി. ജർമൻ വാഹന വ്യവസായത്തിന് സർക്കാരിന്‍റെ എല്ലാവിധ സഹകരണം മെർക്കൽ വാഗ്ദാനം ചെയ്തു. ഏതാണ്ട് തൊണ്ണൂറു മിനിറ്റു നേരം ചെലവഴിച്ച മെർക്കൽ വാഹന മേളയിലെ വിവിധ പവലിയനുകൾ സന്ദർശിച്ച് പുതുപുത്തൻ സാങ്കേതിക മികവുകൾ കണ്ടു മനസിലാക്കി.
എക്സിബിഷനിലെ 90 മിനിറ്റ് പര്യടനത്തിൽ ഇലക്ട്രിക് കാറുകൾ, സ്വയംഭരണ ഷട്ടിൽ ബസുകൾ, എസ്യുവി വാഹനങ്ങൾ തുടങ്ങിയവ മെർക്കലിനെ ഏറെ ആകർഷിച്ചതായി പറഞ്ഞു. എന്നാൽ കാലാവസ്ഥാ/പരിസ്ഥിതിക്കാർ പ്രതിഷേധങ്ങളുമായി എത്തിയെങ്കിലും അവരെയും സമാധാനിപ്പിക്കാൻ മെർക്കൽ മറന്നില്ല.ഞങ്ങൾ പ്രക്ഷോഭത്തെ അഭിമുഖീകരിക്കുന്നില്ലെന്നും പക്ഷേ പുതിയ മാറ്റങ്ങൾ ഒരു യാഥാർഥ്യമാക്കുമെന്നും അവർ തുറന്നു പറഞ്ഞു.
രണ്ട് വർഷം മുന്പ് വ്യക്തമായി രൂപപ്പെടുത്തിയ ഡീസൽ സ്റ്റോക്കറുടെ വിമർശനത്തിൽ നിന്ന് രാജ്യം ഇപ്പോഴും മുക്തമല്ലെന്നും എന്നാൽ വിജയകരവും എന്നാൽ കനത്തതുമായ ക്രമീകരണങ്ങൾ ഉണ്ടാകുമെന്നും മെർക്കൽ കൂട്ടിചേർത്തു.
"ക്ലൈമറ്റ് കില്ലർ' വാഹനങ്ങൾ ജർമനി ഒഴിവാക്കുമെന്നും അതുലോകത്തിനുതന്നെ മാതൃകയാകുമെന്നും മെർക്കൽ ചൂണ്ടിക്കാട്ടി.ബാറ്ററി ശ്രേണികളിലെ കാർ മേധാവികളുമായി മെർക്കൽ കൂടിക്കാഴ്ച നടത്തി.വികസനത്തിന്‍റെ വിവിധ ഘട്ടങ്ങൾക്കു ശേഷം സ്വയംഭരണ ഡ്രൈവിംഗ് വേണമെന്നത് ഭാവിയിൽ ഗുണം ചെയ്യുമെന്നും അവർ പറഞ്ഞു.
വാഹന നിർമാണത്തിൽ ജർമനി മുന്നിൽ നിൽക്കുന്നതുപോലെ 2022 ഓടെ, പുതിയ മോട്ടോർ കമ്മ്യൂണിക്കേഷൻ സ്റ്റാൻഡേർഡ് 5 ജി എല്ലാ മോട്ടോർവേകളിലും രണ്ട് വർഷത്തിനുശേഷം ഫെഡറൽ ഹൈവേകളിലും ലഭ്യമാക്കും. കാറുകളിലെ പുതിയ ഡിജിറ്റൽ പ്രവർത്തനങ്ങൾക്ക് സാങ്കേതികവിദ്യ പ്രധാനമാണ്. ചാർജിംഗ് ഇൻഫ്രാസ്ട്രക്ചറിന്‍റെ വിശ്വാസ്യത ഇലക്ട്രോമോബിലിറ്റിയുടെ വിജയത്തിന് വളരെയധികം പ്രാധാന്യമുള്ളതാണെന്ന് ചാൻസലർ മുന്നറിയിപ്പ് നൽകി. 20,000 ചാർജിംഗ് പോയിന്‍റുകൾ ഇപ്പോൾ രാജ്യത്തുണ്ട്. ഇത് പര്യാപ്തമല്ലെന്നും മെർക്കൽ കൂട്ടിചേർത്തു.
മുൻനിര വ്യവസായ ലോബിയായ അസോസിയേഷൻ ഓഫ് ഓട്ടോമോട്ടീവ് ഇൻഡസ്ട്രി (വിഡിഎ) പ്രസിഡന്‍റ് ബെർണാർഡ് മാറ്റ്സ് ഐഎഎ യുടെ തലപ്പത്തുനിന്നും വിരമിക്കുന്ന കാര്യം പ്രഖ്യാപിച്ചു. ഈ മേളയോടെ താൻ പിൻവാങ്ങുകയാണെന്നും വിഡിഎ യുടെ തലവനെന്ന നിലയിൽ വർഷാവസാനം പിന്മാറുന്നതായും അദ്ദേഹം പ്രഖ്യാപിച്ചു. 2020 വരെ കാലാവധിയുണ്ടെങ്കിലും മറ്റുള്ളവർക്കുവേണ്ടി തന്‍റെ സ്ഥാനം ഒഴിയുകയാണെന്നും അദ്ദേഹം പറഞ്ഞു. ജർമനിയിലെ ഏറ്റവും സ്വാധീനമുള്ള ലോബി ഗ്രൂപ്പുകളിലൊന്നാണ് വിഡിഎ. 8 ലക്ഷത്തിലധികം ജീവനക്കാരുള്ള വാഹന വ്യവസായം ജർമനിയിലെ ഒരു പ്രധാന വ്യവസായമാണ്.
സെപ്റ്റംബർ 12 ന് ആരംഭിച്ച എക്സിബിഷൻ ഈ മാസം 22 ന് അവസാനിക്കും.
റിപ്പോർട്ട്: ജോസ് കുന്പിളുവേലിൽ
ഗതാഗത മേഖലയെ കൂടുതൽ കാലാവസ്ഥാ സൗഹാർദ്ദപരമാക്കുകയെന്ന കഠിനമായ ദൗത്യത്തിൽ എല്ലാവരും ഒന്നിച്ച് പ്രവർത്തിക്കേണ്ടതുണ്ടെന്ന് ഉദ്ഘാടന പ്രസംഗത്തിൽ മെർക്കൽ അഭ്യർഥിച്ചു. ജർമൻ ഗതാഗത മന്ത്രി അന്ത്രയാസ് ഷൊയർ ചടങ്ങിൽ പങ്കെടുത്തു.
വിമർശനത്തിനുപകരം അഭിനന്ദനവും ഒപ്പം വിവാദവും ഏറ്റുവാങ്ങുന്ന മോട്ടോർ ഷോ ജർമൻ വാഹന നിർമ്മാതാക്കൾക്കു മാത്രമല്ല ആഗോള വാഹന നിർമാണമേഖലയ്ക്ക് ശക്തിയും പുതിയ തലങ്ങളും നേടിക്കൊടുക്കുമെന്ന് ചാൻസലർ മെർക്കൽ പറഞ്ഞു. വാഹന വ്യവസായത്തിന്‍റെ സാമീപ്യം ജർമനിയെ എക്കാലത്തും മുൻപന്തിയിൽ കൊണ്ടുവരുന്ന ഘടകമാണെന്നും മെർക്കൽ ചൂണ്ടിക്കാട്ടി. ജർമൻ വാഹന വ്യവസായത്തിന് സർക്കാരിന്‍റെ എല്ലാവിധ സഹകരണം മെർക്കൽ വാഗ്ദാനം ചെയ്തു. ഏതാണ്ട് തൊണ്ണൂറു മിനിറ്റു നേരം ചെലവഴിച്ച മെർക്കൽ വാഹന മേളയിലെ വിവിധ പവലിയനുകൾ സന്ദർശിച്ച് പുതുപുത്തൻ സാങ്കേതിക മികവുകൾ കണ്ടു മനസിലാക്കി.
എക്സിബിഷനിലെ 90 മിനിറ്റ് പര്യടനത്തിൽ ഇലക്ട്രിക് കാറുകൾ, സ്വയംഭരണ ഷട്ടിൽ ബസുകൾ, എസ്യുവി വാഹനങ്ങൾ തുടങ്ങിയവ മെർക്കലിനെ ഏറെ ആകർഷിച്ചതായി പറഞ്ഞു. എന്നാൽ കാലാവസ്ഥാ/പരിസ്ഥിതിക്കാർ പ്രതിഷേധങ്ങളുമായി എത്തിയെങ്കിലും അവരെയും സമാധാനിപ്പിക്കാൻ മെർക്കൽ മറന്നില്ല.ഞങ്ങൾ പ്രക്ഷോഭത്തെ അഭിമുഖീകരിക്കുന്നില്ലെന്നും പക്ഷേ പുതിയ മാറ്റങ്ങൾ ഒരു യാഥാർഥ്യമാക്കുമെന്നും അവർ തുറന്നു പറഞ്ഞു.
രണ്ട് വർഷം മുന്പ് വ്യക്തമായി രൂപപ്പെടുത്തിയ ഡീസൽ സ്റ്റോക്കറുടെ വിമർശനത്തിൽ നിന്ന് രാജ്യം ഇപ്പോഴും മുക്തമല്ലെന്നും എന്നാൽ വിജയകരവും എന്നാൽ കനത്തതുമായ ക്രമീകരണങ്ങൾ ഉണ്ടാകുമെന്നും മെർക്കൽ കൂട്ടിചേർത്തു.
"ക്ലൈമറ്റ് കില്ലർ' വാഹനങ്ങൾ ജർമനി ഒഴിവാക്കുമെന്നും അതുലോകത്തിനുതന്നെ മാതൃകയാകുമെന്നും മെർക്കൽ ചൂണ്ടിക്കാട്ടി.ബാറ്ററി ശ്രേണികളിലെ കാർ മേധാവികളുമായി മെർക്കൽ കൂടിക്കാഴ്ച നടത്തി.വികസനത്തിന്‍റെ വിവിധ ഘട്ടങ്ങൾക്കു ശേഷം സ്വയംഭരണ ഡ്രൈവിംഗ് വേണമെന്നത് ഭാവിയിൽ ഗുണം ചെയ്യുമെന്നും അവർ പറഞ്ഞു.
വാഹന നിർമാണത്തിൽ ജർമനി മുന്നിൽ നിൽക്കുന്നതുപോലെ 2022 ഓടെ, പുതിയ മോട്ടോർ കമ്മ്യൂണിക്കേഷൻ സ്റ്റാൻഡേർഡ് 5 ജി എല്ലാ മോട്ടോർവേകളിലും രണ്ട് വർഷത്തിനുശേഷം ഫെഡറൽ ഹൈവേകളിലും ലഭ്യമാക്കും. കാറുകളിലെ പുതിയ ഡിജിറ്റൽ പ്രവർത്തനങ്ങൾക്ക് സാങ്കേതികവിദ്യ പ്രധാനമാണ്. ചാർജിംഗ് ഇൻഫ്രാസ്ട്രക്ചറിന്‍റെ വിശ്വാസ്യത ഇലക്ട്രോമോബിലിറ്റിയുടെ വിജയത്തിന് വളരെയധികം പ്രാധാന്യമുള്ളതാണെന്ന് ചാൻസലർ മുന്നറിയിപ്പ് നൽകി. 20,000 ചാർജിംഗ് പോയിന്‍റുകൾ ഇപ്പോൾ രാജ്യത്തുണ്ട്. ഇത് പര്യാപ്തമല്ലെന്നും മെർക്കൽ കൂട്ടിചേർത്തു.
മുൻനിര വ്യവസായ ലോബിയായ അസോസിയേഷൻ ഓഫ് ഓട്ടോമോട്ടീവ് ഇൻഡസ്ട്രി (വിഡിഎ) പ്രസിഡന്‍റ് ബെർണാർഡ് മാറ്റ്സ് ഐഎഎ യുടെ തലപ്പത്തുനിന്നും വിരമിക്കുന്ന കാര്യം പ്രഖ്യാപിച്ചു. ഈ മേളയോടെ താൻ പിൻവാങ്ങുകയാണെന്നും വിഡിഎ യുടെ തലവനെന്ന നിലയിൽ വർഷാവസാനം പിന്മാറുന്നതായും അദ്ദേഹം പ്രഖ്യാപിച്ചു. 2020 വരെ കാലാവധിയുണ്ടെങ്കിലും മറ്റുള്ളവർക്കുവേണ്ടി തന്‍റെ സ്ഥാനം ഒഴിയുകയാണെന്നും അദ്ദേഹം പറഞ്ഞു. ജർമനിയിലെ ഏറ്റവും സ്വാധീനമുള്ള ലോബി ഗ്രൂപ്പുകളിലൊന്നാണ് വിഡിഎ. 8 ലക്ഷത്തിലധികം ജീവനക്കാരുള്ള വാഹന വ്യവസായം ജർമനിയിലെ ഒരു പ്രധാന വ്യവസായമാണ്.
സെപ്റ്റംബർ 12 ന് ആരംഭിച്ച എക്സിബിഷൻ ഈ മാസം 22 ന് അവസാനിക്കും.
റിപ്പോർട്ട്: ജോസ് കുന്പിളുവേലിൽ
