വിയന്ന: കൈരളി നികേതൻ മലയാളം സ്കൂളിന്റെ നേതൃത്വത്തിൽ സംഘടിപ്പിക്കുന്ന യുവജനോത്സവത്തിന്റെ ആദ്യപാദ മത്സരങ്ങൾ സമാപിച്ചു. വിയന്നയിലെ ഒന്നാമത്തെ ജില്ലയിലുള്ള മലയാളം സ്കൂളിന്റെ ഹാളിൽ നടന്ന ഉദ്ഘാടന ചടങ്ങളിൽ ഫാ. തോമസ് കൊച്ചുച്ചിറ ഭദ്രദീപം തെളിച്ചു യുവജനോത്സവം 2019 ഉദ്ഘാടനം ചെയ്തു.
സ്കൂൾ കോർഡിനേറ്റർ ജോഷിമോൻ എറണാകേരിൽ സ്വാഗതം ആശംസിച്ച ചടങ്ങിൽ കുട്ടികളും, അധ്യാപകരും, സ്കൂൾ കമ്മിറ്റി ഭാരവാഹികളും, മാതാപിതാക്കളും ഉൾപ്പെടെ നിരവധിപേർ പങ്കെടുത്തു. മൂന്നുഘട്ടമായി സംഘടിക്കുന്ന മേളയിലെ മലയാള ഗാനം, പ്രച്ഛന്നവേഷം, കഥ പറച്ചിൽ, ഉപകരണ സംഗീതം തുടങ്ങിയ വ്യക്തിഗത ഇനങ്ങളും, സംഘഗാന മത്സരങ്ങളുമാണ് ആദ്യപാദത്തിൽ ഉണ്ടായിരുന്നത്. വിയന്നയിലെ രണ്ടാം തലമുറയിൽപ്പെട്ട നൂറോളം കുട്ടികൾ വിവിധ മത്സരങ്ങളിൽ പങ്കെടുക്കുന്നുത്.
ചിത്രരചന മത്സരം ഏപ്രിൽ 27ന് റാതൗസിന് സമീപം ഏബൻഡോർഫർ സ്ട്രാസെ 8ൽ നടക്കും. ഉച്ച കഴിഞ്ഞ് 3.45 മുതൽ വൈകിട്ട് 6 വരെയാണ് മത്സരം. ക്ലാസിക്കൽ നൃത്തങ്ങൾ, സിനിമാറ്റിക്ക് നൃത്തങ്ങൾ, ക്രിസ്ത്യൻ ഡാൻസ് തുടങ്ങിയ മേളയിലെ ജനപ്രിയ ഇനങ്ങൾ ഫ്േളോറിസ്ഡോർഫിലുള്ള ഹൗസ് ദേർ ബെഗേഗ്നുംഗിൽ മേയ് 11ന് നടക്കും.
കൈരളി നികേതൻ മലയാളം സ്കൂൾ പുതുതലമുറയ്ക്ക് വേണ്ടി വർഷങ്ങളായി സംഘടിപ്പിക്കുന്ന യുവജനോത്സവം സംഘാടക മികവുകൊണ്ടും കുട്ടികളുടെ മത്സരചാതുര്യം കൊണ്ടും വിയന്ന മലയാളികൾക്ക് അവിസ്മരണീയമായ മുഹൂർത്തങ്ങൾ സമ്മാനിച്ചു. പരിപാടിയുടെ വിജയത്തിനായി സഹകരിച്ച എല്ലാവർക്കും സെക്രട്ടറി ജോമി സ്രാന്പിക്കൽ നന്ദി രേഖപ്പെടുത്തി.
റിപ്പോർട്ട്: ജോബി ആന്റണി
സ്കൂൾ കോർഡിനേറ്റർ ജോഷിമോൻ എറണാകേരിൽ സ്വാഗതം ആശംസിച്ച ചടങ്ങിൽ കുട്ടികളും, അധ്യാപകരും, സ്കൂൾ കമ്മിറ്റി ഭാരവാഹികളും, മാതാപിതാക്കളും ഉൾപ്പെടെ നിരവധിപേർ പങ്കെടുത്തു. മൂന്നുഘട്ടമായി സംഘടിക്കുന്ന മേളയിലെ മലയാള ഗാനം, പ്രച്ഛന്നവേഷം, കഥ പറച്ചിൽ, ഉപകരണ സംഗീതം തുടങ്ങിയ വ്യക്തിഗത ഇനങ്ങളും, സംഘഗാന മത്സരങ്ങളുമാണ് ആദ്യപാദത്തിൽ ഉണ്ടായിരുന്നത്. വിയന്നയിലെ രണ്ടാം തലമുറയിൽപ്പെട്ട നൂറോളം കുട്ടികൾ വിവിധ മത്സരങ്ങളിൽ പങ്കെടുക്കുന്നുത്.
ചിത്രരചന മത്സരം ഏപ്രിൽ 27ന് റാതൗസിന് സമീപം ഏബൻഡോർഫർ സ്ട്രാസെ 8ൽ നടക്കും. ഉച്ച കഴിഞ്ഞ് 3.45 മുതൽ വൈകിട്ട് 6 വരെയാണ് മത്സരം. ക്ലാസിക്കൽ നൃത്തങ്ങൾ, സിനിമാറ്റിക്ക് നൃത്തങ്ങൾ, ക്രിസ്ത്യൻ ഡാൻസ് തുടങ്ങിയ മേളയിലെ ജനപ്രിയ ഇനങ്ങൾ ഫ്േളോറിസ്ഡോർഫിലുള്ള ഹൗസ് ദേർ ബെഗേഗ്നുംഗിൽ മേയ് 11ന് നടക്കും.
കൈരളി നികേതൻ മലയാളം സ്കൂൾ പുതുതലമുറയ്ക്ക് വേണ്ടി വർഷങ്ങളായി സംഘടിപ്പിക്കുന്ന യുവജനോത്സവം സംഘാടക മികവുകൊണ്ടും കുട്ടികളുടെ മത്സരചാതുര്യം കൊണ്ടും വിയന്ന മലയാളികൾക്ക് അവിസ്മരണീയമായ മുഹൂർത്തങ്ങൾ സമ്മാനിച്ചു. പരിപാടിയുടെ വിജയത്തിനായി സഹകരിച്ച എല്ലാവർക്കും സെക്രട്ടറി ജോമി സ്രാന്പിക്കൽ നന്ദി രേഖപ്പെടുത്തി.
റിപ്പോർട്ട്: ജോബി ആന്റണി