മേരി ആവാസ് സുനോ എന്ന ചിത്രത്തിന്റെ ട്രെയ്ലര് പുറത്തിറങ്ങി. ജയസൂര്യയും മഞ്ജുവാര്യരും ആദ്യമായി ഒരുമിക്കുന്ന ചിത്രമാണ് മേരി ആവാസ് സുനോ. ക്യാപ്റ്റന്, വെള്ളം എന്നീ സൂപ്പര്ഹിറ്റുകള്ക്ക് ശേഷം പ്രജേഷ് സെന്നും ജയസൂര്യയും ഒന്നിക്കുന്ന മൂന്നാമത്തെ ചിത്രം കൂടിയാണ് മേരി ആവാസ് സുനോ. തിരക്കഥയൊരുക്കിയിരിക്കുന്നതും പ്രജേഷ് ആണ്.
ശിവദയാണ് മറ്റൊരു പ്രധാനകഥാപാത്രത്തെ അവതരിപ്പിക്കുന്നത്. അതിഥി താരമായി സംവിധായകന് ശ്യാമപ്രസാദുമുണ്ട്. യൂണിവേഴ്സല് സിനിമയുടെ ബാനറില് ബി. രാകേഷ് ആണ് ചിത്രത്തിന്റെ നിര്മാണം. രജപുത്ര റിലീസ് ആണ് വിതരണം.
ജോണി ആന്റണി, ഗൗതമി നായര്, സോഹന് സീനുലാല്, സുധീര് കരമന, ജി. സുരേഷ് കുമാര്, ദേവി അജിത്, മിഥുന് വേണുഗോപാല്, മാസ്റ്റര് അര്ചിത് അഭിലാഷ്, ആര്ദ്ര അഭിലാഷ് എന്നിവരും അഭിനയിച്ചിരിക്കുന്നു.
ഛായാഗ്രഹണം വിനോദ് ഇല്ലംപള്ളി. ഹിപ്പോ പ്രൈം മീഡിയ ആന്റ് നെറ്റ് വര്ക്ക് ആണ് ചിത്രത്തിന്റെ ഇന്റര്നാഷണല് വിതരണം. ആന്. സരിഗ, വിജയകുമാര് പാലക്കുന്ന് എന്നിവര് സഹനിര്മാതാക്കളാണ്.