അനൂപ് മേനോന് നായകനാവുന്ന '21 ഗ്രാംസി'ന്റെ ട്രെയിലർ റിലീസ് ചെയ്തു. കൊലപാതകവും തുടര്ന്നുണ്ടാകുന്ന അന്വേഷണവുമാണ് 21 ഗ്രാംസ്. മാര്ച്ച് 18ന് ചിത്രം റിലീസ് ചെയ്യും. ചിത്രത്തില് അന്വേഷണ ഉദ്യോഗസ്ഥനായ ക്രൈംബ്രാഞ്ച് ഡിവൈഎസ്പി നന്ദകിഷോര് എന്ന കഥാപാത്രമായിട്ടാണ് അനൂപ് മേനോന് എത്തുന്നത്.
തിരക്കഥാകൃത്തുക്കളായ രഞ്ജിത്തും രണ്ജി പണിക്കറും ഒന്നിച്ച് എത്തുന്നുവെന്ന പ്രത്യേകതയും ചിത്രത്തിനുണ്ട്. ദ ഫ്രന്ഡ് റോ പ്രൊഡക്ഷന്സിന്റെ ബാനറില് നവാഗതനായ ബിബിന് കൃഷ്ണയാണ് എഴുതി സംവിധാനം ചെയ്യുന്നത്.
ലിയോണ ലിഷോയ്, ലെന, അനു മോഹന്, മാനസ രാധാകൃഷ്ണന്, നന്ദു, ശങ്കര് രാമകൃഷ്ണന്, പ്രശാന്ത് അലക്സാണ്ടര്, ചന്തുനാഥ്, മറീന മൈക്കിള്, വിവേക് അനിരുദ്ധ് തുടങ്ങി നിരവധി താരങ്ങളാണ് ചിത്രത്തിലെ പ്രധാനകഥാപാത്രങ്ങളെ അവതരിപ്പിക്കുന്നത്. ദീപക് ദേവാണ് സംഗീതം. ജിത്തു ദാമോദര്, അപ്പു എന് ഭട്ടതിരി എന്നിവര് യഥാക്രമം ഛായാഗ്രഹണവും എഡിറ്റിങ്ങും നിര്വഹിക്കുന്നു.