മോഹന്ലാലിനെ കേന്ദ്ര കഥാപാത്രമാക്കി പ്രിയദര്ശന് സംവിധാനം ചെയ്യുന്ന മരക്കാറിന്റെ ഗ്രാന്റ് ടീസര് പുറത്ത് വിട്ട് അണിയറപ്രവര്ത്തകര്. ചിത്രത്തിന്റെ ട്രെയ്ലർ കഴിഞ്ഞ വർഷം മാർച്ചിൽ പുറത്തുവന്നതാണെങ്കിലും കോവിഡ് സൃഷ്ടിച്ച അനിശ്ചിതാവസ്ഥയെ തുടർന്ന് ചിത്രം റിലീസ് ചെയ്യുന്ന തീയതി നീണ്ടുപോവുകയുമായിരുന്നു.
മോഹന്ലാല് നായകനായ പ്രിയദര്ശന് ചിത്രം ഇതിനോടകം ദേശീയ പുരസ്കാരങ്ങള് ഉള്പ്പെടെ നേടിയിരുന്നു. രണ്ടരവര്ഷം കൊണ്ടാണ് ചിത്രം പൂര്ത്തിയാക്കിയത്. മോഹന്ലാലിന് പുറമേ മഞ്ജു വാര്യര്, അര്ജുന് സര്ജ, പ്രഭു, കീര്ത്തി സുരേഷ്, പ്രണവ് മോഹന്ലാല്, കല്യാണി പ്രിയദര്ശന്, സുഹാസിനി, സുനില് ഷെട്ടി, നെടുമുടി വേണു, ഫാസില് തുടങ്ങി ഒരു വലിയ താരനിര തന്നെ ചിത്രത്തില് അണിനിരക്കുന്നു.