‘മരക്കാർ’ സിനിമയുടെ പുതിയ ടീസർ എത്തി. കണ്ണഞ്ചിപ്പിക്കുന്ന യുദ്ധരംഗങ്ങളും സംഘട്ടനരംഗങ്ങളും ടീസറിൽ ഉൾക്കൊള്ളിച്ചിട്ടുണ്ട്. മോഹന്ലാലിന് പുറമേ പ്രണവ് മോഹന്ലാല്, പ്രഭു, അര്ജുന്, ഫാസില്, സുനില് ഷെട്ടി, മഞ്ജു വാര്യര്, കീര്ത്തി സുരേഷ്, കല്യാണി പ്രിയദര്ശന്, നെടുമുടി വേണു, മുകേഷ്, സിദ്ദീഖ്, രഞ്ജി പണിക്കര്, ഹരീഷ് പേരടി തുടങ്ങിയ വമ്പന് താരനിരയാണ് ചിത്രത്തിലുള്ളത്.
കേരളത്തിലെ 90 ശതമാനം തിയറ്ററുകളിലും മരക്കാർ പ്രദര്ശനത്തിന് എത്തുമെന്നാണ് റിപ്പോര്ട്ടുകള്. ഇതിനോടകം അറുന്നൂറോളം സ്ക്രീനുകള് ചാര്ട്ട് ചെയ്ത് കഴിഞ്ഞെന്നാണ് വിവരം. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂരാണ് നിർമാണം. ഡോക്ടര് റോയ്, സന്തോഷ് ടി. കുരുവിള എന്നിവര് സഹനിർമാതാക്കളാണ്.