ഫഹദ് ഫാസിൽ നായകനാകുന്ന ട്രാൻസിലെ ഗാനം പുറത്തുവിട്ടു. വിനായക് ശശികുമാറിന്റെ വരികൾക്ക് ജാക്സൺ വിജയൻ ഈണം നൽകിയ ഗാനം ആലപിച്ചിരിക്കുന്നത് പ്രദീപ് കുമാർ, മുഹമ്മദ് മഖ്ബൂൽ, ജാക്സൺ വിജയൻ എന്നിവർ ചേർന്നാണ്.
അൻവർ റഷീദാണ് സിനിമ സംവിധാനം ചെയ്യുന്നത്. നസ്രിയ നസീം ആണ് ചിത്രത്തിലെ നായിക. സൗബിൻ, വിനായകൻ, ചെമ്പൻ വിനോദ്, ദിലീഷ് പോത്തൻ, അർജുൻ അശോകൻ, ശ്രീനാഥ് ഭാസി എന്നിവരും സിനിമയിൽ മറ്റ് പ്രധാനകഥാപാത്രങ്ങളെ അവതരിപ്പിക്കുന്നു. സിനിമ ഫെബ്രുവരി 14ന് തീയറ്ററുകളിലെത്തും.
അൻവർ റഷീദ് എന്റർടെയ്ൻമെന്റിന്റെ ബാനറിലാണ് ചിത്രം നിർമിക്കുന്നത്.