മുംബൈ: ആറു മാസത്തെ തുടർച്ചയായ ഇടിവിനുശേഷം രാജ്യത്തെ വ്യവസായ ഉത്പാദന സൂചികയിൽ (ഐഐപി)വർധന. സെപ്റ്റംബർ മാസത്തിലെ വ്യവസായ ഉത്പാദനത്തിലാണ് നേരിയ വർധന രേഖപ്പെടുത്തിയിരിക്കുന്നത്; 0.2 ശതമാനം. കഴിഞ്ഞ വർഷം സെപ്റ്റംബറിൽ വ്യവസായ ഉത്പാദന സൂചിക 4.6 ശതമാനം ചുരുങ്ങിയ സ്ഥാനത്താണിത്. ഐഐപിയുടെ 40 ശതമാനം വരുന്ന കാതൽ മേഖലയിലെ വ്യവസായ ഉത്പാദനത്തിലുണ്ടായ ഇടിവ് മുൻ മാസങ്ങളെ അപേക്ഷിച്ച് കുറഞ്ഞതാണ് നേട്ടമായത്.