സംവത് 2075 ;ഓഹരികളെ പിന്നിലാക്കി സ്വർണവും വെള്ളിയും

മും​ബൈ: സം​വ​ത്സ​രം (സം​വ​ത്) 2075 അ​വ​സാ​നി​ക്കു​ന്നു. 2076 ന്‍റെ മു​ഹൂ​ർ​ത്ത വ്യാ​പാ​രം ഇ​ന്നു വൈ​കു​ന്നേ​രം ന​ട​ക്കും. അ​ടു​ത്ത സം​വ​ത്സ​ര​ത്തി​ലെ നി​ക്ഷേ​പ​ങ്ങ​ളെ​പ്പ​റ്റി നി​ക്ഷേ​പ​ക​ർ​ക്കു​ള്ള കാ​ഴ്ച​പ്പാ​ട് ഈ ​വ്യാ​പാ​ര​ത്തി​ൽ അ​റി​യാം.

2075 അ​വ​സാ​നി​ക്കു​ന്പോ​ൾ ഓ​ഹ​രി​ക​ളേ​ക്കാ​ൾ നേ​ട്ടം സ്വ​ർ​ണ​ത്തി​നും വെ​ള്ളി​ക്കു​മാ​ണെ​ന്നു കാ​ണാം. ഓ​ഹ​രി​ക​ളേ​ക്കാ​ൾ ഇ​ര​ട്ടി നേ​ട്ട​മു​ണ്ടാ​യി സ്വ​ർ​ണ​ത്തി​ന്. മൂ​ന്നു വ​ർ​ഷ​ത്തി​നു ശേ​ഷ​മാ​ണു സ്വ​ർ​ണം ഓ​ഹ​രി​ക​ളെ മ​റി​ക​ട​ന്ന​ത്.

സ്വ​ർ​ണ​വി​ല 21 ശ​ത​മാ​ന​ത്തി​ല​ധി​കം നേ​ട്ട​മു​ണ്ടാ​ക്കി. എം​സി​എ​ക്സി​ൽ സ്വ​ർ​ണ​വി​ല ക​ഴി​ഞ്ഞ ദീ​പാ​വ​ലി​ക്ക് 31,700 ന​ടു​ത്താ​യി​രു​ന്നു. ഈ ​വെ​ള്ളി​യാ​ഴ്ച വി​ല 38,570 രൂ​പ. നേ​ട്ടം 21.6 ശ​ത​മാ​നം. വെ​ള്ളി​യും സ​മാ​ന നേ​ട്ട​മു​ണ്ടാ​ക്കി. 38,205 രൂ​പ​യി​ൽ നി​ന്ന് 46,775 രൂ​പ​യി​ലെ​ത്തി. 22.4 ശ​ത​മാ​നം നേ​ട്ടം.

ഇ​തേസ​മ​യം ഓ​ഹ​രി നി​ക്ഷേ​പ​ങ്ങ​ൾ അ​ത്ര നേ​ട്ടം ന​ൽ​കി​യി​ല്ല. സെ​ൻ​സെ​ക്സ് ഒ​രു വ​ർ​ഷംകൊ​ണ്ട് 4066.15 പോ​യി​ന്‍റാ​ണ് ഉ​യ​ർ​ന്ന​ത്. 11.62 ശ​ത​മാ​നം നേ​ട്ടം. 1053.9 പോ​യി​ന്‍റ് ഉ​യ​ർ​ന്ന നി​ഫ്റ്റി​യു​ടെ നേ​ട്ടം പ​ത്തു​ശ​ത​മാ​നം മാ​ത്രം.

വ​ലി​യ സൂ​ചി​ക​ക​ൾ​ക്കു താ​ഴെ നോ​ക്കി​യാ​ർ കാ​ര്യം കൂ​ടു​ത​ൽ മോ​ശം. ബി​എ​സ്ഇ മി​ഡ്ക്യാ​പ് സൂ​ചി​ക 2.6 ശ​ത​മാ​നം താ​ഴെ​യാ​ണ്. സ്മോ​ൾ ക്യാ​പ് 8.8 ശ​ത​മാ​നം താ​ഴോ​ട്ടു​ പോ​യി.
ഓ​ഹ​രി​ക​ളി​ൽ വ​ലി​യ നേ​ട്ടം കു​റി​ച്ച​ത് ഏ​ഷ്യ​ൻ പെ​യി​ന്‍റ്സ് ആ​ണ്. 45 ശ​ത​മാ​നം വ​ള​ർ​ച്ച. കൊ​ട്ട​ക് ബാ​ങ്ക് 41 ശ​ത​മാ​ന​വും ഭ​ര​തി എ​യ​ർ​ടെ​ൽ 34 ശ​ത​മാ​ന​വും നേ​ട്ടം കു​റി​ച്ചു.