കൊച്ചി: നാളികേര വികസന ബോർഡിന്റെ കേര സുരക്ഷ ഇൻഷ്വറൻസ് പദ്ധതി പ്രകാരം തെങ്ങുകയറ്റക്കാർക്കു നാളികേര വികസന ബോർഡ് രണ്ട് ലക്ഷം രൂപയുടെ ഇൻഷ്വറൻസ് പരിരക്ഷ നല്കും. കേരസുരക്ഷ ഇൻഷ്വറൻസ് പദ്ധതിക്കു കീഴിൽ അപേക്ഷിക്കുന്ന തെങ്ങുകയറ്റ തൊഴിലാളികൾക്കാണു പരിരക്ഷ നല്കുന്നത്. ഓറിയന്‍റൽ ഇൻഷ്വറൻസ് കന്പനിയുമായി സഹകരിച്ചാണു പദ്ധതി.
ബോർഡിന്റെ ചങ്ങാതിക്കൂട്ടം പരിശീലനമോ നീര ടെക്നീഷൻ പരിശീലനമോ പൂർത്തിയാക്കിയവരുടെ ഇൻഷ്വറൻസ് പ്രീമിയം ബോർഡ് നല്കും. ഒരു വർഷമാണു കാലാവധി. കാലാവധിക്കു ശേഷം 28 രൂപ നല്കി പോളിസി പുതുക്കാം. 65 വയസിൽ താഴെയുള്ള തെങ്ങുകയറ്റ തൊഴിലാളികൾക്കും പദ്ധതിയിൽ അംഗമാകാൻ 28 രൂപ പ്രീമിയം അടച്ചാൽ മതി.
നാളികേര വികസന ബോർഡിന്റെ പേരിൽ എറണാകുളത്ത് മാറ്റാവുന്ന 28 രൂപയുടെ ഡിമാൻഡ് ഡ്രാഫ്റ്റ് സഹിതം അപേക്ഷകൾ ചെയർമാൻ, നാളികേര വികസന ബോർഡ്, കേരഭവൻ, എസ്ആർവി റോഡ്, കൊച്ചി 682011 എന്ന വിലാസത്തിൽ അയയ്ക്കണം. ഫോണ്- 0484 2377266.
ബോർഡിന്റെ ചങ്ങാതിക്കൂട്ടം പരിശീലനമോ നീര ടെക്നീഷൻ പരിശീലനമോ പൂർത്തിയാക്കിയവരുടെ ഇൻഷ്വറൻസ് പ്രീമിയം ബോർഡ് നല്കും. ഒരു വർഷമാണു കാലാവധി. കാലാവധിക്കു ശേഷം 28 രൂപ നല്കി പോളിസി പുതുക്കാം. 65 വയസിൽ താഴെയുള്ള തെങ്ങുകയറ്റ തൊഴിലാളികൾക്കും പദ്ധതിയിൽ അംഗമാകാൻ 28 രൂപ പ്രീമിയം അടച്ചാൽ മതി.
നാളികേര വികസന ബോർഡിന്റെ പേരിൽ എറണാകുളത്ത് മാറ്റാവുന്ന 28 രൂപയുടെ ഡിമാൻഡ് ഡ്രാഫ്റ്റ് സഹിതം അപേക്ഷകൾ ചെയർമാൻ, നാളികേര വികസന ബോർഡ്, കേരഭവൻ, എസ്ആർവി റോഡ്, കൊച്ചി 682011 എന്ന വിലാസത്തിൽ അയയ്ക്കണം. ഫോണ്- 0484 2377266.
