മുംബൈ: ചൈനീസ് എതിരാളികളെ നേരിടാൻ ഉത്പാദനച്ചെലവ് ചുരുക്കാൻ നടപടികളുമായി സാംസംഗ് ഇന്ത്യ. ജീവനക്കാരെ പിരിച്ചുവിടുന്നതുൾപ്പെടെയുള്ള നടപടികൾ കന്പനി ആലോചിക്കുന്നതായാണ് റിപ്പോർട്ടുകൾ. ചൈനീസ് സ്മാർട്ഫോണ് നിർമാതാക്കളായ ഷവോമി,വിവോ, റിയൽമീ തുടങ്ങിയ കന്പനികൾ ഇന്ത്യയിൽ സജീവമാകുന്ന സാഹചര്യത്തിൽ ഉത്പാദനച്ചെലവ് നിയന്ത്രിച്ച് സ്മാർട്ഫോണുകളുടെ വിലകുറച്ച് വിപണി പിടിക്കാനാണ് സാംസംഗിന്‍റെ പദ്ധതി. ടിവി ഉൾപ്പെടെയുള്ള മറ്റ് ഇലക്ട്രോണിക്സ് ഉത്പന്നങ്ങളുടെ വില കുറയ്ക്കാനും കന്പനി പദ്ധതിയിട്ടിട്ടുണ്ട്.
ആദ്യഘട്ടത്തിൽ 1000 ജീവനക്കാരെയാണ് പിരിച്ചുവിടുകയെന്നും 150 പേരെ ഇതിനോടകം പിരിച്ചുവിട്ടതായും റിപ്പോർട്ടുകളിൽ പറയുന്നു. ഏറ്റവും പുതിയ കണക്കുകൾ പ്രകാരം ഷവോമിയാണ് ഇന്ത്യയിലെ വിപണി പങ്കാളിത്തത്തിൽ ഒന്നാം സ്ഥാനത്ത്; 43 ശതമാനം. 15 ശതമാനവുമായി സാംസംഗ് രണ്ടാമതാണ്. സാംസംഗ് അടുത്തിടെ പുറത്തിറക്കിയ ഗാലക്സി എം സീരിസ് സ്മാർട്ഫോണുകൾ ആഗോളതലത്തിലും ഇന്ത്യയിലും വലിയ സ്വീകാര്യത നേടിയിരുന്നു.
എന്നാൽ സമാന ഫീച്ചറുകളുള്ള ഫോണുകൾ ചൈനീസ് കന്പനികൾ കുറഞ്ഞവിലയ്ക്ക് ഇന്ത്യൻ വിപണിയിലെത്തിക്കുന്നത് കന്പനിക്ക് വലിയ വെല്ലുവിളിയാകുന്നുണ്ട്. ആഗോള ടെക് വന്പൻ ആപ്പിളും ഇന്ത്യൻ വിപണിയിൽ കൂടുതൽ സ്വീകാര്യത നേടാൻ തങ്ങളുടെ ഉത്പന്നങ്ങളുടെ വില കുറയ്ക്കാനുള്ള ശ്രമത്തിലാണ്.
ആദ്യഘട്ടത്തിൽ 1000 ജീവനക്കാരെയാണ് പിരിച്ചുവിടുകയെന്നും 150 പേരെ ഇതിനോടകം പിരിച്ചുവിട്ടതായും റിപ്പോർട്ടുകളിൽ പറയുന്നു. ഏറ്റവും പുതിയ കണക്കുകൾ പ്രകാരം ഷവോമിയാണ് ഇന്ത്യയിലെ വിപണി പങ്കാളിത്തത്തിൽ ഒന്നാം സ്ഥാനത്ത്; 43 ശതമാനം. 15 ശതമാനവുമായി സാംസംഗ് രണ്ടാമതാണ്. സാംസംഗ് അടുത്തിടെ പുറത്തിറക്കിയ ഗാലക്സി എം സീരിസ് സ്മാർട്ഫോണുകൾ ആഗോളതലത്തിലും ഇന്ത്യയിലും വലിയ സ്വീകാര്യത നേടിയിരുന്നു.
എന്നാൽ സമാന ഫീച്ചറുകളുള്ള ഫോണുകൾ ചൈനീസ് കന്പനികൾ കുറഞ്ഞവിലയ്ക്ക് ഇന്ത്യൻ വിപണിയിലെത്തിക്കുന്നത് കന്പനിക്ക് വലിയ വെല്ലുവിളിയാകുന്നുണ്ട്. ആഗോള ടെക് വന്പൻ ആപ്പിളും ഇന്ത്യൻ വിപണിയിൽ കൂടുതൽ സ്വീകാര്യത നേടാൻ തങ്ങളുടെ ഉത്പന്നങ്ങളുടെ വില കുറയ്ക്കാനുള്ള ശ്രമത്തിലാണ്.
