കൊച്ചി: ഇന്ത്യൻ ഓവർസീസ് ബാങ്കിന്‍റെ (ഐഒബി) മാനേജിംഗ് ഡയറക്ടർ ആൻഡ് ചീഫ് എക്സിക്യൂട്ടീവ് ഓഫീസറായി കർണം ശേഖർ ചുമതലയേറ്റു. ഏപ്രിൽ മുതൽ സ്പെഷൽ ഡ്യൂട്ടി ഓഫീസറും മുഴുവൻ സമയ ഡയറക്ടറായും പ്രവർത്തിച്ചുവരികയായിരുന്നു. മുന്പ് ദേനാ ബാങ്കിൽ എംഡി ആൻഡ് സിഇഒയും ആയിരുന്നു. സ്റ്റേറ്റ് ബാങ്ക് ഓഫ് ഇന്ത്യയിലെ ഏറ്റവും ഉയർന്ന ക്രെഡിറ്റ് കമ്മിറ്റിയുടെ തലവനായ ഡെപ്യൂട്ടി മാനേജിംഗ് ഡയറക്ടറും ചീഫ് ക്രെഡിറ്റ് ഓഫീസറായും സേവനമനുഷ്ഠിച്ചിട്ടുണ്ട്.
