എയർ ആംബുലൻസ് അയയ്ക്കാം, ഇന്ത്യയിലേക്കു പോരൂ...

ന്യൂ​ഡ​ൽ​ഹി: പ​ഞ്ചാ​ബ് നാ​ഷ​ണ​ൽ ബാ​ങ്ക് ത​ട്ടി​പ്പി​നെ​ത്തു​ട​ർ​ന്ന് രാ​ജ്യം​വി​ട്ട് ആ​ന്‍റി​ഗ്വ​യി​ൽ ഒ​ളി​വി​ൽ ക​ഴി​യു​ന്ന വ​ജ്ര​വ്യാ​പാ​രി മെ​ഹു​ൽ ചോ​ക്സി​യെ ഇ​ന്ത്യ​യി​ലേ​ക്ക് തി​രി​കെ എ​ത്തി​ക്കാ​ൻ എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റ് നീ​ക്കം തു​ട​ങ്ങി.

ഇ​ന്ത്യ​യി​ലേ​ക്ക് തി​രി​ക്കാ​ൻ എ​യ​ർ ആം​ബു​ല​ൻ​സും ആ​രോ​ഗ്യ​വി​ദ​ഗ്ധ​രു​ടെ സം​ഘ​വും വി​ട്ടു​ന​ല്കാ​മെ​ന്നും ഇ​ന്ത്യ​യി​ലെ​ത്തി​ച്ച് ആ​വ​ശ്യ​മാ​യ ചി​കി​ത്സ ന​ല്കാ​മെ​ന്നും എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റ് ഹൈ​ക്കോ​ട​തി​യെ അ​റി​യി​ച്ചു.

ആ​രോ​ഗ്യ പ്ര​ശ്ന​ങ്ങ​ൾ കാ​ര​ണം ഇ​ന്ത്യ​യി​ൽ തി​രി​കെ​യെ​ത്താ​ൻ ക​ഴി​യി​ല്ലെ​ന്ന് ക​ഴി​ഞ്ഞയാ​ഴ്ച ചോ​ക്സി ഹൈ​ക്കോ​ട​തി​യി​ൽ അ​റി​യി​ച്ച​തി​നെ​ത്തു​ട​ർ​ന്നാ​ണ് ഇ​ഡി​യു​ടെ നീ​ക്കം. 13,000 കോ​ടി രൂ​പ​യു​ടെ പി​എ​ൻ​ബി ത​ട്ടി​പ്പി​ന്‍റെ അ​ന്വേ​ഷ​ണ​വു​മാ​യി ചോ​ക്സി ഇ​തു​വ​രെ സ​ഹ​ക​രി​ച്ചി​ട്ടി​ല്ലെ​ന്നും ഇ​ഡി അ​റി​യി​ച്ചു.

ത​ന്‍റെ 6,129 കോ​ടി രൂ​പ മൂ​ല്യം വ​രു​ന്ന സ്വ​ത്തു​ക്ക​ൾ എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റ് ക​ണ്ടു​കെ​ട്ടി​യെ​ന്ന ചോ​ക്സി​യു​ടെ ആ​രോ​പ​ണ​ത്തെ ഇ​ഡി എ​തി​ർ​ത്തു. 2,100 കോ​ടി രൂ​പ​യു​ടെ സ്വ​ത്തു​ക്ക​ൾ മാ​ത്ര​മേ ക​ണ്ടു​കെ​ട്ടി​യി​ട്ടു​ള്ളൂ​വെ​ന്നാ​ണ് ഇ​ഡി​യു​ടെ വാ​ദം. ഇ​ന്ത്യ വി​ടു​ന്ന​തി​നു മു​ന്പ് സ്വ​ത്തു​ക്ക​ൾ വി​ൽ​ക്കാ​ൻ ചോ​ക്സി ശ്ര​മി​ച്ചി​രു​ന്നെ​ന്നും ഇ​ഡി ആ​രോ​പി​ച്ചു.