മുംബൈ: ടാറ്റ കൺസൾട്ടൻസി സർവീസസ് (ടിസിഎസ്) ഡിജിറ്റൽ ബിസിനസ് വരുമാനം പുറത്തുവിടുമെന്നു പ്രഖ്യാപിച്ചു. അടുത്ത ത്രൈമാസം മുതൽ ക്ലൗഡ് കംപ്യൂട്ടിംഗ്, ഡാറ്റ അനലിറ്റിക്സ്, ടിസിഎസ് ഇന്‍ററാക്ടീവ് തുടങ്ങിയ ഡിജിറ്റൽ ബിസിനസിലെ വരുമാനം പ്രത്യേകം പുറത്തുവിടുമെന്നാണ് പ്രഖ്യാപനം. പുതിയ സാങ്കേതികവിദ്യാമേഖലകളിലെ ബിസിനസ് മോണിറ്റൈസ് ചെയ്യുന്നതിലുള്ള ആത്മവിശ്വാസമാണ് രാജ്യത്തെ ഏറ്റവും വലിയ വിവരസാങ്കേതികവിദ്യാ ഒൗട്ട്സോഴ്സിംഗ് കന്പനിയായ ടിസിഎസിനെ ഇത്തരത്തിലൊരു തീരുമാനത്തിലേക്ക് എത്തിച്ചത്. ബംഗളൂരു ആസ്ഥാനമായുള്ള വിപ്രോ മാത്രമാണ് ഡാറ്റ അനലിറ്റിക്സിലെ വരുമാനം പുറത്തുവിട്ടിട്ടുള്ളത്.
