ഇന്നിപ്പോള് സമൂഹമാധ്യമങ്ങളില് സോപ്പ് തിന്നുന്ന സുന്ദരിയായ യുവതിയുടെ വീഡിയോ തരംഗമായിരിക്കുന്നു. "എനിക്ക് സോപ്പ് കഴിക്കാന് ഇഷ്ടമാണ്' എന്ന അടിക്കുറിപ്പോടെയാണ് ഇന്സ്റ്റഗ്രാമില് വീഡിയോ പങ്കുവച്ചത്.
യുവതി ബാത്ത് സോപ്പ് എടുക്കുന്നതും മണക്കുന്നതും തിന്നുന്നതും വീഡിയോയില് കാണാം. എളുപ്പത്തില് കഴിക്കാനായി സോപ്പ് മുറിക്കുകയും ചെയ്യുന്നുണ്ട്. എന്നാല്, ഇന്സ്റ്റഗ്രാം റീലില് യുവതി കഴിച്ച സോപ്പ് യഥാര്ഥത്തില് സോപ്പ് അല്ലെന്നും വളരെ രുചികരമായ കേക്ക് ആണെന്നും പിന്നീട് വെളിപ്പെടുന്നു.
ഭക്ഷണപ്രിയരെ രസിപ്പിക്കാന് റിയലിസ്റ്റിക് കേക്കുകള് തയാറാക്കുന്ന കോല്ക്കത്തയില്നിന്നുള്ള ബേക്കറായ സുചി ദത്തയാണ് വീഡിയോ പോസ്റ്റ് ചെയ്തത്. ബാത്ത് സോപ്പ് പോലെയുള്ള കേക്ക് അവതരിപ്പിക്കുന്ന വീഡിയോ ഇന്സ്റ്റഗ്രാമില് ഏകദേശം മൂന്ന് ദശലക്ഷം പേരാണ് കണ്ടത്.
കൗതുകരമായ വീഡിയോയിലൂടെ കാഴ്ചക്കാരെ വിസ്മയിക്കുന്ന കേക്ക് മേക്കര് കൂടിയാണ് സുചി ദത്ത.