പെർത്ത് മിഡിൽസ്വാനിലെ ലാന്പാലെ കോളജ് ഓഡിറ്റോറിയത്തിൽ സെപ്റ്റംബർ 23-നു ഉച്ചകഴിഞ്ഞാണ് കണ്‍വെൻഷൻ ആരംഭിച്ചത്. രൂപതാ വികാരി ജനറാൾ ഫാ. ഫ്രാൻസീസ് കോലഞ്ചേരിയുടെ മുഖ്യ കാർമികത്വത്തിൽ ആരംഭിച്ച വിശുദ്ധ കുർബാനയോടെയാണ് കണ്‍വൻഷൻ ശുശ്രൂഷകൾക്ക് തുടക്കംകുറിച്ചത്. പെർത്ത് സെന്‍റ് ജോസഫ് സീറോ മലബാർ പള്ളി വികാരി ഫാ. അനീഷ് ജയിംസ് സഹകാർമികനായി.
സമാപന ദിവസമായ 25-നു നടക്കുന്ന പൊതുസമ്മേളനത്തിൽ ഓസ്ട്രേലിയയിലെ സീറോ മലബാർ രൂപതാ ബിഷപ്പ് മാർ ബോസ്കോ പുത്തൂർ അധ്യക്ഷതവഹിക്കും. പെർത്ത് അതിരൂപതാ മുൻ ആർച്ച് ബിഷപ്പ് ബാരി ഹിക്കി മുഖ്യ പ്രഭാഷണം നടത്തും.
റിപ്പോർട്ട്: പ്രകാശ് ജോസഫ്