വിയ്യാറയൽ (സ്പെയിൻ): ഇംഗ്ലീഷ് ഗ്ലാമർ ടീമായ ലിവർപൂൾ യുവേഫ ചാന്പ്യൻസ് ലീഗ് ഫുട്ബോളിന്റെ ഫൈനലിൽ. സെമി ഫൈനലിൽ ഇരുപാദങ്ങളിലുമായി 5-2ന് സ്പാനിഷ് ക്ലബ് വിയ്യാറയലിനെ കീഴടക്കിയാണ് ചെന്പടയുടെ വന്പ്.
വിയ്യാറയലിന്‍റെ തട്ടകത്തിൽ നടന്ന രണ്ടാംപാദ സെമിയിൽ ഇഞ്ചോടിഞ്ച് പോരാട്ടത്തിലൂടെ 3-2ന്‍റെ ജയം ലിവർപൂൾ സ്വന്തമാക്കി. രണ്ടു ഗോളിനു പിന്നിൽ നിന്ന ശേഷമായിരുന്നു ലിവർപൂളിന്‍റെ ജയം. ലിവർപൂളിന്‍റെ തട്ടകമായ ആൻഫീൽഡിൽ നടന്ന ആദ്യപാദത്തിൽ ചെന്പട 2-0ന്‍റെ ജയം സ്വന്തമാക്കിയിരുന്നു. സ്വന്തം കാണികൾക്കു മുന്നിൽ നടന്ന രണ്ടാംപാദത്തിന്‍റെ മൂന്നാം മിനിറ്റിൽ ബൗലെയ ഡിയയിലൂടെ വിയ്യാറയൽ ലീഡ് നേടി. 41-ാം മിനിറ്റിൽ ഫ്രാൻസിസ് കൊഖ്വെലിനും ഗോൾ നേടിയതോടെ ആദ്യപാദത്തിലെ കടം വിയ്യാറയൽ വീട്ടി (2-2).
രണ്ടു ഗോളിന്റെ ലീഡുമായി വിയ്യാറയൽ രണ്ടാം പകുതിക്ക് ഇറങ്ങിയതോടെ മത്സരം ചൂടേറി. ആര് ഗോളടിച്ചാലും ഫൈനലിൽ എന്ന സാഹചര്യം മുതലാക്കാൻ ഇരു ടീമും എതിർ ഗോൾമുഖം ലക്ഷ്യമാക്കി കുതിച്ചു. ആ കുതിപ്പിന്‍റെ ഫലം 62-ാം മിനിറ്റിൽ ഫാബീഞ്ഞോയിലൂടെ ലിവർപൂൾ സ്വന്തമാക്കി. 67-ാം മിനിറ്റിൽ ലൂയിസ് ഡിയസും 74-ാം മിനിറ്റിൽ സാദിയോ മാനെയും ലിവർപൂളിനായി വല കുലുക്കി. 12 മിനിറ്റിന്‍റെ ഇടവേളയിൽ മൂന്ന് ഗോൾ നേടിയ ലിവർപൂൾ അതോടെ രണ്ടാംപാദത്തിലും ജയം കുറിച്ചു.
ലിവർ നാലാമൻ
യൂറോപ്യൻ പോരാട്ടത്തിൽ ലിവർപൂൾ ഫൈനലിൽ പ്രവേശിക്കുന്നത് ഇത് 10-ാം തവണയാണ്. യൂറോപ്യൻ പോരാട്ടത്തിന്റെ ഫൈനലിൽ 10+ തവണ പ്രവേശിക്കുന്ന നാലാമത് മാത്രം ടീമാണു ലിവർപൂൾ, ഇംഗ്ലീഷ് പ്രീമിയർ ലീഗിൽനിന്നുള്ള ആദ്യ ടീമും. സ്പാനിഷ് സൂപ്പർ ടീം റയൽ മാഡ്രിഡ് (16), ജർമൻ വന്പനായ ബയേണ്‍ മ്യൂണിക് (11), ഇറ്റാലിയൻ കരുത്തരായ എസി മിലാൻ (11) എന്നിവയാണു മുന്പ് ഈ നേട്ടം സ്വന്തമാക്കിയത്.
റയൽ മാഡ്രിഡ് x മാഞ്ചസ്റ്റർ സിറ്റി രണ്ടാം സെമി ഫൈനൽ വിജയികളാണു ഫൈനലിൽ ലിവർപൂളിന്‍റെ എതിരാളി. ആദ്യപാദ സെമിയിൽ ഇംഗ്ലീഷ് ക്ലബ്ബായ മാഞ്ചസ്റ്റർ സിറ്റി 4-3ന് റയൽ മാഡ്രിഡിനെ കീഴടക്കിയിരുന്നു.
യുവേഫ ചാന്പ്യൻസ് ലീഗ് ഫൈനലിൽ പ്രവേശിച്ചതോടെയാണിത്. എഫ്എയിൽ ലിവർപൂൾ x ചെൽസി ഫൈനൽ മേയ് 14ന് അരങ്ങേറും. ചെൽസിയെ പെനൽറ്റി ഷൂട്ടൗട്ടിൽ 10-11നു കീഴടക്കി ലിവർപൂൾ ഇംഗ്ലീഷ് ലീഗ് കപ്പ് കിരീടം നേടിയിരുന്നു.
വിയ്യാറയലിന്‍റെ തട്ടകത്തിൽ നടന്ന രണ്ടാംപാദ സെമിയിൽ ഇഞ്ചോടിഞ്ച് പോരാട്ടത്തിലൂടെ 3-2ന്‍റെ ജയം ലിവർപൂൾ സ്വന്തമാക്കി. രണ്ടു ഗോളിനു പിന്നിൽ നിന്ന ശേഷമായിരുന്നു ലിവർപൂളിന്‍റെ ജയം. ലിവർപൂളിന്‍റെ തട്ടകമായ ആൻഫീൽഡിൽ നടന്ന ആദ്യപാദത്തിൽ ചെന്പട 2-0ന്‍റെ ജയം സ്വന്തമാക്കിയിരുന്നു. സ്വന്തം കാണികൾക്കു മുന്നിൽ നടന്ന രണ്ടാംപാദത്തിന്‍റെ മൂന്നാം മിനിറ്റിൽ ബൗലെയ ഡിയയിലൂടെ വിയ്യാറയൽ ലീഡ് നേടി. 41-ാം മിനിറ്റിൽ ഫ്രാൻസിസ് കൊഖ്വെലിനും ഗോൾ നേടിയതോടെ ആദ്യപാദത്തിലെ കടം വിയ്യാറയൽ വീട്ടി (2-2).
രണ്ടു ഗോളിന്റെ ലീഡുമായി വിയ്യാറയൽ രണ്ടാം പകുതിക്ക് ഇറങ്ങിയതോടെ മത്സരം ചൂടേറി. ആര് ഗോളടിച്ചാലും ഫൈനലിൽ എന്ന സാഹചര്യം മുതലാക്കാൻ ഇരു ടീമും എതിർ ഗോൾമുഖം ലക്ഷ്യമാക്കി കുതിച്ചു. ആ കുതിപ്പിന്‍റെ ഫലം 62-ാം മിനിറ്റിൽ ഫാബീഞ്ഞോയിലൂടെ ലിവർപൂൾ സ്വന്തമാക്കി. 67-ാം മിനിറ്റിൽ ലൂയിസ് ഡിയസും 74-ാം മിനിറ്റിൽ സാദിയോ മാനെയും ലിവർപൂളിനായി വല കുലുക്കി. 12 മിനിറ്റിന്‍റെ ഇടവേളയിൽ മൂന്ന് ഗോൾ നേടിയ ലിവർപൂൾ അതോടെ രണ്ടാംപാദത്തിലും ജയം കുറിച്ചു.
ലിവർ നാലാമൻ
യൂറോപ്യൻ പോരാട്ടത്തിൽ ലിവർപൂൾ ഫൈനലിൽ പ്രവേശിക്കുന്നത് ഇത് 10-ാം തവണയാണ്. യൂറോപ്യൻ പോരാട്ടത്തിന്റെ ഫൈനലിൽ 10+ തവണ പ്രവേശിക്കുന്ന നാലാമത് മാത്രം ടീമാണു ലിവർപൂൾ, ഇംഗ്ലീഷ് പ്രീമിയർ ലീഗിൽനിന്നുള്ള ആദ്യ ടീമും. സ്പാനിഷ് സൂപ്പർ ടീം റയൽ മാഡ്രിഡ് (16), ജർമൻ വന്പനായ ബയേണ്‍ മ്യൂണിക് (11), ഇറ്റാലിയൻ കരുത്തരായ എസി മിലാൻ (11) എന്നിവയാണു മുന്പ് ഈ നേട്ടം സ്വന്തമാക്കിയത്.
റയൽ മാഡ്രിഡ് x മാഞ്ചസ്റ്റർ സിറ്റി രണ്ടാം സെമി ഫൈനൽ വിജയികളാണു ഫൈനലിൽ ലിവർപൂളിന്‍റെ എതിരാളി. ആദ്യപാദ സെമിയിൽ ഇംഗ്ലീഷ് ക്ലബ്ബായ മാഞ്ചസ്റ്റർ സിറ്റി 4-3ന് റയൽ മാഡ്രിഡിനെ കീഴടക്കിയിരുന്നു.
യുവേഫ ചാന്പ്യൻസ് ലീഗ് ഫൈനലിൽ പ്രവേശിച്ചതോടെയാണിത്. എഫ്എയിൽ ലിവർപൂൾ x ചെൽസി ഫൈനൽ മേയ് 14ന് അരങ്ങേറും. ചെൽസിയെ പെനൽറ്റി ഷൂട്ടൗട്ടിൽ 10-11നു കീഴടക്കി ലിവർപൂൾ ഇംഗ്ലീഷ് ലീഗ് കപ്പ് കിരീടം നേടിയിരുന്നു.
