കോതമംഗലം: അഖിലേന്ത്യാ അന്തര് സര്വകലാശാല ഫുട്ബോള് ചാമ്പ്യന്ഷിപ്പിന്റെ ആദ്യദിനം കേരളത്തില്നിന്നുള്ള മൂന്നു യൂണിവേഴ്സിറ്റികള്ക്കും ജയം. എംജി സര്വകലാശാല ഗുരുനാനാക് ദേവ് യൂണിവേഴ്സിറ്റിയെ ഒന്നിനെതിരേ രണ്ടു ഗോളുകള്ക്ക് പരാജയപ്പെടുത്തി. കേരള യൂണിവേഴ്സിറ്റി പഞ്ചാബ് സര്വകലാശാലയെ ഒരു ഗോളിന് തോല്പിച്ചു. കാലിക്കട്ട് യൂണിവേഴ്സിറ്റി സാന്റ് ഭാഗ് സിംഗ് യൂണിവേഴ്സിറ്റിയെ ഒരു ഗോളിന് മറികടന്നു.