ബാഴ്സലോണ: സ്പാനിഷ് കോപ്പ ഡെൽ റെ ഫുട്ബോൾ സെമിയിൽ അധികസമയ ഗോളിൽ സെവിയ്യയെ കീഴടക്കി ബാഴ്സലോണ ഫൈനലിൽ. നിശ്ചിതസമയ ഗോളും ഇഞ്ചുറി ടൈം ഗോളും അധികസമയ ഗോളും പെനൽറ്റി സേവിംഗും എല്ലാമായി ആവേശം തിരതല്ലിയ പോരാട്ടമായിരുന്നു ബാഴ്സയുടെ തട്ടകമായ ക്യാന്പ് നൗവിൽ അരങ്ങേറിയത്. രണ്ടാം പാദ സൂപ്പർ ത്രില്ലർ പോരാട്ടത്തിൽ 3-0ന്‍റെ ജയത്തോടെയാണ് ബാഴ്സലോണ ഫൈനലിലേക്ക് മുന്നേറിയത്. ആദ്യ പാദത്തിൽ സെവിയ്യ 2-0നു ജയിച്ചിരുന്നു. ഇരു പാദങ്ങളിലുമായി 3-2നാണു ബാഴ്സയുടെ ജയം.
