വിയ്യാറയൽ: സ്പാനിഷ് ലാ ലിഗ ഫുട്ബോളിൽ വിയ്യാറയലിനെതിരായ എവേ പോരാട്ടത്തിൽ അത്ലറ്റിക്കോ മാഡ്രിഡിനു (എടിഎം) ജയം. 2-0നാണ് ഡിയേഗോ സിമയോണിയുടെ കുട്ടികൾ ജയിച്ചുകയറിയത്. സിമയോണിയുടെ കീഴിൽ അത്ലറ്റിക്കോയുടെ 308-ാം ജയമാണ്. 512 മത്സരങ്ങളിൽനിന്നാണിത്. അത്ലറ്റിക്കോയ്ക്ക് ഏറ്റവുമധികം ജയം സമ്മാനിച്ചതിന്റെ റിക്കാർഡിൽ, ഇതിഹാസ പരിശീലകനായ ലൂയിസ് അരായോണീസ് സ്വാരസിനൊപ്പവും സിമയോണി എത്തി. 308 ജയം നേടാൻ അരാഗോണിസിന് 611 മത്സരങ്ങൾ വേണ്ടിവന്നു.
24 മത്സരങ്ങളിൽനിന്ന് 58 പോയിന്റുമായി ലീഡ് വിടാതെ ഒന്നാം സ്ഥാനത്ത് തുടരുകയാണ് അത്ലറ്റിക്കോ. ബാഴ്സലോണ (53 പോയിന്റ്), റയൽ മാഡ്രിഡ് (52) എന്നിവയാണു രണ്ടും മൂന്നും സ്ഥാനങ്ങളിൽ.
24 മത്സരങ്ങളിൽനിന്ന് 58 പോയിന്റുമായി ലീഡ് വിടാതെ ഒന്നാം സ്ഥാനത്ത് തുടരുകയാണ് അത്ലറ്റിക്കോ. ബാഴ്സലോണ (53 പോയിന്റ്), റയൽ മാഡ്രിഡ് (52) എന്നിവയാണു രണ്ടും മൂന്നും സ്ഥാനങ്ങളിൽ.