കോൽക്കത്ത: 2020-21 സീസൺ ഐ ലീഗ് ഫുട്ബോളിന് ഇന്ന് കിക്കോഫ്. ആദ്യ ദിനമായ ഇന്ന് മൂന്ന് മത്സരങ്ങൾ അരങ്ങേറും. കേരളത്തിന്‍റെ സ്വന്തം ടീമായ മലബാറിയൻസ് എന്ന ഓമനപ്പേരിലറിയപ്പെടുന്ന ഗോകുലം കേരള എഫ്സി ഇന്ന് കളത്തിലുണ്ട്. രാത്രി ഏഴിന് ചെന്നൈ സിറ്റിക്കെതിരേയാണ് ഗോകുലത്തിന്‍റെ മത്സരം.
ഉദ്ഘാടന മത്സരം ഉച്ചയ്ക്ക് രണ്ടിന് സുദേവ ഡൽഹി എഫ്സിയും മുഹമ്മദൻ എസ്‌സിയും തമ്മിലാണ്. സുദേവ കന്നിക്കാരാണ്. ഡൽഹിയിൽനിന്ന് ഒരു ക്ലബ് ഐ ലീഗിൽ എത്തുന്നത് ഇതാദ്യമാണ്. കോൽക്കത്തൻ ക്ലബ്ബായ മുഹമ്മദൻ സ്ഥാനക്കയറ്റം ലഭിച്ചും ഐ ലീഗിനെത്തുന്നു. മിനർവ പഞ്ചാബും ഐസ്വാൾ എഫ്സിയും തമ്മിൽ വൈകുന്നേരം നാലിനാണ് ഇന്നത്തെ രണ്ടാമത്തെ പോരാട്ടം. കോൽക്കത്തൻ വന്പന്മാരായ മോഹൻ ബഗാൻ, ഈസ്റ്റ് ബംഗാൾ എന്നിവരില്ലാത്ത ആദ്യ ഐ ലീഗ് സീസൺ ആണിതെന്നതും ശ്രദ്ധേയം.
ഉദ്ഘാടന മത്സരം ഉച്ചയ്ക്ക് രണ്ടിന് സുദേവ ഡൽഹി എഫ്സിയും മുഹമ്മദൻ എസ്‌സിയും തമ്മിലാണ്. സുദേവ കന്നിക്കാരാണ്. ഡൽഹിയിൽനിന്ന് ഒരു ക്ലബ് ഐ ലീഗിൽ എത്തുന്നത് ഇതാദ്യമാണ്. കോൽക്കത്തൻ ക്ലബ്ബായ മുഹമ്മദൻ സ്ഥാനക്കയറ്റം ലഭിച്ചും ഐ ലീഗിനെത്തുന്നു. മിനർവ പഞ്ചാബും ഐസ്വാൾ എഫ്സിയും തമ്മിൽ വൈകുന്നേരം നാലിനാണ് ഇന്നത്തെ രണ്ടാമത്തെ പോരാട്ടം. കോൽക്കത്തൻ വന്പന്മാരായ മോഹൻ ബഗാൻ, ഈസ്റ്റ് ബംഗാൾ എന്നിവരില്ലാത്ത ആദ്യ ഐ ലീഗ് സീസൺ ആണിതെന്നതും ശ്രദ്ധേയം.
