ടെക്സസ്: കേരളത്തിന്റെ മുൻ രഞ്ജി ട്രോഫി ക്രിക്കറ്റ് താരമായ ഡോ. സി.കെ. ഭാസ്കരൻ (79) അന്തരിച്ചു. കേരളത്തിൽനിന്ന് ആദ്യമായി ഇന്ത്യൻ ടെസ്റ്റ് ടീമിൽ കളിച്ച താരമാണു സി.കെ. ഭാസ്കരൻ എന്ന ചന്ദ്രോത്ത് കല്യാടൻ ഭാസ്കരൻ. സിലോണിനെതിരെ 1965ലായിരുന്നു അനൗദ്യോഗികമായ ആ മത്സരം.
തലശേരിക്കാരനായ ഭാസ്കരൻ 1957 മുതൽ 1966 വരെ കേരള ടീമിൽ സ്ഥിരം സാന്നിധ്യമായിരുന്നു. 16-ാം വയസിലായിരുന്നു ഈ വലംകൈ മീഡിയം പേസർ കേരളത്തിനായി അരങ്ങേറിയത്. 1966 മുതൽ 1969 വരെ മദ്രാസിനായും കളിച്ചു. എംബിബിഎസ് പാസായ ഭാസ്കരൻ ക്രിക്കറ്റ് കരിയർ അവസാനിപ്പിച്ച ശേഷം അമേരിക്കയിലായിരുന്നു. ഭാസ്കരന്റെ സഹോദരൻ സി.കെ. വിജയനും കേരളത്തിന്റെ മുൻ താരമായിരുന്നു.
തലശേരിക്കാരനായ ഭാസ്കരൻ 1957 മുതൽ 1966 വരെ കേരള ടീമിൽ സ്ഥിരം സാന്നിധ്യമായിരുന്നു. 16-ാം വയസിലായിരുന്നു ഈ വലംകൈ മീഡിയം പേസർ കേരളത്തിനായി അരങ്ങേറിയത്. 1966 മുതൽ 1969 വരെ മദ്രാസിനായും കളിച്ചു. എംബിബിഎസ് പാസായ ഭാസ്കരൻ ക്രിക്കറ്റ് കരിയർ അവസാനിപ്പിച്ച ശേഷം അമേരിക്കയിലായിരുന്നു. ഭാസ്കരന്റെ സഹോദരൻ സി.കെ. വിജയനും കേരളത്തിന്റെ മുൻ താരമായിരുന്നു.