തീ​ര​ദേ​ശ പ​രി​പാ​ല​ന നി​യ​മം: അ​തീ​വ​ജാ​ഗ്ര​ത പു​ല​ർ​ത്ത​ണം

ജ​ന​നി​ബി​ഡ​മാ​യ കേ​ര​ള​തീ​ര​ത്ത് ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ളോ മ​റ്റ​ധി​കൃ​ത​രോ ഒ​ന്നു​മ​റി​യാ​തെ ഇ​ത്ര​മാ​ത്രം ക്ര​മ​ര​ഹി​ത നി​ർ​മാ​ണ​ങ്ങ​ൾ ന​ട​ന്നു​വെ​ന്ന​ത് അ​വി​ശ്വ​സ​നീ​യ​മാ​ണ്

തീ​ര​ദേ​ശ പ​രി​പാ​ല​ന നി​യ​മ​ലം​ഘ​ന​ങ്ങ​ളു​ടെ പേ​രി​ൽ 27,735 കേ​സു​ക​ൾ ക​ണ്ടെ​ത്തി​യി​രി​ക്കു​ന്നു എ​ന്ന സം​സ്ഥാ​ന സ​ർ​ക്കാ​രി​ന്‍റെ വെ​ളി​പ്പെ​ടു​ത്ത​ൽ ഈ ​വി​ഷ​യ​ത്തി​ൽ സ്വീ​ക​രി​ക്കേ​ണ്ട തു​ട​ർ ന​ട​പ​ടി​ക​ളു​ടെ ഗൗ​ര​വം വ​ർ​ധി​പ്പി​ക്കു​ന്നു. മ​ര​ടി​ലെ അ​നു​ഭ​വം ക​ണ​ക്കി​ലെ​ടു​ത്ത് അ​തീ​വ​ജാ​ഗ്ര​ത​യോ​ടെ വേ​ണം തു​ട​ർ ന​ട​പ​ടി​ക​ൾ കൈ​ക്കൊ​ള്ളാ​ൻ. ഉ​ദാ​സീ​ന​ത വെ​ടി​ഞ്ഞ് കാ​ര്യ​ക്ഷ​മ​മാ​യി പ്ര​വ​ർ​ത്തി​ച്ചി​ല്ലെ​ങ്കി​ൽ സാ​ധാ​ര​ണ​ക്കാ​രാ​യ നി​ര​വ​ധി​പ്പേ​ർ ഇ​ര​ക​ളാ​യി​ത്തീ​രാ​നും അ​വ​ർ​ക്ക് കി​ട​പ്പാ​ട​മ​ട​ക്കം ന​ഷ്ട​മാ​കാ​നു​മു​ള്ള സാ​ധ്യ​ത ഏ​റെ​യാ​ണ്. മ​ര​ടി​ലെ 114 കോ​ടി രൂ​പ മൂ​ല്യ​മു​ണ്ടാ​യി​രു​ന്ന നാ​ല് പാ​ർ​പ്പി​ട സ​മു​ച്ച​യ​ങ്ങ​ൾ സു​പ്രീം​കോ​ട​തി വി​ധി​യെ​ത്തു​ട​ർ​ന്ന് പൊ​ളി​ച്ച​തു​മാ​യി ബ​ന്ധ​പ്പെ​ട്ട് സം​സ്ഥാ​ന ഖ​ജ​നാ​വി​നു​ണ്ടാ​യ ന​ഷ്ടം 60.32 കോ​ടി രൂ​പ​യു​ടെ​താ​യി​രു​ന്നു. മ​ര​ട് കേ​സി​ന്‍റെ തു​ട​ർ​ച്ച​യാ​യാ​ണ് ഇ​പ്പോ​ൾ കൂ​ടു​ത​ൽ കെ​ട്ടി​ട​ങ്ങ​ൾ നി​യ​മം​ ലം​ഘി​ച്ചാ​ണ് നി​ർ​മി​ച്ചി​രി​ക്കു​ന്ന​ത് എ​ന്നു ക​ണ്ടെ​ത്തി​യി​രി​ക്കു​ന്ന​ത്.

മ​ര​ടി​ലെ ഫ്ലാ​റ്റു​ക​ൾ പൊ​ളി​ക്കു​ന്ന​തു​മാ​യി ബ​ന്ധ​പ്പെ​ട്ട് കേ​സ് ന​ട​ക്കു​ന്ന​തി​നി​ടെ​യാ​ണ് കേ​ര​ള​ത്തി​ൽ തീ​ര​ദേ​ശ​പ​രി​പാ​ല​ന നി​യ​മം ലം​ഘി​ച്ചു പ​ണി​തി​രി​ക്കു​ന്ന മു​ഴു​വ​ൻ നി​ർ​മി​തി​ക​ളു​ടെ​യും പ​ട്ടി​ക ത​യാ​റാ​ക്കി ന​ൽ​കാ​നും ന​ട​പ​ടി​യെ​ടു​ക്കാ​നും സു​പ്രീം കോ​ട​തി ഉ​ത്ത​ര​വി​ട്ട​ത്. എ​ന്നാ​ൽ ഇ​തു​സം​ബ​ന്ധി​ച്ച് കേ​ര​ളം തു​ട​ർ​ന​ട​പ​ടി വൈ​കി​പ്പി​ച്ചു​വെ​ന്നു ചൂ​ണ്ടി​ക്കാ​ട്ടി ന​ൽ​കി​യി​രി​ക്കു​ന്ന കോ​ട​തി​യ​ല​ക്ഷ്യ ഹ​ർ​ജി​യി​ലാ​ണ് ഇ​പ്പോ​ൾ സം​സ്ഥാ​ന ചീ​ഫ് സെ​ക്ര​ട്ട​റി സു​പ്രീം കോ​ട​തി​ക്ക് റി​പ്പോ​ർ​ട്ട് ന​ൽ​കി​യി​രി​ക്കു​ന്ന​ത്. ഈ ​റി​പ്പോ​ർ​ട്ട് പ്ര​കാ​രം നി​യ​മ​ലം​ഘ​ന​ങ്ങ​ൾ സം​ശ​യി​ക്കു​ന്ന 27,735 കേ​സു​ക​ളി​ൽ അ​നു​മ​തി​യി​ല്ലാ​തെ നി​ർ​മാ​ണം ന​ട​ത്തി​യി​രി​ക്കു​ന്ന​ത് 1,860 കെ​ട്ടി​ട​ങ്ങ​ളാ​ണെ​ന്നും ദൂ​ര​പ​രി​ധി നി​യ​മം ലം​ഘി​ച്ചി​രി​ക്കു​ന്ന​ത് 6,805 കെ​ട്ടി​ട​ങ്ങ​ളാ​ണെ​ന്നും വ്യ​ക്ത​മാ​ക്കു​ന്നു. 19,070 കെ​ട്ടി​ട​ങ്ങ​ൾ സം​ബ​ന്ധി​ച്ച് കൂ​ടു​ത​ൽ പ​രി​ശോ​ധ​ന ആ​വ​ശ്യ​മാ​ണെ​ന്നും റി​പ്പോ​ർ​ട്ടി​ലു​ണ്ട്. നി​യ​മ​ലം​ഘ​നം ക​ണ്ടെ​ത്തി​യ നി​ർ​മാ​ണ പ്ര​വൃ​ത്തി​ക​ളു​ടെ സ്ഥ​ല​പ​രി​ശോ​ധ​ന ന​ട​ത്തു​ന്ന​തി​ന് ജി​ല്ലാ​ത​ല​ത്തി​ൽ പ്ര​ത്യേ​ക സം​ഘ​ത്തെ നി​യോ​ഗി​ച്ചി​ട്ടു​ണ്ട്. പ​രി​ശോ​ധ​ന​യ്​ക്ക് നാ​ലു മാ​സ​വും പ​ബ്ലി​ക് ഹി​യ​റിം​ഗി​ന് ര​ണ്ടു മാ​സ​വും സൂ​ക്ഷ്മ​പ​രി​ശോ​ധ​ന​യ്ക്കും അ​ന്തി​മ​പ​ട്ടി​ക ത​യാ​റാ​ക്കാ​നും ഓ​രോ മാ​സ​വും ആ​വ​ശ്യ​മാ​ണെ​ന്നും ത​ടു​ർ​ന്ന് ന​ട​പ​ടി സ്വീ​ക​രി​ക്കു​മെ​ന്നു​മാ​ണ് സു​പ്രീം കോ​ട​തി​യെ അ​റി​യി​ച്ചി​രി​ക്കു​ന്ന​ത്. ഈ ​പ്ര​വ​ർ​ത്ത​ന​ങ്ങ​ളി​ലാ​ണ് ഇ​നി സം​സ്ഥാ​നം സൂ​ക്ഷ്മ​ത പു​ല​ർ​ത്തേ​ണ്ട​ത്.

തീ​ര​ദേ​ശ പ​രി​പാ​ല​ന നി​യ​മം യ​ഥാ​വി​ധി സം​സ്ഥാ​ന​ത്ത് ന​ട​പ്പാ​ക്കു​ന്ന​തി​ൽ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളും സ​ർ​ക്കാ​രും കാ​ട്ടി​യ അ​ലം​ഭാ​വ​വും വീ​ഴ്ച​യു​മാ​ണ് ഇ​ത്ര​മാ​ത്രം നി​യ​മ​ലം​ഘ​ന​ങ്ങ​ൾ ഉ​ണ്ടാ​കാ​ൻ കാ​ര​ണ​മെ​ന്ന​തി​ൽ സം​ശ​യ​മി​ല്ല. ഒ​ന്നു​കി​ൽ കേ​ന്ദ്ര​സ​ർ​ക്കാ​ർ ന​ട​പ്പാ​ക്കി​യ നി​യ​മ​ത്തെ​ക്കു​റി​ച്ച് സം​സ്ഥാ​ന​ത്തെ ഉ​ദ്യോ​ഗ​സ്ഥ​ർ ശ​രി​യാ​യി മ​ന​സി​ലാ​ക്കി​യി​ല്ല. അ​ല്ലെ​ങ്കി​ൽ നി​യ​മ​ത്തെ അ​വ​ഗ​ണി​ച്ചു​കൊ​ണ്ട് തീ​ര​ദേ​ശ​ങ്ങ​ളി​ൽ അ​ന​ധി​കൃ​ത കെ​ട്ടി​ട​നി​ർ​മാ​ണ​ങ്ങ​ൾ​ക്ക് അ​നു​മ​തി ന​ൽ​കി. ര​ണ്ടാ​ണെ​ങ്കി​ലും വീ​ഴ്ച​ത​ന്നെ​യാ​ണ്. ഇ​തി​ന്‍റെ ഇ​ര​ക​ളാ​യി​ത്തീ​ർ​ന്നി​രി​ക്കു​ന്ന​തി​ൽ വ​ലി​യൊ​രു വി​ഭാ​ഗം സാ​ധാ​ര​ണ​ക്ക​ാരാ​ണ്. മ​ര​ടി​ൽ​ത്ത​ന്നെ ത​ങ്ങ​ളു​ടെ ജീ​വി​ത​സ​മ്പാ​ദ്യം​കൊ​ണ്ട് റി​ട്ട​യ​ർ​മെ​ന്‍റി​നു​ശേ​ഷ​മു​ള്ള വി​ശ്ര​മ​ജീ​വി​ത​ത്തി​നാ​യി ഫ്ലാ​റ്റ് വ​ങ്ങി​യ നി​ര​വ​ധി​പ്പേ​രാ​ണ് ച​തി​ക്ക​പ്പെ​ട്ട​ത്. വി​ദേ​ശ​രാ​ജ്യ​ങ്ങ​ളി​ൽ ക​ഠി​നാ​ദ്ധ്വാ​നം ചെ​യ്തു​ണ്ടാ​ക്കി​യ പ​ണം​കൊ​ണ്ട് ശി​ഷ്ട​കാ​ലം നാ​ട്ടി​ൽ സ്വൈ​രമാ​യി ജീ​വി​ക്കാ​മെ​ന്ന് ആ​ഗ്ര​ഹി​ച്ച​വ​രു​മു​ണ്ടാ​യി​രു​ന്നു. ചി​ല​രെ​ങ്കി​ലും ക​ള്ള​പ്പ​ണം​കൊ​ണ്ടും കൂ​ടു​ത​ൽ ലാ​ഭ​മു​ണ്ടാ​ക്കാ​നു​ള്ള ത്വ​ര​കൊ​ണ്ടും ഫ്ലാ​റ്റ് വാ​ങ്ങി​യ​വ​രാ​യി​രി​ക്കും. എ​ന്നാ​ൽ കി​ട​പ്പാ​ടം ന​ഷ്ട​പ്പെ​ട്ട​വ​രു​ടെ വേ​ദ​ന​ക​ൾ നി​സാ​ര​മ​ല്ല.

അ​ന​ധി​കൃ​ത നി​ർ​മാ​ണം ന​ട​ത്താ​ൻ മി​ക്ക​വ​രും കൈ​ക്കൂ​ലി കൊ​ടു​ക്കു​ക​യോ സ്വാ​ധീ​നം ചെ​ലു​ത്തു​ക​യോ ചെ​യ്ത​രി​ക്കാം. ഉ​ദ്യോ​ഗ​സ്ഥർ അ​വ​ർ​ക്ക് ഒ​ത്താ​ശ​യും ചെ​യ്തി​ട്ടു​ണ്ടാ​കും. മ​റ്റു ചി​ല​ർ കോ​ട​തി​ക​ളി​ൽ​നി​ന്ന് താ​ത്കാ​ലി​ക ഉ​ത്ത​ര​വു​ക​ൾ സ​മ്പാ​ദി​ച്ചാ​യി​രി​ക്കും നി​ർ​മാ​ണം ന​ട​ത്തി​യി​ട്ടു​ണ്ടാ​വു​ക. പി​ന്നീ​ട് നി​ർ​മാ​ണം പൂ​ർ​ത്തി​യാ​ക്കി കെ​ട്ടി​ട ന​മ്പ​രും വൈ​ദ്യു​തി, കു​ടി​വെ​ള്ളം ക​ണ​ക്‌​ഷ​നു​ക​ളും എ​ടു​ത്ത​ശേ​ഷം വി​ല്പ​നന​ട​ത്തി​യി​ട്ടു​ള്ള​വ​രാ​യി​രി​ക്കും ഭൂ​രി​പ​ക്ഷ​വും. ഇ​ത്ത​രം ക​ട​മ്പ​ക​ളെ​ല്ലാം ക​ട​ന്നി​ട്ടു​ള്ള​തി​നാ​ൽ കെ​ട്ടി​ട​നി​ർ​മാ​ണം നി​യ​മാ​നു​സൃ​ത​മെ​ന്ന് വാ​ങ്ങാ​നെ​ത്തി​യ സാ​ധാ​ര​ണ​ക്കാ​ർ തെ​റ്റി​ദ്ധ​രി​ക്കും. മ​ര​ടി​ലേ​തു​പോ​ലെ വ​ലി​യ​വി​ല ന​ൽ​കി വാ​ങ്ങി​യി​ട്ടു​മു​ണ്ടാ​കും. എ​ന്നാ​ൽ നി​യ​മ​ലം​ഘ​ന​ങ്ങ​ൾ അ​നു​വ​ദി​ച്ചി​രു​ന്നി​ല്ലെ​ങ്കി​ൽ നി​ർ​മാ​ണം ത​ന്നെ ന​ട​ക്കാ​ൻ സാ​ധ്യ​ത​യു​മി​ല്ല. അ​തി​നാ​ൽ ഇ​പ്പോ​ഴു​ണ്ടാ​യി​രി​ക്കു​ന്ന പ്ര​തി​സ​ന്ധി​ക്ക് പൂ​ർ​ണ​മാ​യ ഉ​ത്ത​ര​വാ​ദി​ക​ൾ നി​ല​വി​ലെ കെ​ട്ടി​ട ഉ​ട​മ​ക​ൾ മാ​ത്ര​മാ​ണെ​ന്ന് ക​രു​തു​ന്ന​തി​ൽ അ​ടി​സ്ഥാ​ന​മി​ല്ല.

സം​സ്ഥ​ാന​ത്തി​ന് ഇ​നി​യും കാ​ര്യ​മാ​യ ഇ​ട​പെ​ട​ൽ ന​ട​ത്താ​ൻ ക​ഴി​യും. ആ​ദ്യ​മാ​യി സ​മ​യ​ബ​ന്ധി​ത​മാ​യി ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്ക​ണം. സം​ശ​യി​ക്ക​പ്പെ​ടു​ന്ന ഓ​രോ കേ​സും വി​ശ​ദ​മാ​യി പ​ഠി​ക്കു​ക​യും നി​യ​മ​ലം​ഘ​ന​മി​ല്ലാ​ത്ത​വ​യെ പൂ​ർ​ണ​മാ​യി കു​റ്റ​വി​മു​ക്ത​മാ​ക്കു​ക​യും വേ​ണം. ഗു​രു​ത​ര​മാ​യ നി​യ​മ​ലം​ഘ​ന​മു​ള്ള കേ​സു​ക​ളി​ൽ അ​വി​ഹി​ത​മാ​യി ഇ​ട​പാ​ടു​ക​ൾ ബോ​ധ്യ​പ്പെ​ട്ടി​ട്ടു​ണ്ടെ​ങ്കി​ൽ കു​റ്റ​ക്കാ​രെ നി​യ​മ​ത്തി​നു​മു​ന്നി​ൽ കൊ​ണ്ടു​വ​ര​ണം. പ​ബ്ലി​ക് ഹി​യ​റിം​ഗി​ൽ ത​ങ്ങ​ളു​ടെ ഭാ​ഗം അ​വ​ത​രി​പ്പി​ക്കു​ന്ന​തി​ന് കു​റ്റാ​രോ​പി​ത​ർ​ക്ക് മ​തി​യാ​യ അ​വ​സ​രം ന​ൽ​ക​ണം. അ​തി​നാ​യി നി​യ​മ​ത്തെ​ക്കു​റി​ച്ചും കേ​സി​ന്‍റെ ന​ട​പ​ടി​ക്ര​മ​ങ്ങ​ളെ​ക്കു​റി​ച്ചും മ​ല​യാ​ള​ത്തി​ലു​ള്ള അ​റി​യി​പ്പു​ക​ൾ ത​യാ​റാ​ക്കി അ​വ​ർ​ക്കു ന​ൽ​ക​ണം. ഇ​ക്കാ​ര്യ​ങ്ങ​ളെ​ല്ലാം വെ​ബ്സൈ​റ്റി​ൽ മാ​ത്രം പ്ര​സി​ദ്ധീ​ക​രി​ച്ചാ​ൽ സാ​ധാ​ര​ണ​ക്കാ​ർ അ​റി​യാ​നി​ട​യി​ല്ല. ഇ​ട​നി​ല​ക്കാ​രു​ടെ ചൂ​ഷ​ണ​ത്തി​നും സാ​ധ്യ​ത​യു​ണ്ട്.

അ​നു​മ​തി​യി​ല്ലാ​തെ 1,860 നി​ർ​മാ​ണ​ങ്ങ​ൾ ന​ട​ന്നി​രി​ക്കു​ന്നു എ​ന്ന ക​ണ്ടെ​ത്ത​ലും ഗൗ​ര​വ​മേ​റി​യ​താ​ണ്. ജ​ന​നി​ബി​ഡ​മാ​യ കേ​ര​ള​തീ​ര​ത്ത് ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ളോ മ​റ്റ​ധി​കൃ​ത​രോ ഒ​ന്നു​മ​റി​യാ​തെ ഇ​ത്ര​മാ​ത്രം ക്ര​മ​ര​ഹി​ത നി​ർ​മാ​ണ​ങ്ങ​ൾ ന​ട​ന്നു​വെ​ന്ന​ത് അ​വി​ശ്വ​സ​നീ​യ​മാ​ണ്. ആ​രു​ടെ​യൊ​ക്കെ​യോ മൗ​നാ​നു​വാ​ദം ഇ​വ​യ്ക്കെ​ല്ലാം പി​ന്നി​ലു​ണ്ടാ​കും എ​ന്നു​ത​ന്നെ സം​ശ​യി​ക്ക​ണം. എ​ന്തു​ത​ന്നെ​യാ​യാ​ലും ഇ​നി​യും കേ​ര​ള​ത്തി​ൽ മ​ര​ട് സം​ഭ​വ​ങ്ങ​ൾ ആ​വ​ർ​ത്തി​ച്ചു​കൂ​ടാ. അ​തു​വ​ഴി സം​സ്ഥാ​ന ഖ​ജ​നാ​വി​ലെ നി​കു​തി​പ്പ​ണം ചെ​ല​വ​ഴി​ച്ചു​കൂ​ടാ. സാ​ധാ​ര​ണ​ക്കാ​ർ വ​ഞ്ചി​ക്ക​പ്പെ​ട്ടു​കൂ​ടാ. തീ​ര​ദേ​ശ​പ​രി​പാ​ല​ന നി​യ​മം സം​ബ​ന്ധി​ച്ച് പൊ​തു​ജ​ന​ങ്ങ​ൾ​ക്ക് പ്ര​ത്യേ​കി​ച്ച് തീ​ര​ദേ​ശ​വാ​സി​ക​ൾ​ക്ക് ഫ​ല​പ്ര​ദ​മാ​യ ബോ​ധ​വ​ത്ക​ര​ണം ന​ൽ​കു​ക എ​ന്ന​തും പ്ര​ധാ​ന​മാ​ണ്.