ദുബായ്: ഏഷ്യ കപ്പ് ക്രിക്കറ്റ് നീട്ടിവയ്ക്കുമെന്ന ബിസിസിഐ പ്രസിഡന്റ് സൗരവ് ഗാംഗുലിയുടെ പ്രസ്താവനയുടെ പിറ്റേദിനം അതു സംബന്ധിച്ച സ്ഥിരീകരണമെത്തി. സെപ്റ്റംബറിൽ നടക്കേണ്ട ഏഷ്യാ കപ്പ് ക്രിക്കറ്റ് 2021ലേക്കാണ് മാറ്റിയതായി ഏഷ്യൻ ക്രിക്കറ്റ് കൗണ്സിൽ ഇന്നലെ അറിയിച്ചു. 2021 ജൂണിൽ ശ്രീലങ്കയിലാണ് ടൂർണമെന്റ്. 2022 ടൂർണമെന്റിന് പാക് ക്രിക്കറ്റ് ബോർഡിനാണ് അവകാശമെന്നും എസിസി വ്യക്തമാക്കി.
