ന്യൂഡല്ഹി: മലയാളി അത്ലറ്റ് പി.യു ചിത്രയെ അര്ജുന പുരസ്കാരത്തിനായി ശിപാര്ശ ചെയ്തു. ദേശീയ അത്ലറ്റിക് ഫെഡറേഷനാണ് ചിത്രയുടെ പേര് നിര്ദേശിച്ചത്. കൂടാതെ അത്ലറ്റിക്സ് പരിശീലകന് രാധാകൃഷ്ണന് നായരെ ദ്രോണാചാര്യ പുരസ്കാരത്തിനായും ശിപാര്ശ ചെയ്തിട്ടുണ്ട്. ഒളിമ്പ്യനായ മലയാളി അത്ലറ്റ് ജിന്സി ഫിലിപ്പിനെ ധ്യാന്ചന്ദ് പുരസ്കാരത്തിനും പരിഗണിക്കും.
2018ല് ജക്കാര്ത്തയില് നടന്ന ഏഷ്യന് ഗെയിംസില് വെങ്കലം നേടിയ ചിത്ര 2016ലെ സൗത്ത് ഏഷ്യന് ഗെയിംസില് സ്വര്ണം നേടി. ഏഷ്യന് അത്ലറ്റിക്സ് ചാമ്പ്യന്ഷിപ്പില് ഇരട്ടസ്വര്ണവും ചിത്രയുടെ പേരിലുണ്ട്. 2017ല് ഭുവനേശ്വറിലും 2019ല് ദോഹയിലുമായിരുന്നു ഈ നേട്ടങ്ങള്. ഇന്ത്യന് റെയില്വേയില് ഉദ്യോഗസ്ഥയാണ്. ചിത്രയെക്കൂടാതെ അര്പിന്ദര് സിംഗ്, മന്ജിത് സിംഗ്, ദ്യുതി ചന്ദ് എന്നിവരെയും ശിപാര്ശ ചെയ്തിട്ടുണ്ട്.
ഇന്റര്നാഷണല് ഒളിമ്പിക് കമ്മിറ്റിയുടെ ഇന്റര്നാഷണല് കോച്ചിംഗ് എന്റിച്ച്മെന്റ് സര്ട്ടിഫിക്കറ്റ് നേടിയ ഏക ഇന്ത്യക്കാരനാണ് ഇന്ത്യയുടെ അത്ലറ്റിക് സഹപരിശീലകനായ രാധാകൃഷ്ണന് നായര്.
രാജീവ് ഗാന്ധി ഖേല് രത്ന പുരസ്കാരത്തിനായി നീരജ് ചോപ്രയുടെ പേര് ശിപാര്ശ ചെയ്തിട്ടുണ്ട്.
2018ല് ജക്കാര്ത്തയില് നടന്ന ഏഷ്യന് ഗെയിംസില് വെങ്കലം നേടിയ ചിത്ര 2016ലെ സൗത്ത് ഏഷ്യന് ഗെയിംസില് സ്വര്ണം നേടി. ഏഷ്യന് അത്ലറ്റിക്സ് ചാമ്പ്യന്ഷിപ്പില് ഇരട്ടസ്വര്ണവും ചിത്രയുടെ പേരിലുണ്ട്. 2017ല് ഭുവനേശ്വറിലും 2019ല് ദോഹയിലുമായിരുന്നു ഈ നേട്ടങ്ങള്. ഇന്ത്യന് റെയില്വേയില് ഉദ്യോഗസ്ഥയാണ്. ചിത്രയെക്കൂടാതെ അര്പിന്ദര് സിംഗ്, മന്ജിത് സിംഗ്, ദ്യുതി ചന്ദ് എന്നിവരെയും ശിപാര്ശ ചെയ്തിട്ടുണ്ട്.
ഇന്റര്നാഷണല് ഒളിമ്പിക് കമ്മിറ്റിയുടെ ഇന്റര്നാഷണല് കോച്ചിംഗ് എന്റിച്ച്മെന്റ് സര്ട്ടിഫിക്കറ്റ് നേടിയ ഏക ഇന്ത്യക്കാരനാണ് ഇന്ത്യയുടെ അത്ലറ്റിക് സഹപരിശീലകനായ രാധാകൃഷ്ണന് നായര്.
രാജീവ് ഗാന്ധി ഖേല് രത്ന പുരസ്കാരത്തിനായി നീരജ് ചോപ്രയുടെ പേര് ശിപാര്ശ ചെയ്തിട്ടുണ്ട്.