ന്യൂഡൽഹി: ഏഷ്യൻ ഗെയിംസ് സ്വർണ ജേതാവായ ഇന്ത്യൻ ബോക്സിംഗ് മുൻ താരം ഡിങ്കോ സിംഗിന് കൊറോണ വൈറസ് രോഗം സ്ഥിരീകരിച്ചു. നിലവിൽ കാൻസർ രോഗ ചികിത്സയിലാണ് ഡിങ്കോ സിംഗ്. നാൽപ്പത്തിയൊന്നുകാരനായ മണിപ്പൂർ മുൻ താരം ഈ മാസം ആദ്യം ഡൽഹിയിൽ കാൻസർ രോഗ ചികിത്സയ്ക്കായി എത്തിയിരുന്നു. ഡൽഹിയിൽനിന്ന് മണിപ്പൂരിലേക്ക് മടങ്ങിയ ഡിങ്കോ സിംഗിന് അന്നു നടത്തിയ പരിശോധനയിൽ കൊറോണ വൈറസ് ബാധ ഇല്ലായിരുന്നു. 1998 ബാങ്കോക് ഏഷ്യൻ ഗെയിംസിലാണ് ഡിങ്കോ സിംഗ് സ്വർണം നേടിയത്. അർജുന, പദ്മശ്രീ പുരസ്കാരങ്ങൾ ലഭിച്ചിട്ടുണ്ട്.