കൊച്ചി: കൊറോണ വൈറസ് പ്രതിരോധ പോരാട്ടത്തില് കേരള സര്ക്കാരിനെ പിന്തുണയ്ക്കുന്നതിനായി കേരള ബ്ലാസ്റ്റേഴ്സ് എഫ്സി 200 മില്ലിഗ്രാമിന്റെ 1,50,000 ഹൈഡ്രോക്സിക്ലോറോക്വിന് സള്ഫേറ്റ് ഗുളികകള് കൂടി സര്ക്കാരിന് സംഭാവന ചെയ്തു. നേരത്തെ നല്കിയ1,00,000 ഗുളികള്ക്ക് പുറമെയാണിത്. ഹൈദരാബാദിലെ ലോറസ് ലബോറട്ടറീസ് ലിമിറ്റഡിന്റെ സഹായത്തോടെയാണു രണ്ടര ലക്ഷം ഗുളികകള് സംഭരിച്ചത്. സംസ്ഥാനത്തെ 25,000 ത്തോളം മുന്നിര ആരോഗ്യ പ്രവര്ത്തകര്ക്ക് ഈ ഗുളികകൾ പ്രതിരോധമായി വര്ത്തിക്കും.