ലണ്ടൻ/ബാഴ്സലോണ: കൊറോണ വൈറസ് വ്യാപനത്തിന്റെ പശ്ചാത്തലത്തിൽ ലോകം ദുരിതമനുഭവിക്കുന്പോൾ സഹായഹസ്തം നീട്ടി കൂടുതൽ കായിക താരങ്ങൾ രംഗത്ത്. റോബർട്ടോ ലെവൻഡോവ്സ്കി, ഹമ്മൽസ്, വിൽഫ്രഡ് സാഹ തുടങ്ങിയ നിരവധി ഫുട്ബോൾ താരങ്ങൾ തങ്ങളുടേതായ സഹായം ഇതിനോടകം വാഗ്ദാനം ചെയ്തിരുന്നു. മാഞ്ചസ്റ്റർ യുണൈറ്റഡ്, മാഞ്ചസ്റ്റർ സിറ്റി, ചെൽസി തുടങ്ങിയ ടീമുകളും സഹായവുമായി രംഗത്തെത്തിയിട്ടുണ്ട്. ഇതിനെല്ലാം പിന്നാലെ ഫുട്ബോൾ ലോകത്തിലെ സൂപ്പർ തരങ്ങളായ ലയണൽ മെസിയും ക്രിസ്റ്റ്യാനോ റൊണാൾഡോയും സൂപ്പർ പരിശീലകനായ പെപ് ഗ്വാർഡിയോളയും സഹായഹസ്തം നീട്ടിയിരിക്കുകയാണ്.
പോർച്ചുഗീസ് സൂപ്പർ താരം റൊണാൾഡോ ആശുപത്രി ഉപകരണങ്ങളാണ് സംഭാവന ചെയ്യുന്നത്. റൊണാൾഡോയും അദ്ദേഹത്തിന്റെ ഏജന്റായ ഹൊർഹെ മെൻഡെസും കൊറോണ വൈറസ് ബാധിച്ച് ആശുപത്രികളിൽ കഴിയുന്ന രോഗികൾക്ക് ജീവൻ രക്ഷാ ഉപകരണങ്ങളാണ് നൽകുക. ലിസ്ബണിലെ സാന്റാ മരിയ ആശുപത്രിയിലേക്കും പോർട്ടോയിലെ സാന്റാ അന്റോണിയോ ആശുപത്രിയിലേക്കുമായി 8.2 കോടി രൂപയുടെ ഉപകരണങ്ങളാണ് റൊണാൾഡോ നൽകുന്നത്.
ബാഴ്സലോണയുടെ അർജന്റൈൻ സൂപ്പർ താരം ലയണൽ മെസിയും സ്പാനിഷ് പരിശീലകനായ പെപ് ഗ്വാർഡിയോളയും കൊറോണ വൈറസിനെതിരായ പോരാട്ടത്തിനായി 8.2 കോടി രൂപയുടെ വീതം സഹായമാണ് പ്രഖ്യാപിച്ചത്. മെസിയുടെ സഹായം സ്പെയിനിലെ ബാഴ്സലോണയിലുള്ള ഒരു ആശുപത്രിക്കും അർജന്റീനയിലെ റൊസാരിയോയിലെ ഒരു മെഡിക്കൽ സെന്ററിനായുമാണ് നൽകുക.
കാറ്റലോണിയ പ്രദേശത്തെ ആശുപത്രികൾക്കാണ് മാഞ്ചസ്റ്റർ സിറ്റി പരിശീലകനും ബാഴ്സ മുൻ മാനേജരുമായ ഗ്വാർഡിയോള സഹായം നൽകുന്നത്. ബാഴ്സലോണ മെഡിക്കൽ കോളേജും എയ്ഞ്ചൽ സോളെർ ഡാനിയൽ ഫൗണ്ടേഷനും ചേർന്നുള്ള കൊറോണ കാന്പയിനിംഗിനും ഗ്വാർഡിയോള സാന്പത്തിക സഹായം നൽകുന്നുണ്ട്.
പോർച്ചുഗീസ് സൂപ്പർ താരം റൊണാൾഡോ ആശുപത്രി ഉപകരണങ്ങളാണ് സംഭാവന ചെയ്യുന്നത്. റൊണാൾഡോയും അദ്ദേഹത്തിന്റെ ഏജന്റായ ഹൊർഹെ മെൻഡെസും കൊറോണ വൈറസ് ബാധിച്ച് ആശുപത്രികളിൽ കഴിയുന്ന രോഗികൾക്ക് ജീവൻ രക്ഷാ ഉപകരണങ്ങളാണ് നൽകുക. ലിസ്ബണിലെ സാന്റാ മരിയ ആശുപത്രിയിലേക്കും പോർട്ടോയിലെ സാന്റാ അന്റോണിയോ ആശുപത്രിയിലേക്കുമായി 8.2 കോടി രൂപയുടെ ഉപകരണങ്ങളാണ് റൊണാൾഡോ നൽകുന്നത്.
ബാഴ്സലോണയുടെ അർജന്റൈൻ സൂപ്പർ താരം ലയണൽ മെസിയും സ്പാനിഷ് പരിശീലകനായ പെപ് ഗ്വാർഡിയോളയും കൊറോണ വൈറസിനെതിരായ പോരാട്ടത്തിനായി 8.2 കോടി രൂപയുടെ വീതം സഹായമാണ് പ്രഖ്യാപിച്ചത്. മെസിയുടെ സഹായം സ്പെയിനിലെ ബാഴ്സലോണയിലുള്ള ഒരു ആശുപത്രിക്കും അർജന്റീനയിലെ റൊസാരിയോയിലെ ഒരു മെഡിക്കൽ സെന്ററിനായുമാണ് നൽകുക.
കാറ്റലോണിയ പ്രദേശത്തെ ആശുപത്രികൾക്കാണ് മാഞ്ചസ്റ്റർ സിറ്റി പരിശീലകനും ബാഴ്സ മുൻ മാനേജരുമായ ഗ്വാർഡിയോള സഹായം നൽകുന്നത്. ബാഴ്സലോണ മെഡിക്കൽ കോളേജും എയ്ഞ്ചൽ സോളെർ ഡാനിയൽ ഫൗണ്ടേഷനും ചേർന്നുള്ള കൊറോണ കാന്പയിനിംഗിനും ഗ്വാർഡിയോള സാന്പത്തിക സഹായം നൽകുന്നുണ്ട്.