അകാലത്തിൽ പൊഴിയരുത് നമ്മുടെ അരുമകൾ

ദേവനന്ദ എന്ന ഏഴുവയസുകാരി മലയാളികളുടെ മനസിലൊരു വിങ്ങലായി അവശേഷിക്കുന്നു. പിഞ്ചുകുഞ്ഞുങ്ങളുടെ സുരക്ഷയിലും സംരക്ഷണത്തിലും മാതാപിതാക്കളുടെയും സമൂഹത്തിന്‍റെയും ഉത്തരവാദിത്വത്തെക്കുറിച്ചുള്ള ഓർമപ്പെടുത്തലാണ് ഇത്തരം ദുരനുഭവങ്ങൾ.

ദേ​വ​ന​ന്ദ ഇ​നി ക​ണ്ണീ​രോ​ർ​മ. ഇ​രു​പ​തു മ​ണി​ക്കൂ​റോ​ളം കേ​ര​ളം മു​ഴു​ൻ ആ ​പി​ഞ്ചു​കു​ഞ്ഞി​നു​വേ​ണ്ടി​യു​ള്ള തെ​ര​ച്ചി​ലി​ലാ​യി​രു​ന്നു. മാ​താ​പി​താ​ക്ക​ളും ബ​ന്ധു​ക്ക​ളും മാ​ത്ര​മ​ല്ല, കേ​ര​ളം മു​ഴു​വ​നും ലോ​ക​മെ​ന്പാ​ടു​മു​ള്ള മ​ല​യാ​ളി​ക​ളും ആ ​ഏ​ഴു വ​യ​സു​കാ​രി പൊ​ന്നോ​മ​ന​യു​ടെ ജീ​വ​നു​വേ​ണ്ടി ക​ര​ളു​രു​കി പ്രാ​ർ​ഥി​ച്ചു. പ​ക്ഷേ, വ്യാ​ഴാ​ഴ്ച രാ​വി​ലെ പ​ത്തു​മ​ണി​യോ​ടെ കൊ​ല്ലം നെ​ടു​മ​ൺ​കാ​വി​നു സ​മീ​പ​മു​ള്ള ഇ​ള​വൂ​രി​ലെ ധ​നേ​ഷ് ഭ​വ​നി​ൽ​നി​ന്നു കാ​ണാ​താ​യ ദേ​വ​ന​ന്ദ​യു​ടെ ചേ​ത​ന​യ​റ്റ ശ​രീ​രം ഇ​ന്ന​ലെ രാ​വി​ലെ വീ​ടി​നു സ​മീ​പ​മു​ള്ള ഇ​ത്തി​ക്ക​ര​യാ​റ്റി​ൽ മു​ങ്ങ​ൽ വി​ദ​ഗ്ധ​ർ ക​ണ്ടെ​ത്തി.
ഇ​ൻ​ക്വ​സ്റ്റും പോ​സ്റ്റ്മോ​ർ​ട്ട​വും ന​ട​ത്തി​യ​ശേ​ഷ​മു​ള്ള റി​പ്പോ​ർ​ട്ട​നു​സ​രി​ച്ച് ദേ​വ​ന​ന്ദ​യു​ടേ​ത് മു​ങ്ങി​മ​ര​ണ​മാ​ണെ​ന്നാ​ണു പ്രാ​ഥ​മി​ക ക​ണ്ടെ​ത്ത​ൽ. ആ​ന്ത​രി​കാ​വ​യ​വ​ങ്ങ​ളി​ൽ ക​ണ്ട വെ​ള്ള​വും ചെ​ളി​യും ഇ​തു സ്ഥി​രീ​ക​രി​ക്കു​ന്നു. ഫോ​റ​ൻ​സി​ക് വി​ദ​ഗ്ധ​രും ഇ​ത്ത​ര​മൊ​രു നി​ഗ​മ​ന​ത്തി​ലാ​ണെ​ത്തി​യി​രി​ക്കു​ന്ന​ത്. കാ​ണാ​താ​യ ഒ​രു കു​ട്ടി​ക്കു​വേ​ണ്ടി സ​മീ​പ​കാ​ല​ത്തെ​ങ്ങും ഇ​ത്ര​യും വ്യാ​പ​ക​മാ​യൊ​രു അ​ന്വേ​ഷ​ണം വി​വി​ധ ത​ല​ങ്ങ​ളി​ൽ ന​ട​ന്നി​ട്ടു​ണ്ടാ​വി​ല്ല. ന​വ​മാ​ധ്യ​മ​ങ്ങ​ളി​ലൂ​ടെ വാ​ർ​ത്ത അ​തി​വേ​ഗം പ്ര​ച​രി​ച്ചു. മ​ഹാ​ന​ട​ന്മാ​ർ മു​ത​ൽ സാ​ധാ​ര​ണ ജ​നം​വ​രെ ആ ​തെ​ര​ച്ചി​ലി​ൽ പ​ങ്കാ​ളി​ക​ളാ​യി.

ദേ​വ​ന​ന്ദ​യു​ടെ മ​ര​ണം ആ ​കു​ടും​ബ​ത്തി​നു​ണ്ടാ​ക്കി​യ ന​ഷ്‌​ടം ഒ​രി​ക്ക​ലും നി​ക​ത്താ​നാ​വാ​ത്ത​താ​ണ്. പ​ക്ഷേ, ആ ​പി​ഞ്ചു​കു​ഞ്ഞി​ന്‍റെ മ​ര​ണം ന​മ്മു​ടെ നാ​ട്ടി​ലെ കു​ട്ടി​ക​ളു​ടെ സു​ര​ക്ഷ​യെ​യും സം​ര​ക്ഷ​ണ​ത്തെ​യും​കു​റി​ച്ചു ഗൗ​ര​വ​ത​ര​മാ​യ ചി​ല ചി​ന്ത​ക​ൾ​ക്കു വി​ധേ​യ​മാ​കേ​ണ്ട​തു​ണ്ട്. മാ​താ​പി​താ​ക്ക​ളു​ടെ​യും ബ​ന്ധു​ക്ക​ളു​ടെ​യും തു​ട​ങ്ങി സ​ർ​ക്കാ​രി​ന്‍റെ​യും സ​മൂ​ഹ​ത്തി​ന്‍റെ​യും ജാ​ഗ്ര​ത​യും സൂ​ക്ഷ്മ​ത​യു​മൊ​ക്കെ ച​ർ​ച്ച ചെ​യ്യ​പ്പെ​ടേ​ണ്ടി​യി​രി​ക്കു​ന്നു. പു​ഴ​ക​ളും വെ​ള്ള​ക്കെ​ട്ടു​ക​ളു​മൊ​ക്കെ​യു​ള്ള സ്ഥ​ല​ങ്ങ​ൾ​ക്ക​ടു​ത്തു താ​മ​സി​ക്കു​ന്ന​വ​ർ ജാ​ഗ്ര​ത പു​ല​ർ​ത്തി​യി​ല്ലെ​ങ്കി​ൽ അ​പ​ക​ട​മു​ണ്ടാ​കാം. കു​ട്ടി​ക​ളെ കാ​ണാ​താ​വു​ക​യും ദു​രൂ​ഹ​മാ​യ സാ​ഹ​ച​ര്യ​ങ്ങ​ളി​ൽ അ​വ​ർ കൊ​ല്ല​പ്പെ​ടു​ക​യും ഒ​ക്കെ ചെ​യ്യു​ന്ന സം​ഭ​വ​ങ്ങ​ൾ ന​മ്മു​ടെ നാ​ട്ടി​ൽ ഏ​റെ​യു​ണ്ടാ​കു​ന്നു​ണ്ട്. പി​ഞ്ചു​കു​ഞ്ഞു​ങ്ങ​ൾ പീ​ഡ​ന​ത്തി​നി​ര​യാ​കു​ന്ന സം​ഭ​വ​ങ്ങ​ളും അ​പൂ​ർ​വ​മ​ല്ല. അ​തു​കൊ​ണ്ടു​ത​ന്നെ ഒ​രു പെ​ൺ​കു​ഞ്ഞി​നെ കാ​ണാ​താ​കു​ന്പോ​ൾ പൊ​തു​വേ സം​ശ​യ​ങ്ങ​ൾ ഏ​റെ ഉ​യ​രും. ഊ​ഹാ​പോ​ഹ​ങ്ങ​ളും പ്ര​ച​രി​ക്കും. ദേ​വ​ന​ന്ദ​യു​ടെ കാ​ര്യ​ത്തി​ലും ചി​ല ഊ​ഹാ​പോ​ഹ​ങ്ങ​ളും തെ​റ്റാ​യ പ്ര​ചാ​ര​ണ​ങ്ങ​ളും കു​ട്ടി​യെ കാ​ണാ​താ​യ ദി​വ​സം​ത​ന്നെ ഉ​ണ്ടാ​യി. കു​ട്ടി​യെ ക​ണ്ടെ​ത്തി​യ​താ​യി സാ​മൂ​ഹ്യ​മാ​ധ്യ​മ​ങ്ങ​ളി​ൽ വ്യാ​ജ​സ​ന്ദേ​ശ​ങ്ങ​ൾ പ​ര​ന്ന​ത് അ​ന്വേ​ഷ​ണ​ത്തെ​പ്പോ​ലും ബാ​ധി​ച്ചു. ചി​ല​ർ ഇ​ത്ത​രം ശ​ബ്‌​ദ​സ​ന്ദേ​ശ​ങ്ങ​ൾ​പോ​ലും പോ​സ്റ്റ് ചെ​യ്തു. കൊ​ടി​യ സാ​മൂ​ഹ്യ​വി​രു​ദ്ധ​ർ​ക്ക​ല്ലേ ഇ​ത്ത​രം വ്യാ​ജ​പ്ര​ചാ​ര​ണ​ങ്ങ​ൾ അ​ഴി​ച്ചു​വി​ടാ​ൻ ക​ഴി​യൂ? മ​നു​ഷ്യ​ത്വ​ത്തി​ന്‍റെ ത​രി​ന്പെ​ങ്കി​ലും അ​വ​ശേ​ഷി​ക്കു​ന്നൊ​രു മ​ന​സി​ൽ​നി​ന്ന് ഇ​ത്ത​രം ദ്രോ​ഹ​പ്ര​വൃ​ത്തി​ക​ൾ ഉ​ണ്ടാ​കു​മോ?

അ​തേ​സ​മ​യം, ദേ​വ​ന​ന്ദ​യെ ക​ണാ​താ​യ വി​വ​രം അ​റി​ഞ്ഞ​യു​ട​ൻ പോ​ലീ​സും മ​റ്റ് ഔ​ദ്യോ​ഗി​ക സം​വി​ധാ​ന​ങ്ങ​ളും ന​ട​ത്തി​യ ഊ​ർ​ജി​ത​മാ​യ അ​ന്വേ​ഷ​ണം എ​ടു​ത്തു​പ​റ​യേ​ണ്ട​താ​ണ്. ചാ​ത്ത​ന്നൂ​ർ എ​സി​പി​യു​ടെ നേ​തൃ​ത്വ​ത്തി​ൽ പ്ര​ത്യേ​ക അ​ന്വേ​ഷ​ണ​സം​ഘ​ത്തെ​ത്ത​ന്നെ നി​യോ​ഗി​ച്ചു. പോ​ലീ​സും ഫ​യ​ർ​ഫോ​ഴ്സും മു​ങ്ങ​ൽ വി​ദ​ഗ്‌​ധ​രു​മെ​ല്ലാം ഉ​ട​ൻ രം​ഗ​ത്തെ​ത്തി. ഡോ​ഗ് സ്ക്വാ​ഡും പ​രി​ശോ​ധ​ന ന​ട​ത്തി. പ​രി​സ​ര​ത്തെ കി​ണ​റു​ക​ളും തോ​ടു​ക​ളും ന​ദി​ക​ളു​മെ​ല്ലാം പ​രി​ശോ​ധി​ക്ക​പ്പെ​ട്ടു. വി​ര​ല​ട​യാ​ള വി​ദ​ഗ്ധ​ര​ട​ക്കം സ്ഥ​ല​ത്തെ​ത്തി തെ​ളി​വു​ക​ൾ ശേ​ഖ​രി​ച്ചു. ഏ​തു​വി​ധേ​ന​യും കു​ട്ടി​യെ ക​ണ്ടെ​ത്തു​ന്ന​തി​നു​ള്ള തീ​വ്ര​ശ്ര​മ​മാ​ണ് എ​ല്ലാ ഭാ​ഗ​ത്തു​നി​ന്നു​മു​ണ്ടാ​യ​ത്. ഇ​ള​വൂ​ർ ഗ്രാ​മ​നി​വാ​സി​ക​ളെ​ല്ലാം ഉ​റ​ക്ക​മൊ​ഴി​ച്ച് അ​ന്വേ​ഷ​ണ​ത്തി​ൽ പ​ങ്കാ​ളി​ക​ളാ​യി. നാ​ട് ഒ​ന്ന​ട​ങ്കം ആ​ശ​ങ്ക​യോ​ടെ അ​ന്വേ​ഷ​ണ​ത്തി​ലേ​ർ​പ്പെ​ട്ടി​രി​ക്കേ​യാ​ണ് രാ​വി​ലെ ആ ​ദുഃ​ഖ​വാ​ർ​ത്ത​യെ​ത്തു​ന്ന​ത്. ദേ​വ​ന​ന്ദ എ​ല്ലാ മ​ല​യാ​ളി​ക​ളു​ടെ​യും കു​ടും​ബാം​ഗ​മെ​ന്ന​പോ​ലെ​യാ​യി​ക്ക​ഴി​ഞ്ഞി​രു​ന്നു അ​പ്പോ​ൾ. ഈ​റ​ന​ണി​ഞ്ഞ ക​ണ്ണു​ക​ളോ​ടെ​യാ​ണു നി​ര​വ​ധി​യാ​ളു​ക​ൾ ആ ​വാ​ർ​ത്ത ശ്ര​വി​ച്ച​ത്.

കു​ട്ടി​ക​ളു​ടെ ദു​രൂ​ഹ​മാ​യ തി​രോ​ധാ​ന​ങ്ങ​ൾ കേ​ര​ള​ത്തെ ഏ​റെ​യു​ല​ച്ച പ​ല സം​ഭ​വ​ങ്ങ​ളു​മു​ണ്ട്. ആ​ല​പ്പു​ഴ പൂ​ന്തോ​പ്പി​ൽ​നി​ന്ന് പ​തി​ന​ഞ്ചു വ​ർ​ഷം മു​ന്പു കാ​ണാ​താ​യ ഏ​ഴു​വ​യ​സു​കാ​ര​ൻ രാ​ഹു​ലി​ന്‍റെ മാ​താ​പി​താ​ക്ക​ൾ ഇ​ന്നും ത​ങ്ങ​ളു​ടെ പ്രി​യ​പു​ത്ര​നാ​യി കാ​ത്തി​രി​ക്കു​ക​യാ​ണ്. രാ​ഹു​ലി​നാ​യി അ​വ​ർ അ​ന്വേ​ഷി​ക്കാ​ത്ത ഇ​ട​ങ്ങ​ളി​ല്ല. ച​ങ്ങ​നാ​ശേ​രി മ​തു​മൂ​ല​യി​ൽ​നി​ന്നു കാ​ണാ​താ​യ മ​ഹാ​ദേ​വ​ൻ എ​ന്ന കു​ട്ടി​യു​ടെ തി​രോ​ധാ​ന​വും ഏ​റെ വ​ർ​ഷ​ക്കാ​ലം ദു​രൂ​ഹ​ത​യി​ലാ​യി​രു​ന്നു. ലോ​ക്ക​ൽ പോ​ലീ​സും ക്രൈം​ബ്രാ​ഞ്ചു​മൊ​ക്കെ അ​ന്വേ​ഷി​ച്ചു മ​ട​ക്കി​വ​ച്ച കേ​സി​നു തു​ന്പു​ണ്ടാ​ക്കി പ്ര​തി​യെ പി​ടി​കൂ​ടി​യ​ത് ഇ​പ്പോ​ൾ പ്ര​മാ​ദ​മാ​യ കൂ​ട​ത്താ​യി കേ​സ് അ​ന്വേ​ഷി​ക്കു​ന്ന കെ.​ജി. സൈ​മ​ന്‍റെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ​സം​ഘ​മാ​യി​രു​ന്നു. വി​ശ​ദ​വും ശാ​സ്ത്രീ​യ​വും സാ​ഹ​സി​ക​വു​മാ​യ അ​ന്വേ​ഷ​ണ​ത്തി​നൊ​ടു​വി​ൽ മ​ഹാ​ദേ​വ​ന്‍റെ വീ​ടി​ന​ടു​ത്തു സൈ​ക്കി​ൾ ക​ട ന​ട​ത്തി​യി​രു​ന്ന ഹ​രി​കു​മാ​ർ ആ​ണു പ്ര​തി​യെ​ന്നു ക​ണ്ടെ​ത്തി.

കു​ട്ടി​ക​ൾ​ക്കെ​തി​രേ വ​ർ​ധി​ച്ചു​വ​രു​ന്ന അ​തി​ക്ര​മ​ങ്ങ​ൾ ത​ട​യാ​ൻ ജി​ല്ല​ക​ൾ തോ​റും ഉ​ത്ത​ര​വാ​ദി​ത്വ പേ​ര​ന്‍റിം​ഗ് കേന്ദ്രങ്ങൾ ആ​രം​ഭി​ച്ചു ബോ​ധ​വ​ത്ക​ര​ണം ന​ട​ത്തു​മെ​ന്ന് മ​ന്ത്രി കെ.​കെ. ശൈ​ല​ജ ക​ഴി​ഞ്ഞ വ​ർ​ഷം നി​യ​മ​സ​ഭ​യെ അ​റി​യി​ച്ചി​രു​ന്നു. കു​ട്ടി​ക​ളു​ടെ സം​ര​ക്ഷ​ണ​വും സു​ര​ക്ഷ​യും മു​ൻ​നി​ർ​ത്തി "ക​രു​ത​ൽ സ്പ​ർ​ശം' "ശ​ര​ണ​ബാ​ല്യം' "ക​വ​ചം' "കാ​പ്'(​ചി​ൽ​ഡ്ര​ൻ ആ​ൻ​ഡ് പോ​ലീ​സ്)​എ​ന്നി​ങ്ങ​നെ​യു​ള്ള പ​ദ്ധ​തി​ക​ൾ സ​ർ​ക്കാ​ർ ന​ട​പ്പാ​ക്കി​യി​ട്ടു​ണ്ട്. ഇ​തൊ​ക്കെ​യാ​ണെ​ങ്കി​ലും കു​ട്ടി​ക​ൾ​ക്കെ​തി​രാ​യ ലൈം​ഗി​കാ​തി​ക്ര​മം ത​ട​യു​ന്ന നി​യ​മ​പ്ര​കാ​രം(​പോ​ക്സോ) ര​ജി​സ്റ്റ​ർ ചെ​യ്യു​ന്ന കേ​സു​ക​ളു​ടെ എ​ണ്ണം കേ​ര​ള​ത്തി​ൽ വ​ർ​ധി​ച്ചു​വ​രി​ക​യാ​ണ്. പോ​ലീ​സി​ന്‍റെ സ​ജീ​വ​മാ​യ ഇ​ട​പെ​ട​ലു​ക​ളും സ്കൂ​ളു​ക​ളി​ലെ കൗ​ൺ​സ​ലിം​ഗു​മൊ​ക്കെ​യാ​ണ് ഇ​ത്ത​രം കേ​സു​ക​ൾ കൂ​ടു​ത​ലാ​യി ര​ജി​സ്റ്റ​ർ ചെ​യ്യു​ന്ന​തി​നു കാ​ര​ണ​മെ​ന്നാ​ണ് ഔ​ദ്യോ​ഗി​ക വി​ശ​ദീ​ക​ര​ണ​മെ​ങ്കി​ലും തി​ക​ച്ചും ദു​ർ​ബ​ല​വും വി​കൃ​ത​വു​മാ​യൊ​രു സം​സ്കാ​ര​ത്തി​ന്‍റെ പ്ര​തി​ഫ​ല​ന​മാ​യി​ക്കൂ​ടി ഇ​തി​നെ കാ​ണേ​ണ്ടി​യി​രി​ക്കു​ന്നു. കേ​ര​ളം പോ​ലൊ​രു സം​സ്ഥാ​ന​ത്ത് പോ​ക്സോ കേ​സു​ക​ളു​ടെ വ​ർ​ധ​ന അ​തീ​വ ല​ജ്ജാ​ക​ര​മാ​ണ്. പോ​ക്സോ നി​യ​മ​ത്തി​ന്‍റെ ദു​രു​പ​യോ​ഗ​വും മ​റു​വ​ശ​ത്തു ന​ട​ക്കു​ന്നു​ണ്ട്. ഇ​ത്ത​ര​മൊ​രു കേ​സി​ൽ ഭ​ർ​ത്താ​വി​നെ കു​ടു​ക്കാ​ൻ ശ്ര​മി​ച്ച ഭാ​ര്യ​ക്കെ​തി​രേ ക​ഴി​ഞ്ഞ​ദി​വ​സം പ​ത്ത​നം​തി​ട്ട പോ​ക്‌​സോ കോ​ട​തി​യു​ടെ വി​ധി​യു​ണ്ടാ​യി.

ഒ​ന്ന​ര​വ​യ​സു​ള്ള പി​ഞ്ചു​കു​ഞ്ഞി​നെ ക​ട​ൽ​ഭി​ത്തി​യി​ലെ​റി​ഞ്ഞു കൊ​ല​പ്പെ​ടു​ത്തി​യ കേ​സി​ൽ അ​മ്മ പ്ര​തി​യാ​യ കേ​സ് കേ​ര​ള​ത്തെ ഞെ​ട്ടി​ച്ചി​രു​ന്നു. ഒ​റ്റ​പ്പെ​ട്ട​തെ​ന്നും അ​പൂ​ർ​വ​മാ​യ മാ​ന​സി​കാ​വ​സ്ഥ​യു​ള്ള​വ​രു​ടെ വൈ​കൃ​ത​ങ്ങ​ളെ​ന്നു​മൊ​ക്കെ​പ്പ​റ​ഞ്ഞ് ഇ​തി​നെ​യൊ​ക്കെ ല​ഘൂ​ക​രി​ച്ചു ക​ണാ​നാ​വി​ല്ല. ഏ​താ​യാ​ലും കൊ​ല്ലം ഇ​ള​വൂ​രി​ൽ മ​രി​ച്ച ദേ​വ​ന​ന്ദ​യു​ടെ പു​ഞ്ചി​രി​ക്കു​ന്ന മു​ഖം എ​ല്ലാ മ​ല​യാ​ളി​ക​ളു​ടെ​യും മ​ന​സി​ൽ വി​ങ്ങു​ന്നൊ​രോ​ർ​മ​യാ​യി അ​വ​ശേ​ഷി​ക്കു​ന്നു. ന​മ്മു​ടെ നി​ഷ്ക​ള​ങ്ക ബാ​ല്യ​ങ്ങ​ളെ അ​പ​ക​ട​ങ്ങ​ളി​ൽ​നി​ന്നും അ​ശ്ര​ദ്ധ​യി​ൽ​നി​ന്നും ആ​ക്ര​മ​ണ​ങ്ങ​ളി​ൽ​നി​ന്നും സം​ര​ക്ഷി​ക്കാ​നു​ള്ള ഉ​ത്ത​ര​വാ​ദി​ത്വം ബ​ന്ധ​പ്പെ​ട്ട എ​ല്ലാ​വ​ർ​ക്കും ഉ​ണ്ടാ​കു​ന്ന​തി​ന് ഇ​തൊ​രു നി​മി​ത്ത​മാ​ക​ട്ടെ.