ചെന്നൈ: ഐഎസ്എൽ ഫുട്ബോളിൽ നെർജസ് വാൽസ്കിയുടെ ഇരട്ട ഗോളിൽ (51, 71) രണ്ട് തവണ മുന്നിൽ കടന്നെങ്കിലും ചെന്നൈയിൻ എഫ്സിക്കു സമനില. ഒഡീഷ എഫ്സിയാണ് രണ്ട് തവണ പിന്നിലായെങ്കിലും ചെന്നൈയിനെ സമനിലയിൽ പിടിച്ചത്. സിസ്കൊ ഹെർണാണ്ടസ് (54), അരിഡാനെ സാന്റന (82) എന്നിവരാണ് ഒഡീഷയുടെ ഗോൾ നേട്ടക്കാർ. ആറ് മത്സരങ്ങളിൽനിന്ന് ആറ് പോയിന്റുമായി ഒഡീഷ ലീഗിൽ ആറാമതാണ്. അഞ്ച് പോയിന്റുള്ള ചെന്നൈയിൻ എട്ടാമതാണ്.
