ഹൈദരാബാദ്: ഇന്ത്യൻ ക്രിക്കറ്റ് താരം അന്പാട്ടി റായുഡു വീണ്ടും വിവാദക്കുരുക്കിൽ. ഹൈദരാബാദ് ക്രിക്കറ്റ് അസോസിയേഷനെതിരേ അഴിമതിയാരോപണം ഉന്നയിച്ച താരത്തിനെതിരേ നിയമനടപടിക്ക് ഒരുങ്ങുകയാണ് അസോസിയേഷൻ. ഇന്ത്യൻ മുൻ ക്യാപ്റ്റൻ മുഹമ്മദ് അസ്ഹറുദ്ദീൻ പ്രസിഡന്റായ ഹൈദരാബാദ് ക്രിക്കറ്റ് അസോസിയേഷനിൽ (എച്ച്സിഎ) വൻ അഴിമതിയാണ് നടക്കുന്നതെന്നായിരുന്നു റായുഡുവിന്റെ ആരോപണം.
