മുട്ടം: സിബിഎസ്ഇ ദേശീയ ബാസ്കറ്റ്ബോൾ ചാന്പ്യൻഷിപ്പിൽ ഷന്താൾ ജ്യോതിക്കു തുടർച്ചയായി രണ്ടാം കിരീടം. ആണ്കുട്ടികളുടെ അണ്ടർ -19 കിരീടമാണ് ലഭിച്ചത്. ഇൻഡോറിലെ ആനി ബെസന്റ് സ്കൂളിലായിരുന്നു ചാന്പ്യൻഷിപ്പ്. ഫൈനലിൽ ബംഗളുരുവിലെ ശ്രീകുമാരൻ ചിൽഡ്രൻസ് ഹോമിനെയാണ് ഷന്താൾ ജ്യോതി 84 -76ന് തോൽപ്പിച്ചത്. 27 പോയിന്റ് നേടിയ നായകൻ ടോം ജോസാണ് ടോപ് സ്കോറർ. നോയൽ ജോസാണു മത്സരത്തിലെ താരം. അണ്ടർ 17 വിഭാഗം വെങ്കലവും ഷന്താൾ ജ്യോതിക്കാണ്. ഡോ. പ്രിൻസ് കെ. മറ്റമാണ് പരിശീലകൻ.