കൊളംബോ: സുരക്ഷാഭയത്താൽ ശ്രീലങ്കയുടെ പാക്കിസ്ഥാൻ പര്യടനത്തിൽനിന്ന് വിട്ടുനിന്ന പേസ് ബൗളർ ലസിത് മലിംഗ ഓസ്ട്രേലിയയ്ക്കെതിരായ ട്വന്റി-20 പരന്പരയിൽ ടീമിനെ നയിക്കും. പാക് പര്യടത്തിൽനിന്ന് ഒഴിവായ കുശാൽ പെരേര, ഡിക് വെല്ല തുടങ്ങിയവരും 16 അംഗ ലങ്കൻ ടീമിൽ ഇടംപിടിച്ചു. ലങ്കയും ഓസ്ട്രേലിയയും തമ്മിലുള്ള മൂന്ന് മത്സര ട്വന്റി-20 പരന്പരയിലെ ആദ്യ പോരാട്ടം ഈ മാസം 27ന് അഡ്ലെയ്ഡിൽ നടക്കും.
