വിവാഹബന്ധങ്ങളിലെ ശൈഥില്യം രൂക്ഷമാക്കുന്ന നവമാധ്യമങ്ങൾ

യുവദന്പതികൾക്കിടയിലുള്ള കുടുംബപ്രശ്നങ്ങളെക്കുറിച്ചും അതു സംബന്ധിച്ച കേസുകൾ വർധിച്ചുവരുന്നതിനെക്കുറിച്ചും സംസ്ഥാന വനിതാ കമ്മീഷൻ പ്രകടിപ്പിച്ച ആശങ്ക അടിയന്തര ചികിത്സ ആവശ്യമായ സാമൂഹ്യ പ്രശ്നമാണ്.

ചെ​റു​പ്പ​ക്കാ​രാ​യ ദ​ന്പ​തി​ക​ൾ​ക്കി​ട​യി​ലെ കു​ടും​ബ​പ്ര​ശ്ന​ങ്ങ​ൾ സം​ബ​ന്ധി​ച്ച കേ​സു​ക​ൾ വ​ർ​ധി​ച്ചു​വ​രു​ന്ന​തി​നു കാ​ര​ണം ഈ​ഗോ​യും ദു​ര​ഭി​മാ​ന​വു​മാ​ണെ​ന്ന വ​നി​താ ക​മ്മീ​ഷ​ൻ ചെ​യ​ർ​മാ​ൻ എം.​സി. ജോ​സ​ഫൈ​ന്‍റെ നി​രീ​ക്ഷ​ണം സ​മ​കാ​ലി​ക കേ​ര​ളീ​യ സാ​മൂ​ഹ്യ സാ​ഹ​ച​ര്യം വ്യ​ക്ത​മാ​ക്കു​ന്ന​താ​ണ്. നി​ര​വ​ധി​യാ​യ കു​ടും​ബ​പ്ര​ശ്ന​ങ്ങ​ൾ വ​നി​താ ക​മ്മീ​ഷ​ന്‍റെ മു​ന്നി​ലും കു​ടും​ബ​ക്കോ​ട​തി​ക​ളി​ലും സ​ഭാ കോ​ട​തി​ക​ളി​ലു​മൊ​ക്കെ എ​ത്താ​റു​ണ്ട്. അ​വ​യു​ടെ പി​ന്നാ​ന്പു​റ​ങ്ങ​ളി​ലേ​ക്കു പോ​കു​ന്പോ​ൾ മി​ക്ക കേ​സു​ക​ളി​ലും ദു​ര​ഭി​മാ​ന​വും താ​ൻ​പോ​രി​മ​യു​മൊ​ക്കെ​യാ​ണു പ്ര​ധാ​ന വി​ല്ല​നെ​ന്നു കാ​ണാ​നാ​വും.

വി​ട്ടു​വീ​ഴ്ച​യും സ​മ​ർ​പ്പ​ണ​വും ദാ​ന്പ​ത്യ​ബ​ന്ധ​ത്തി​ന്‍റെ ഉ​ര​ക​ല്ലാ​ണെ​ന്ന കാ​ര്യം ദ​ന്പ​തി​ക​ൾ പ​ല​പ്പോ​ഴും മ​റ​ന്നു​പോ​കു​ന്നു. ജീ​വി​ത​പ​ങ്കാ​ളി​ക്കാ​യു​ള്ള സ​മ​ർ​പ്പ​ണം ത​നി​ക്കു​ത​ന്നെ​യു​ള്ള സ​മ​ർ​പ്പ​ണ​മാ​ണ്. അ​തു വി​സ്മ​രി​ക്കു​ന്പോ​ഴാ​ണ് ഈ​ഗോ ക​ട​ന്നു​വ​രു​ന്ന​ത്. ഇ​ത്ത​രം പ​ര​ന്പ​രാ​ഗ​ത പ്ര​ശ്ന​ങ്ങ​ൾ​ക്കു പു​റ​മേ ആ​ധു​നി​ക കാ​ല​ഘ​ട്ട​ത്തി​ലെ ചി​ല പ്ര​ത്യേ​ക സാ​ഹ​ച​ര്യ​ങ്ങ​ളും കു​ടും​ബ​ബ​ന്ധ​ങ്ങ​ളു​ടെ ശൈ​ഥി​ല്യ​ത്തി​നു കാ​ര​ണ​മാ​കു​ന്നു​ണ്ട്. മൊ​ബൈ​ൽ ഫോ​ൺ ചെ​റു​പ്പ​ക്കാ​രു​ടെ ജീ​വി​ത​ത്തി​ന്‍റെ ഏ​റി​യ​പ​ങ്കും ക​വ​ർ​ന്നെ​ടു​ക്കു​ന്നു. ദാ​ന്പ​ത്യ​ജീ​വി​ത​ത്തി​ൽ സ​മ​യ​വും പ​ര​സ്പ​രം പ​ങ്കു​വ​യ്ക്കാ​നു​ള്ള​താ​ണ്. പ​ങ്കാ​ളി​യു​ടെ താ​ത്പ​ര്യം​കൂ​ടി മ​ന​സി​ലാ​ക്കി വേ​ണം സ​മ​യ​ത്തി​ന്‍റെ ഈ ​പ​ങ്കു​വ​യ്ക്ക​ൽ. ന​വ​മാ​ധ്യ​മ​ങ്ങ​ൾ അ​തു ക​വ​ർ​ന്നെ​ടു​ക്കാ​ൻ അ​നു​വ​ദി​ക്ക​രു​ത്. ‌

ദ​ന്പ​തി​ക​ൾ ത​മ്മി​ലു​ള്ള ബ​ന്ധ​ത്തി​ന്‍റെ പ​വി​ത്ര​ത ന​ശി​പ്പി​ക്കു​ന്ന ഒ​ട്ട​ന​വ​ധി സാ​ഹ​ച​ര്യ​ങ്ങ​ൾ ന​വ​മാ​ധ്യ​മ​ങ്ങ​ളി​ലൂ​ടെ ക​ട​ന്നു​വ​രു​ന്നു. വ്യാ​ജ​വാ​ർ​ത്ത​ക​ളോ മോ​ർ​ഫ് ചെ​യ്ത ചി​ത്ര​ങ്ങ​ളോ പോ​ലും ചി​ല​രു​ടെ ജീ​വി​ത​ത്തെ ത​ക​ർ​ത്തെ​ന്നി​രി​ക്കും. ദി​വ​സേ​ന​യെ​ന്നോ​ണം മാ​ധ്യ​മ​ങ്ങ​ളി​ൽ വ​രു​ന്ന ചി​ല അ​ശു​ഭ വാ​ർ​ത്ത​ക​ളു​ടെ പി​ന്നി​ലു​ള്ള കാ​ര​ണ​ങ്ങ​ൾ പൊ​തു​സ​മൂ​ഹം അ​റി​യ​ണ​മെ​ന്നി​ല്ല. ചി​ല സെ​ലി​ബ്ര​റ്റി​ക​ളു​ടെ​യും മ​റ്റും ജീ​വി​ത​ത്തി​ലെ ഇ​ത്ത​രം പ്ര​ശ്ന​ങ്ങ​ൾ വാ​ർ​ത്താ​പ്രാ​ധാ​ന്യം മൂ​ലം പു​റ​ത്തു​വ​ന്നെ​ന്നി​രി​ക്കാം. എ​ന്നാ​ൽ സാ​ധാ​ര​ണ​ക്കാ​രാ​യ ഒ​ട്ടു​മി​ക്ക​വ​രു​ടെ​യും ജീ​വി​ത​ത്തെ ത​ക​ർ​ത്തെ​റി​യു​ന്ന പ്ര​ശ്ന​ങ്ങ​ൾ പു​റം​ലോ​കം അ​റി​ഞ്ഞെ​ന്നി​രി​ക്കി​ല്ല.

അ​ന്പ​തി​ല​ധി​കം സ്ത്രീ​ക​ളെ ഭീ​ഷ​ണി​പ്പെ​ടു​ത്തി നി​ര​ന്ത​രം ചൂ​ഷ​ണം ചെ​യ്തു​പോ​ന്ന യു​വാ​വ് അ​റ​സ്റ്റി​ലാ​യ വി​വ​രം അ​ടു​ത്ത​കാ​ല​ത്തു മാ​ധ്യ​മ​ങ്ങ​ളി​ൽ വ​ന്നി​രു​ന്നു. ഇ​വ​രി​ൽ പ​ല​രും വി​വാ​ഹി​ത​ക​ളാ​യി​രു​ന്നു​വ​ത്രേ. ഭ​ർ​ത്താ​ക്ക​ന്മാ​രെ​പ്പ​റ്റി വ്യാ​ജ​വാ​ർ​ത്ത​ക​ൾ ന​ൽ​കി​യാ​ണ് ഇ​യാ​ൾ ഇ​വ​രെ വ​ല​യി​ലാ​ക്കി​യി​രു​ന്ന​ത്. ഇ​തി​ലൂ​ടെ ഭ​ർ​ത്താ​ക്ക​ന്മാ​രി​ൽ​നി​ന്ന​ക​ലു​ന്ന സ്ത്രീ​ക​ളെ മൊ​ബൈ​ൽ ചാ​റ്റിം​ഗി​ലൂ​ടെ വ​ല​യി​ലാ​ക്കു​ക​യാ​ണ് അ​ടു​ത്ത ഘ​ട്ടം. ഇ​പ്ര​കാ​ര​മു​ള്ള വ്യാ​ജ​സൗ​ഹൃ​ദ​ത്തി​ലൂ​ടെ കെ​ണി​യൊ​രു​ക്കി​യാ​ണ് അ​യാ​ൾ ഇ​ര​ക​ളെ വീ​ഴ്ത്തി​യി​രു​ന്ന​ത്.

ഇ​തൊ​ക്കെ ന​മ്മു​ടെ നാ​ട്ടി​ൽ ന​ട​ക്കു​മോ എ​ന്നു പ​ല​രും സം​ശ​യി​ച്ചേ​ക്കാം. എ​ന്നാ​ൽ ഇ​തി​ലും ഭീ​ക​ര​മാ​യ കാ​ര്യ​ങ്ങ​ൾ ന​മു​ക്കു ചു​റ്റും ന​ട​ക്കു​ന്നു​ണ്ട്. ഇ​ന്‍റ​ർ​നെ​റ്റ്, മൊ​ബൈ​ൽ ഫോ​ൺ എ​ന്നി​വ​യും ഫേ​സ്ബു​ക്ക്, ട്വി​റ്റ​ർ തു​ട​ങ്ങി സൈ​ബ​ർ ലോ​ക​ത്തു ന​മു​ക്കു ല​ഭി​ച്ച അ​ന​ന്ത​സാ​ധ്യ​ത​ക​ളും കൗ​മാ​ര​ക്കാ​രാ​യ ആ​ൺ​കു​ട്ടി​ക​ളെ​യും പെ​ൺ​കു​ട്ടി​ക​ളെ​യും മാ​ത്ര​മ​ല്ല, വി​വാ​ഹി​ത​രാ​യ മ​ധ്യ​വ​യ​സ്ക​രെ​പ്പോ​ലും അ​പ​ക​ട​ക്കു​ഴി​യി​ൽ ചാ​ടി​ക്കു​ന്നു. ദ​ന്പ​തി​ക​ൾ ഇ​ത്ത​രം കെ​ണി​ക​ളി​ൽ പെ​ടു​ന്പോ​ഴാ​ണ് അ​തു കു​ടും​ബ​ത്തി​ന്‍റെ ത​ക​ർ​ച്ച​യി​ലേ​ക്കു പെ​ട്ടെ​ന്നു വ​ഴു​തി​വീ​ഴു​ന്ന​ത്. എ​ത്ര​യോ കു​ട്ടി​ക​ളാ​ണ് ഇ​തി​ന്‍റെ ദു​ര​ന്തം പേ​റേ​ണ്ടി​വ​രു​ന്ന​ത്.

കേ​ര​ള​ത്തി​ൽ ഓ​രോ വ​ർ​ഷ​വും നൂ​റു​ക​ണ​ക്കി​നു വീ​ട്ട​മ്മ​മാ​രെ കാ​ണാ​താ​കു​ന്ന​താ​യി പോ​ലീ​സി​നു പ​രാ​തി ല​ഭി​ക്കു​ന്നു​ണ്ട്. ഇ​തി​ൽ പ​ല​രെ​യും ക​ണ്ടെ​ത്തി​യി​ട്ടു​ണ്ടെ​ങ്കി​ലും വ​ർ​ഷ​ങ്ങ​ളാ​യി യാ​തൊ​രു വി​വ​ര​വും ല​ഭ്യ​മ​ല്ലാ​ത്ത സ്ത്രീ​ക​ളു​ടെ എ​ണ്ണ​വും കു​റ​വ​ല്ല. ഇ​പ്ര​കാ​രം വീ​ടു​വി​ട്ടു പോ​കു​ന്ന​വ​രി​ൽ 90 ശ​ത​മാ​ന​വും മി​സ്‌​ഡ് കോ​ളി​ലൂ​ടെ​യും ചാ​റ്റിം​ഗി​ലൂ​ടെ​യും ബ​ന്ധം സ്ഥാ​പി​ച്ച​വ​രാ​ണ്.
കേ​ര​ള​ത്തി​ൽ ഓ​രോ വ​ർ​ഷ​വും ആ​യി​ര​ത്തി​അ​ഞ്ഞൂ​റി​ലേ​റെ കു​ടും​ബി​നി​ക​ൾ ജീ​വ​നൊ​ടു​ക്കു​ന്ന​താ​യി ക്രൈം ​റി​ക്കാ​ർ​ഡ്സ് ബ്യൂ​റോ​യു​ടെ ക​ണ​ക്കു​ക​ൾ വ്യ​ക്ത​മാ​ക്കു​ന്നു. സ്ത്രീ​ക​ളു​ടെ ആ​ത്മ​ഹ​ത്യാ​നി​ര​ക്ക് ലോ​ക​ത്തി​ലെ​ത​ന്നെ ഏ​റ്റ​വും കൂ​ടി​യ​തോ​തി​ലു​ള്ള​ത് കേ​ര​ള​ത്തി​ലാ​ണ​ത്രേ. സു​ഖ​ജീ​വി​ത​തൃ​ഷ്ണ, ചി​ല ടെ​ലി​വി​ഷ​ൻ സീ​രി​യ​ലു​ക​ൾ ന​ൽ​കു​ന്ന തെ​റ്റാ​യ സ​ന്ദേ​ശ​ങ്ങ​ൾ, ദ​ന്പ​തി​ക​ൾ ത​മ്മി​ലു​ള്ള സ്നേ​ഹ​രാ​ഹി​ത്യം, അ​ണു​കു​ടും​ബ പ​ശ്ചാ​ത്ത​ല​ത്തി​ലെ സ്വാ​ർ​ഥ​ത തു​ട​ങ്ങി ഒ​ട്ടേ​റെ കാ​ര്യ​ങ്ങ​ൾ കു​ടും​ബ​ബ​ന്ധ​ങ്ങ​ളി​ലെ​യും ദാ​ന്പ​ത്യ​ജീ​വി​ത​ത്തി​ലെ​യും ത​ക​ർ​ച്ച​യ്ക്കു കാ​ര​ണ​മാ​യി സാ​മൂ​ഹ്യ ശാ​സ്ത്ര​ജ്ഞ​രും മാ​ന​സി​ക​ചി​കി​ത്സാ വി​ദ​ഗ്ധ​രും ചൂ​ണ്ടി​ക്കാ​ട്ടു​ന്നു.

കേ​ര​ള​ത്തി​ലെ സ്ത്രീ​ക​ൾ പൊ​തു​വേ വി​ദ്യാ​സ​ന്പ​ന്ന​രും സാ​മൂ​ഹ്യ ഇ​ട​പെ​ട​ലു​ക​ളി​ൽ സ​ജീ​വ​മാ​യ​വ​രു​മാ​ണെ​ങ്കി​ലും ദാ​ന്പ​ത്യ​ത​ക​ർ​ച്ച​ക​ൾ കൂ​ടി​വ​രു​ന്ന​തി​ന്‍റെ കാ​ര​ണം ദു​രൂ​ഹ​മാ​ണ്. കു​ടും​ബ​ബ​ന്ധ​ങ്ങ​ളി​ലെ ഊ​ഷ്മ​ള​ത ന​ഷ്‌​ട​പ്പെ​ടു​ന്ന സാ​ഹ​ച​ര്യം മാ​റ്റി​യെ​ടു​ക്കാ​ൻ ബോ​ധ​പൂ​ർ​വ​മാ​യ ശ്ര​മം ന​ട​ത്തേ​ണ്ടി​യി​രി​ക്കു​ന്നു. കു​ടും​ബാ​ന്ത​രീ​ക്ഷം സൗ​ഹൃ​ദ​പൂ​ർ​ണ​വും സ്വാ​ർ​ഥ​ര​ഹി​ത​വും പ​ങ്കി​ട​ലി​നും പ​ങ്കു​വ​യ്പി​നും ഏ​റെ പ്രാ​ധാ​ന്യ​മു​ള​ള​തു​മാ​യി​ത്തീ​ര​ണം.

വി​വാ​ഹ​പൂ​ർ​വ കൗ​ൺ​സ​ലിം​ഗ് നി​യ​മം മൂ​ലം നി​ർ​ബ​ന്ധ​മാ​ക്ക​ണ​മെ​ന്നാ​വ​ശ്യ​പ്പെ​ട്ടു വ​നി​താ ക​മ്മീ​ഷ​ൻ ഈ​യി​ടെ സ​ർ​ക്കാ​രി​നു നി​ർ​ദേ​ശം സ​മ​ർ​പ്പി​ച്ചി​രു​ന്നു. ക്രൈ​സ്ത​വ​സ​ഭ​ക​ൾ ഏ​റെ​ക്കാ​ല​മാ​യി ഇ​ത്ത​രം വി​വാ​ഹ​പൂ​ർ​വ കൗ​ൺ​സ​ലിം​ഗും ദി​വ​സ​ങ്ങ​ൾ നീ​ണ്ടു​നി​ൽ​ക്കു​ന്ന ക്യാ​ന്പു​മൊ​ക്കെ സം​ഘ​ടി​പ്പി​ക്കാ​റു​ണ്ട്. മ​റ്റു സ​മു​ദാ​യ​ങ്ങ​ളും ഇ​പ്പോ​ൾ ഇ​ത്ത​രം പ​രി​പാ​ടി​ക​ൾ സം​ഘ​ടി​പ്പി​ച്ചു തു​ട​ങ്ങി​യി​ട്ടു​ണ്ട്.

വി​വാ​ഹം ര​ണ്ടു വ്യ​ക്തി​ക​ൾ ത​മ്മി​ൽ മാ​ത്ര​മ​ല്ല, ര​ണ്ടു കു​ടും​ബ​ങ്ങ​ൾ ത​മ്മി​ലു​ള്ള ബ​ന്ധം​കൂ​ടി​യാ​ണ്. ജീ​വി​ത​പ​ങ്കാ​ളി​യു​ടെ വീ​ട്ടു​കാ​രു​മാ​യോ ചു​റ്റു​പാ​ടു​മാ​യോ ഒ​ത്തു​പോ​കാ​ൻ യു​വ​ദ​ന്പ​തി​ക​ൾ​ക്കു ക​ഴി​യു​ന്നി​ല്ലെ​ന്നു വ​നി​താ ക​മ്മീ​ഷ​ൻ ചൂ​ണ്ടി​ക്കാ​ട്ടു​ന്നു. ത​ങ്ങ​ളു​ടെ മു​ന്പാ​കെ​യെ​ത്തു​ന്ന നി​ര​വ​ധി​യാ​യ പ​രാ​തി​ക​ളു​ടെ അ​ടി​സ്ഥാ​ന​ത്തി​ലാ​ണ് ക​മ്മീ​ഷ​ൻ ഇ​ത്ത​രം നി​ഗ​മ​ന​ങ്ങ​ൾ ന​ട​ത്തു​ന്ന​ത്. വി​വാ​ഹ​ബ​ന്ധ​ങ്ങ​ൾ ശി​ഥി​ല​മാ​കു​ന്ന​തി​നു പു​റ​മേ സ​മൂ​ഹ​ത്തി​ന് അ​നു​യോ​ജ്യ​മ​ല്ലാ​ത്ത സ്ത്രീ-​പു​രു​ഷ ബ​ന്ധ​ങ്ങ​ളും വ​ർ​ധി​ച്ചു​വ​രു​ന്ന​താ​യി ക​മ്മീ​ഷ​ൻ അ​ധ്യ​ക്ഷ ജോ​സ​ഫൈ​ൻ ചൂ​ണ്ടി​ക്കാ​ട്ടു​ക​യു​ണ്ടാ​യി.

ലി​വിം​ഗ് ടു​ഗ​ത​റും മ​റ്റ് ആ​ധു​നി​ക ജീ​വി​ത​രീ​തി​ക​ളു​മൊ​ക്കെ ചെ​റു​പ്പ​ക്കാ​രെ ഏ​റെ സ്വാ​ധീ​നി​ക്കു​ന്ന കാ​ല​ത്ത്, ദാ​ന്പ​ത്യ​ജീ​വി​ത​ത്തി​ന്‍റെ വി​ശു​ദ്ധി​യും പ​വി​ത്ര​ത​യു​മൊ​ക്കെ അ​വ​ർ​ക്കു മ​ന​സി​ലാ​ക്കി​ക്കൊ​ടു​ക്ക​ണ​മെ​ങ്കി​ൽ സ​മൂ​ഹ​ത്തി​ന്‍റെ ഭാ​ഗ​ത്തു​നി​ന്നു ബോ​ധ​പൂ​ർ​വ​മാ​യ ശ്ര​മം ഉ​ണ്ടാ​കേ​ണ്ടി​യി​രി​ക്കു​ന്നു. സ​ർ​ക്കാ​ർ സം​വി​ധാ​ന​ങ്ങ​ൾ​ക്കും ഇ​തി​ൽ നി​ർ​ണാ​യ​ക​മാ​യൊ​രു പ​ങ്കു വ​ഹി​ക്കാ​നു​ണ്ട്.