ദുബായ്: ഒന്നാം ആഷസ് ടെസ്റ്റ് ക്രിക്കറ്റിൽ ഇംഗ്ലണ്ടിനെതിരേ ഓസ്ട്രേലിയയെ ജയത്തിലേക്ക് നയിച്ച സ്റ്റീവ് സ്മിത്ത് ഐസിസി റാങ്കിംഗിലും നേട്ടം കൊയ്തു. ബാറ്റിംഗ് റാങ്കിംഗിൽ ഇന്ത്യയുടെ ചേതേശ്വർ പൂജാരയെ പിന്തള്ളി സ്മിത്ത് മൂന്നാമത് എത്തി. ആദ്യ ആഷസിന്‍റെ ഒന്നാം ഇന്നിംഗ്സിൽ 144ഉം രണ്ടാം ഇന്നിംഗ്സിൽ 142ഉം റണ്‍സ് സ്മിത്ത് നേടിയിരുന്നു. 251 റണ്‍സിനായിരുന്നു ഓസീസ് ജയം.
നിലവിൽ 900 റേറ്റിംഗ് പോയിന്റുമായാണ് സ്മിത്ത് മൂന്നാം സ്ഥാനത്ത് എത്തിയത്. ഇതോടെ ഇന്ത്യൻ ക്യാപ്റ്റൻ വിരാട് കോഹ്ലി (922), ന്യൂസിലൻഡ് ക്യാപ്റ്റൻ കെയ്ൻ വില്യംസണ്‍ (913) എന്നിവർക്കു പിന്നാലെ 900 പോയിന്റിലെത്തുന്ന മൂന്നാമനുമായി സ്മിത്ത്. കോഹ്ലിയും വില്യംസണുമാണ് ഐസിസി ബാറ്റിംഗ് റാങ്കിൽ ആദ്യ രണ്ട് സ്ഥാനങ്ങളിൽ. 857 പോയിന്റുമായി നാലാം സ്ഥാനത്തായിരുന്നു സ്മിത്ത്. 881 പോയിന്റുള്ള ചേതേശ്വർ പൂജാര ഇതോടെ നാലാം സ്ഥാനത്തായി.
നിലവിൽ 900 റേറ്റിംഗ് പോയിന്റുമായാണ് സ്മിത്ത് മൂന്നാം സ്ഥാനത്ത് എത്തിയത്. ഇതോടെ ഇന്ത്യൻ ക്യാപ്റ്റൻ വിരാട് കോഹ്ലി (922), ന്യൂസിലൻഡ് ക്യാപ്റ്റൻ കെയ്ൻ വില്യംസണ്‍ (913) എന്നിവർക്കു പിന്നാലെ 900 പോയിന്റിലെത്തുന്ന മൂന്നാമനുമായി സ്മിത്ത്. കോഹ്ലിയും വില്യംസണുമാണ് ഐസിസി ബാറ്റിംഗ് റാങ്കിൽ ആദ്യ രണ്ട് സ്ഥാനങ്ങളിൽ. 857 പോയിന്റുമായി നാലാം സ്ഥാനത്തായിരുന്നു സ്മിത്ത്. 881 പോയിന്റുള്ള ചേതേശ്വർ പൂജാര ഇതോടെ നാലാം സ്ഥാനത്തായി.
