കാഠ്മണ്ഡു: 2019 എഎഫ്സി കപ്പില്നിന്ന് ചെന്നൈയിന് എഫ്സി പുറത്ത്. ഗ്രൂപ്പ് ഇയിലെ നിര്ണായക മത്സരത്തില് ചെന്നൈയിന് നേപ്പാള് ക്ലബ് മനാംഗ് മര്ഷ് യാംഗ്ഡിയെ 3-2ന് തോല്പ്പിച്ചെങ്കിലും ഇന്റര് സോണ് സെമി ഫൈനലിലെത്താനായില്ല. ചെന്നൈയിനായി മുഹമ്മദ് റാഫി രണ്ടു ഗോളും എലി സാബിയ ഒരു ഗോളും നേടി. ഈ ഗ്രൂപ്പിലെ തന്നെ മറ്റൊരു മത്സരത്തില് ബംഗ്ലാദേശ് ക്ലബ് അബഹാന ലിമിറ്റഡ് ധാക്ക 1-0ന് മിനര്വ പഞ്ചാബിനെ തോല്പ്പിച്ച് ഒന്നാം സ്ഥാനക്കാരായതോടെയാണ് ചെന്നൈയിന് സെമിയിലെത്താതെ പുറത്തായത്. അബഹാനിക്ക് 13 പോയിന്റും ചെന്നൈയിനു 11 പോയിന്റുമാണുള്ളത്.