യൂറോപ്പിൽ നങ്കൂരമിട്ട് പറങ്കിപ്പട

പോ​ര്‍ട്ടോ: പോ​ര്‍ച്ചു​ഗ​ല്‍ ഫു​ട്‌​ബോ​ളി​നും ക്രി​സ്റ്റ്യാ​നോ റൊ​ണാ​ള്‍ഡോ​യ്ക്കും ഫെ​ര്‍ണാ​ണ്ടോ സാ​ന്‍റോ​സി​നും ഒ​രി​ക്ക​ല്‍ക്കൂ​ടി അ​ഭി​മാ​നി​ക്കാം. യു​വേ​ഫ നേ​ഷ​ന്‍സ് ലീ​ഗി​ന്‍റെ പ്ര​ഥ​മ കി​രീ​ടം റൊ​ണാ​ള്‍ഡോ​യും കൂ​ട്ട​രും സ്വ​ന്ത​മാ​ക്കി. യൂ​റോ 2016 കി​രീ​ട​ത്തി​ലേ​ക്കു പോ​ര്‍ച്ചു​ഗ​ലി​നെ കി​രീ​ട​ത്തി​ലെ​ത്തി​ച്ച ഫെ​ര്‍ണാ​ണ്ടോ സാ​ന്‍റോ​സ് ആ​യി​രു​ന്നു ഇ​ത്ത​വ​ണ​യും പ​രി​ശീ​ല​ക​ന്‍.

നേ​ഷ​ന്‍സ് ലീ​ഗ് ഫൈ​ന​ലി​ല്‍ പോ​ര്‍ച്ചു​ഗ​ല്‍ 1-0ന് ​നെ​ത​ര്‍ല​ന്‍ഡ്‌​സി​നെ കീ​ഴ​ട​ക്കി​യാ​ണ് ചാ​മ്പ്യ​ന്മാ​രാ​യ​ത്. 60-ാം മിനിറ്റിൽ ത​ക​ര്‍പ്പൻ പാ​സി​ല്‍നി​ന്ന് ഗോ​ണ്‍സാ​ലോ ഗ്യൂ​ഡ​സ് നേ​ടി​യ ഗോ​ളി​ലാ​ണ് പോ​ര്‍ച്ചു​ഗ​ലി​ന്‍റെ ജ​യം. ബെ​ര്‍ണാ​ര്‍ഡോ സി​ല്‍വ ഒ​രു​ക്കിയ പാ​സി​ല്‍നി​ന്നാ​യി​രു​ന്നു ഗോ​ള്‍. സ്വി​റ്റ്‌​സ​ര്‍ല​ന്‍ഡി​നെ പെ​ന​ല്‍റ്റി ഷൂ​ട്ടൗ​ട്ടി​ല്‍ 6-5ന് ​തോ​ല്‍പ്പി​ച്ച് ഇം​ഗ്ല​ണ്ട് മൂ​ന്നാം സ്ഥാ​നം സ്വ​ന്ത​മാ​ക്കി.

മു​ഖം വാ​ടി റൊ​ണാ​ള്‍ഡോ

ചാ​മ്പ്യ​ന്മാ​രാ​യ​പ്പോ​ള്‍ ആ​ഹ്ലാ​ദ​വാ​നാ​യ പോ​ര്‍ച്ചു​ഗീ​സ് നാ​യ​ക​ന്‍ ക്രി​സ്റ്റി​യാ​നോ റൊ​ണാ​ള്‍ഡോ​യു​ടെ മു​ഖം വാ​ടി. ടൂ​ര്‍ണ​മെ​ന്‍റി​ലെ താ​ര​മാ​യി ബെ​ര്‍ണാ​ര്‍ഡോ സി​ല്‍വ​യു​ടെ പേ​ര് പ്ര​ഖ്യാ​പി​ച്ച​പ്പോ​ഴാ​ണ് റൊ​ണാ​ള്‍ഡോ​യു​ടെ മു​ഖം മ​ങ്ങി​യ​ത്. വി​ഷ​മ​ത്തോ​ടെ റൊ​ണാ​ള്‍ഡോ സി​ല്‍വ​യെ നോ​ക്കു​ന്ന വീ​ഡി​യോ സോ​ഷ്യ​ല്‍ മീ​ഡി​യ​യി​ല്‍ പ്ര​ച​രി​ച്ചു.