ഭുവനേശ്വർ: ഒഡീഷയിൽ തെരഞ്ഞെടുപ്പിനോടനുബന്ധിച്ച് നടന്ന അക്രമത്തിൽ കോൺഗ്രസ് പ്രവർത്തകൻ കൊല്ലപ്പെട്ടു. ജഗത്സിംഗ്പുർ ലോക്സഭാ മണ്ഡലത്തിനു കീഴിലുള്ള ബലികുഡ-ഇറാസമ നിയമസഭാ മണ്ഡലത്തിലായിരുന്നു സംഭവം. ലച്മൻ ബെഹറ ആണു കൊല്ലപ്പെട്ടത്. ഇദ്ദേഹം ഈയിടെയാണു ബിജെഡി വിട്ട് കോൺഗ്രസിൽ ചേർന്നത്. പൊട്ടിയ കുപ്പികൊണ്ടു കുത്തേറ്റ ബെഹറ ആശുപത്രിയിലേക്കു കൊണ്ടുപോകും വഴി മരിച്ചു.
