ദുബായ്: ഏഷ്യ കപ്പ് ക്രിക്കറ്റ് കിരീടത്തിന് പിന്നാലെ ഐസിസി ഏകദിന റാങ്കിംഗിൽ നേട്ടമുണ്ടാക്കി ഇന്ത്യൻ താരങ്ങൾ. ഏഷ്യ കപ്പിൽ 317 റണ്സ് നേടിയ രോഹിത് ശർമ രണ്ടാം റാങ്കിലെത്തി. 342 റണ്സുമായി ഏഷ്യ കപ്പിൽ ടോപ് സ്കോററായ ശിഖർ ധവാൻ നാല് സ്ഥാനം മെച്ചപ്പെടുത്തി അഞ്ചാം റാങ്കിലേക്കുയർന്നു. ഏഷ്യ കപ്പിൽ കളിച്ചില്ലെങ്കിലും ഇന്ത്യയുടെ സ്ഥിരം ക്യാപ്റ്റനായ വിരാട് കോഹ്ലി ഒന്നാം സ്ഥാനം നിലനിർത്തി. കോഹ്ലിക്ക് 884 റേറ്റിംഗ് പോയിന്റും രോഹിത് ശർമയ്ക്ക് 842 റേറ്റിംഗ് പോയിന്റുമാണുള്ളത്.
ബൗളർമാരിൽ പേസ് ബൗളർ ജസ്പ്രീത് ബുംറ ഒന്നാം സ്ഥാനം നിലനിർത്തി. ഏഷ്യ കപ്പിൽ മികച്ച പ്രകടനം പുറത്തെടുത്ത അഫ്ഗാനിസ്ഥാന്റെ റാഷിദ് ഖാനാണ് രണ്ടാം സ്ഥാനത്ത്. മൂന്ന് സ്ഥാനങ്ങൾ മെച്ചപ്പെടുത്തി മൂന്നാം റാങ്കിലേക്കുയർന്ന കുൽദീപ് യാദവാണ് നേട്ടമുണ്ടാക്കിയ മറ്റൊരു ഇന്ത്യൻ താരം. യുസ്വേന്ദ്ര ചാഹൽ 11-ാം റാങ്ക് നിലനിർത്തി.
ടീം റാങ്കിംഗിൽ ഇംഗ്ലണ്ടിനു പിന്നിൽ രണ്ടാം സ്ഥാനത്ത് തുടരുകയാണ് ഇന്ത്യ. ന്യൂസിലൻഡ്, ദക്ഷിണാഫ്രിക്ക, പാക്കിസ്ഥാൻ, ഓസ്ട്രേലിയ, ബംഗ്ലാദേശ്, ശ്രീലങ്ക എന്നിവയാണ് തുടർന്നുള്ള സ്ഥാനങ്ങളിൽ. ഏഷ്യ കപ്പ് കിരീടം നേടിയ ഇന്ത്യ ഒരു പോയിന്റ് അധികം സന്പാധിച്ചു. അഫ്ഗാനിസ്ഥാൻ അഞ്ച് പോയിന്റ് നേടിയപ്പോൾ പാക്കിസ്ഥാൻ, ശ്രീലങ്ക എന്നിവയ്ക്ക് മൂന്ന് പോയിന്റ് വീതം നഷ്ടപ്പെട്ടു.
ബൗളർമാരിൽ പേസ് ബൗളർ ജസ്പ്രീത് ബുംറ ഒന്നാം സ്ഥാനം നിലനിർത്തി. ഏഷ്യ കപ്പിൽ മികച്ച പ്രകടനം പുറത്തെടുത്ത അഫ്ഗാനിസ്ഥാന്റെ റാഷിദ് ഖാനാണ് രണ്ടാം സ്ഥാനത്ത്. മൂന്ന് സ്ഥാനങ്ങൾ മെച്ചപ്പെടുത്തി മൂന്നാം റാങ്കിലേക്കുയർന്ന കുൽദീപ് യാദവാണ് നേട്ടമുണ്ടാക്കിയ മറ്റൊരു ഇന്ത്യൻ താരം. യുസ്വേന്ദ്ര ചാഹൽ 11-ാം റാങ്ക് നിലനിർത്തി.
ടീം റാങ്കിംഗിൽ ഇംഗ്ലണ്ടിനു പിന്നിൽ രണ്ടാം സ്ഥാനത്ത് തുടരുകയാണ് ഇന്ത്യ. ന്യൂസിലൻഡ്, ദക്ഷിണാഫ്രിക്ക, പാക്കിസ്ഥാൻ, ഓസ്ട്രേലിയ, ബംഗ്ലാദേശ്, ശ്രീലങ്ക എന്നിവയാണ് തുടർന്നുള്ള സ്ഥാനങ്ങളിൽ. ഏഷ്യ കപ്പ് കിരീടം നേടിയ ഇന്ത്യ ഒരു പോയിന്റ് അധികം സന്പാധിച്ചു. അഫ്ഗാനിസ്ഥാൻ അഞ്ച് പോയിന്റ് നേടിയപ്പോൾ പാക്കിസ്ഥാൻ, ശ്രീലങ്ക എന്നിവയ്ക്ക് മൂന്ന് പോയിന്റ് വീതം നഷ്ടപ്പെട്ടു.