ഭുവനേശ്വർ: ഹീറോ ഇന്ത്യൻ സൂപ്പർ കപ്പ് ഫുട്ബോൾ യോഗ്യതാ റൗണ്ടിൽ ഗോകുലം കേരള എഫ്സിക്കും ചർച്ചിൽ ബ്രദേഴ്സിനും ജയം. ഐഎസ്എൽ ടീമായ നോർത്ത് ഈസ്റ്റിനെ 2-0ന് ഗോകുലം കീഴടക്കി. ഹെൻറി കെസെക്കയുടെ ഇരട്ട ഗോളാണ് ഗോകുലത്തിന് സൂപ്പർ ലീഗ് പ്രീക്വാർട്ടറിൽ ഇടംനല്കിയത്. 43, 74 മിനിറ്റുകളിലായിരുന്നു കെസെക്കയുടെ ഗോൾ.
ഡൽഹിഡൈനാമോസിനെയാണ് ചർച്ചിൽബ്രദേഴ്സ് കീഴടക്കിയത്. നിശ്ചിത സമയത്ത് 1-1 സമനിലയായതിനെത്തുടർന്ന് അധികസമയത്തേക്ക് നീണ്ട മത്സരത്തിൽ വില്ലിസ് പ്ലാസയാണ് 106-ാം മിനിറ്റിൽ ഗോൾഡൻ ഗോൾ സ്വന്തമാക്കിയത്. ഒരു ഗോളിനു പിന്നിട്ടുനിന്നശേഷം പ്ലാസയുടെ ഇരട്ട ഗോളിലൂടെയാണ് ഗോവൻ ടീം ജയം കൈപ്പിടിയിലൊതുക്കിയത്. മത്സരത്തിന്റെ ആറാം മിനിറ്റിൽ കാലു ഉച്ചെയുടെ ഗോളിൽ ഡൽഹി ഡൈനാമോസ് മുന്നിൽ കടന്നു. 34-ാം മിനിറ്റിൽ പ്ലാസ ചർച്ചിലിനെ സമനിലയിൽ എത്തിച്ചു.
യോഗ്യത ജയിച്ചതോടെ ചർച്ചിലും ഗോകുലം കേരളയും സൂപ്പർ കപ്പ് പ്രീക്വാർട്ടറിൽ ഇടംപിടിച്ചു. ഐഎസ്എൽ ഫൈനലിസ്റ്റുകളായ ബംഗളൂരു എഫ്സിയാണ് ഗോകുല ത്തിന്റെ എതിരാളി. ഏപ്രിൽ ഒന്നിനാണ് മത്സരം. മോഹൻ ബഗാനാണ് ചർച്ചിലിന്റെ എതിരാളി.
ഡൽഹിഡൈനാമോസിനെയാണ് ചർച്ചിൽബ്രദേഴ്സ് കീഴടക്കിയത്. നിശ്ചിത സമയത്ത് 1-1 സമനിലയായതിനെത്തുടർന്ന് അധികസമയത്തേക്ക് നീണ്ട മത്സരത്തിൽ വില്ലിസ് പ്ലാസയാണ് 106-ാം മിനിറ്റിൽ ഗോൾഡൻ ഗോൾ സ്വന്തമാക്കിയത്. ഒരു ഗോളിനു പിന്നിട്ടുനിന്നശേഷം പ്ലാസയുടെ ഇരട്ട ഗോളിലൂടെയാണ് ഗോവൻ ടീം ജയം കൈപ്പിടിയിലൊതുക്കിയത്. മത്സരത്തിന്റെ ആറാം മിനിറ്റിൽ കാലു ഉച്ചെയുടെ ഗോളിൽ ഡൽഹി ഡൈനാമോസ് മുന്നിൽ കടന്നു. 34-ാം മിനിറ്റിൽ പ്ലാസ ചർച്ചിലിനെ സമനിലയിൽ എത്തിച്ചു.
യോഗ്യത ജയിച്ചതോടെ ചർച്ചിലും ഗോകുലം കേരളയും സൂപ്പർ കപ്പ് പ്രീക്വാർട്ടറിൽ ഇടംപിടിച്ചു. ഐഎസ്എൽ ഫൈനലിസ്റ്റുകളായ ബംഗളൂരു എഫ്സിയാണ് ഗോകുല ത്തിന്റെ എതിരാളി. ഏപ്രിൽ ഒന്നിനാണ് മത്സരം. മോഹൻ ബഗാനാണ് ചർച്ചിലിന്റെ എതിരാളി.