മാന്നാനം: പതിനാലാമത് എഫ്രേംസ് ട്രോഫിക്കുവേണ്ടിയുള്ള ഓൾ കേരള ഇന്‍റർ സ്കൂൾ ബാസ്കറ്റ്ബോൾ ടൂർണമെന്‍റിൽ ആൺകുട്ടികളുടെ വിഭാഗത്തിൽ ആതിഥേയരായ മാന്നാനം സെന്‍റ് എഫ്രേംസ് ജേതാക്കളായി. ഈവർഷത്തെ തുടർച്ചയായ പതിനാലാം ജയമാണ് എഫ്രേയിംസിന്‍റേത്. മുട്ടം ഷാന്താൾ ജ്യോതിയെ 87-48 എന്ന സ്കോറിനാണ് പരാജയപ്പെടുത്തിയത്. പെൺകുട്ടികളുടെ വിഭാഗത്തിൽ കോട്ടയം മൗണ്ട് കാർമൽ വിജയികളായി. 61-56 എന്ന സ്കോറിന് ആലപ്പുഴ സെന്‍റ് ജോസഫിനെയാണ് പരാജയപ്പെടുത്തിയത്.
ആൺകുട്ടികളുടെ വിഭാഗത്തിൽ എഫ്രേയിംസിന്‍റെ ചാക്കോ സി. സൈമൺ ബെസ്റ്റ് പ്ലയറായി തെരഞ്ഞെടുക്കപ്പെട്ടു. ഷാന്താൾ ജ്യോതിയുടെ ടോം ജോസാണ് മികച്ച ഭാവി താരം. പെൺകുട്ടികളുടെ വിഭാഗത്തിൽ മൗണ്ട് കാർമലിന്‍റെ സമ്ര സ്റ്റാൻലി മികച്ച താരമായി. മികച്ച ഭാവി താരമായി സെന്‍റ് ജോസഫിന്‍റെ ജയലക്ഷ്മി തെരഞ്ഞെടുക്കപ്പെട്ടു. സമാപന സമ്മേളനത്തിൽ ഡോ. കുര്യൻ ജോൺ മേളാംപറന്പിൽ ട്രോഫികൾ വിതരണം ചെയ്തു.
ആൺകുട്ടികളുടെ വിഭാഗത്തിൽ എഫ്രേയിംസിന്‍റെ ചാക്കോ സി. സൈമൺ ബെസ്റ്റ് പ്ലയറായി തെരഞ്ഞെടുക്കപ്പെട്ടു. ഷാന്താൾ ജ്യോതിയുടെ ടോം ജോസാണ് മികച്ച ഭാവി താരം. പെൺകുട്ടികളുടെ വിഭാഗത്തിൽ മൗണ്ട് കാർമലിന്‍റെ സമ്ര സ്റ്റാൻലി മികച്ച താരമായി. മികച്ച ഭാവി താരമായി സെന്‍റ് ജോസഫിന്‍റെ ജയലക്ഷ്മി തെരഞ്ഞെടുക്കപ്പെട്ടു. സമാപന സമ്മേളനത്തിൽ ഡോ. കുര്യൻ ജോൺ മേളാംപറന്പിൽ ട്രോഫികൾ വിതരണം ചെയ്തു.
