ന്യൂഡല്ഹി: ഫിഫ റാങ്കിംഗില് ഇന്ത്യ രണ്ടു സ്ഥാനം മുന്നോട്ടുകയറി. 2019 എഎഫ്സി ഏഷ്യന് കപ്പിനു യോഗ്യത നേടിയശേഷമാണ് ഇന്ത്യക്കു റാങ്കിംഗില് മുന്നേറ്റം ഉണ്ടായത്. രണ്ടു സ്ഥാനം മുന്നോട്ടു കയറിയ ഇന്ത്യ 105-ാം സ്ഥാനത്തെത്തി. ലോക ചാമ്പ്യന്മാരായ ജര്മനി ഒന്നാമതും ബ്രസീല് രണ്ടാം സ്ഥാനത്തുമാണ്. യൂറോ ചാമ്പ്യന്മാരായ പോര്ച്ചുഗല് മൂന്നാമതും അര്ജന്റീന നാലാമതും ബെല്ജിയം അഞ്ചാം സ്ഥാനത്തുമാണ്.
