ആലപ്പുഴ: ആര്യാട് പഞ്ചായത്ത് കമ്യൂണിറ്റി ഹാളില്‍ നടക്കുന്ന അമ്പത്തഞ്ചാമത് സംസ്ഥാന സീനിയര്‍ ചെസ് ചാമ്പ്യന്‍ഷിപ്പിന്‍റെ എട്ടു റൗണ്ട് മത്സരങ്ങള്‍ കഴിഞ്ഞപ്പോള്‍ എറണാകുളത്തിന്‍റെ വിനയ് തോമസ് ഏബ്രാഹം ഏഴു പോയിന്‍റ് നേടി ലീഡുചെയ്യുന്നു. ഇന്നലെ നടന്ന ഏഴും എട്ടും റൗണ്ടുകളിലെ വിനയിന്‍റെ മത്സരങ്ങള്‍ സമനിലയിലാണ് തീര്‍ന്നത്. ആറര പോയിന്‍റ് വീതം നേടിയ ഒ.ടി.അനില്‍കുമാര്‍, ജുബിന്‍ ജിമ്മി, റെജിത്ത് ബാബു സി, അക്ഷയ് മധുസൂദന ന്‍ എന്നിവര്‍ തൊട്ടു പിന്നില്‍ നില്‍ക്കുന്നു. മത്സരം ഇന്നു രാവിലെ നടക്കുന്ന ഒന്‍പതാം റൗണ്ടോടെ സമാപിക്കും.
