ബംഗളൂരു: ഐപിഎലിൽ ഇന്നലെ നടന്ന രണ്ടാം മത്സരത്തിൽ റോയൽ ചലഞ്ചേഴ്സിനെതിരേ റൈസിംഗ് പൂന സൂപ്പർ ജയന്റിനു വിജയം. 27 റണ്സിനാണ് പൂന സൂപ്പർ ജയന്റിസ് വിജയിച്ചത്.ആദ്യം ബാറ്റ് ചെയ്ത പൂന 20 ഓവറിൽ എട്ടു വിക്കറ്റ് നഷ്ടത്തിൽ 161 റണ്സെടുത്തു. മുൻനിര മികച്ച പ്രകടനം കാഴ്ചവച്ചെങ്കിലും മധ്യനിരയും വാലറ്റവും തകർന്നതാണ് പൂനയ്ക്കു വിനയായത്. മറുപടി ബാറ്റിംഗിനിറങ്ങിയ ബംഗളൂരുവിനു 20 ഓവറിൽ 9 വിക്കറ്റ് നഷ്ടത്തിൽ 134 റണ്സെടുക്കാനേ കഴിഞ്ഞുള്ളു. കോഹ്് ലി 28 റണ്സെടുത്തു.