ഇ​ടു​ക്കി​യി​ൽ വ​നി​താ ഡോ​ക്ട​ർ ഉ​ൾ​പ്പെ​ടെ ആ​റു പേ​ർ​ക്കു കൂ​ടി കോ​വി​ഡ്

ജി​ല്ല​യി​ൽ രോ​ഗി​യെ ചി​കി​ത്സി​ച്ച വ​നി​താ ഡോ​ക്ട​ർ ഉ​ൾ​പ്പെ​ടെ ആ​റു​പേ​ർ​ക്കു കൂ​ടി കോ​വി​ഡ് സ്ഥി​രീ​ക​രി​ച്ച​താ​യി ജി​ല്ലാ ക​ള​ക്ട​ർ എ​ച്ച് ദി​നേ​ശ​ൻ അ​റി​യി​ച്ചു. ഇ​തോ​ടെ ജി​ല്ല​യി​ൽ ഇ​തു​വ​രെ കോ​വി​ഡ് ബാ​ധി​ച്ച​വ​രു​ടെ എ​ണ്ണം 20 ആ​യി. ഏ​ല​പ്പാ​റ, വ​ണ്ടി​പ്പെ​രി​യാ​ർ എ​ന്നി​വി​ട​ങ്ങ​ളി​ൽ ര​ണ്ടു പേ​ർ​ക്ക് വീ​ത​വും വ​ണ്ട​ൻ​മേ​ട്, ഉ​പ്പു​ക​ണ്ടം എ​ന്നി​വി​ട​ങ്ങ​ളി​ൽ ഓ​രോ​രു​ത്ത​ർ​ക്കു​മാ​ണ് രോ​ഗം ബാ​ധി​ച്ച​ത്. ആ​റു പേ​രു​ടെ​യും ആ​രോ​ഗ്യ​നി​ല വ​ള​രെ തൃ​പ്തി​ക​ര​മാ​ണെ​ന്നും ഇ​വ​രെ ഇ​ടു​ക്കി മെ​ഡി​ക്ക​ൽ കോ​ളേ​ജ് ആ​ശു​പ​ത്രി​യി​ലേ​ക്കു മാ​റ്റു​മെ​ന്നും ജി​ല്ലാ ക​ള​ക്ട​ർ പ​റ​ഞ്ഞു.

രോ​ഗം സ്ഥി​രീ​ക​രി​ച്ച​വ​രു​ടെ വി​വ​രം

1. വ​ണ്ട​ൻ​മേ​ട്ടി​ൽ 24 കാ​ര​ൻ: മാ​ർ​ച്ച് 23ന് ​മ​ല​പ്പു​റ​ത്ത് നി​ന്ന് പ​നി ല​ക്ഷ​ണ​ങ്ങ​ളോ​ടെ വീ​ട്ടി​ൽ എ​ത്തി. ബൈ​ക്കി​ലാ​യി​രു​ന്നു വ​ന്ന​ത്. തു​ട​ർ​ന്ന് വീ​ട്ടി​ൽ ക​ഴി​യു​ക​യാ​യി​രു​ന്നു.

2. ചെ​മ്പ​ക​പ്പാ​റ ഗ്രാ​മ​പ​ഞ്ചാ​യ​ത്തി​ലെ ഉ​പ്പു​ക​ണ്ടം സ്വ​ദേ​ശി​യാ​യ 50കാ​ര​ൻ: മാ​ർ​ച്ച് 15ന് ​ജ​ർ​മ​നി​യി​ൽ നി​ന്നു സ്പെ​യി​നി​ലൂ​ടെ അ​ബു​ദാ​ബി വ​ഴി നാ​ട്ടി​ലെ​ത്തി. ഇ​ദ്ദേ​ഹ​ത്തി​ന് രോ​ഗ​ല​ക്ഷ​ണ​ങ്ങ​ളൊ​ന്നും ഇ​ല്ലാ​യി​രു​ന്നു. വി​ദേ​ശ​ത്ത് നി​ന്നു വ​ന്ന​താ​ക​യാ​ൽ സാ​ധാ​ര​ണ രീ​തി​യി​ൽ സ്ര​വം പ​രി​ശോ​ധി​ച്ച​പ്പോ​ഴാ​ണ് രോ​ഗം സ്ഥി​രീ​ക​രി​ച്ച​ത്.

3. ഏ​ല​പ്പാ​റ പി​എ​ച്ച്സി​യി​ലെ 41 കാ​രി​യാ​യ ഡോ​ക്ട​ർ: മൈ​സൂ​റി​ൽ നി​ന്ന് വ​ന്ന് രോ​ഗ​ബാ​ധി​ത​നാ​യ വ്യ​ക്തി​യു​ടെ അ​മ്മ​യി​ൽ നി​ന്നാ​ണ് ഡോ​ക്ട​ർ​ക്ക് രോ​ഗം പ​ക​ർ​ന്ന​തെ​ന്ന് ക​രു​തു​ന്നു. ഡോ​ക്ട​ർ​ക്കും രോ​ഗ​ല​ക്ഷ​ണ​ങ്ങ​ളു​ണ്ടാ​യി​രു​ന്നി​ല്ല. അ​മ്മ ഏ​ല​പ്പാ​റ പി.​എ​ച്ച്സി​യി​ൽ ചി​കി​ത്സ തേ​ടി​യി​രു​ന്നു.

4. ഏ​ല​പ്പാ​റ​യി​ലെ 54 കാ​രി: അ​ടു​ത്ത് രോ​ഗം ബാ​ധി​ച്ച സ്ത്രീ​യു​ടെ വീ​ട്ടി​ൽ പാ​ലും മു​ട്ട​യും കൊ​ടു​ക്കു​ന്നു​ണ്ടാ​യി​രു​ന്നു.

5,6. വ​ണ്ടി​പ്പെ​രി​യാ​ർ താ​മ​സ​ക്കാ​ര​നാ​യ അ​ച്ഛ​നും (35), ഏ​ഴു വ​യ​സു​ള്ള മ​ക​ളും: ഇ​യാ​ൾ ത​മി​ഴ്നാ​ട്ടി​ലെ തി​രു​ന്ന​ൽ​വേ​ലി​യി​ൽ പോ​യി എ​പ്രി​ൽ 12ന് ​വീ​ട്ടി​ൽ വ​ന്നു. പി​ന്നീ​ട് അ​ച്ഛ​ന്‍റെ​യും മ​ക​ളു​ടെ​യും സ്ര​വം പ​രി​ശോ​ധി​ച്ച​പ്പോ​ഴാ​ണ് രോ​ഗ​മു​ണ്ടെ​ന്ന് സ്ഥി​രീ​ക​രി​ച്ച​ത്.