രോഗികളുമായി നേരിട്ടുള്ള സമ്പർക്കം ഒഴിവാക്കി കോവിഡ്-19 ചികിത്സാവാർഡുകളിൽ മരുന്നും ഭക്ഷണവുമെത്തിക്കാൻ റോബട്ടിക് ട്രോളി തയാറാക്കി ചെമ്പേരി വിമൽജ്യോതി എൻജിനിയറിംഗ് കോളജ് ഗവേഷണവിഭാഗം.
റോബട്ടിക് സാങ്കേതിക വിദഗ്ധനും കോളജിലെ മെക്കാനിക്കൽ എൻജിനിയറിംഗ് അസോസിയേറ്റ് പ്രഫസറുമായ സുനിൽ പോളിന്‍റെ നേതൃത്വത്തിലാണ് ഈ വിദൂര നിയന്ത്രിത ട്രോളി യാഥാർഥ്യമാക്കിയത്. ഇതിനു വേണ്ടി തടിയിൽ ചട്ടക്കൂട് നിർമിക്കാൻ ഫാബ്രിക്കേഷൻ ടെക്നീഷൻമാരായ ശ്രീജിത്ത്, സെബിൻ എന്നിവരുടെ സഹായവും ലഭിച്ചു.
ആധുനിക സാങ്കേതിക വിദ്യ ഉപയോഗപ്പെടുത്തി നിത്യജീവിതത്തിൽ ഉപകാരപ്രദമായ നിരവധി ലഘു റോബട്ടിക് ഉപകരണങ്ങൾ മുമ്പും സുനിൽ പോൾ നിർമിച്ചിട്ടുണ്ട്. സ്വർണമെഡലോടെ എംടെക് നേടിയ സുനിൽ റോബട്ടിക് സയൻസിൽ ഗവേഷകൻ കൂടിയാണ്.
റോബട്ടിക്സ് ടെക്നോളജീസ് പ്രൈവറ്റ് ലിമിറ്റഡിന്‍റെ സ്പോൺസർഷിപ്പിൽ കോളജിൽ പ്രവർത്തിച്ചുവരുന്ന സെന്‍റർ ഫോർ എക്സലൻസ് ഇൻ റോബട്ടിക് ആൻഡ് ഓട്ടോമേഷൻ എന്ന പരീക്ഷണശാലയിലാണ് ഇത്തരം സാങ്കേതിക ഉപകരണങ്ങളുടെ ആവിഷ്കാരവും നിർമാണവും നടത്തിവരുന്നത്.
ചെമ്പേരി വിമൽജ്യോതി എൻജിനിയറിംഗ് കോളജ് ചെയർമാനും തലശേരി അതിരൂപത സഹായമെത്രാനുമായ മാർ ജോസഫ് പാംപ്ലാനി, കോളജ് മാനേജർ ഫാ. ജയിംസ് ചെല്ലങ്കോട്ട് എന്നിവരുടെ പ്രത്യേക നിർദേശപ്രകാരം കോളജിലെ ഗവേഷണ വിഭാഗം മേധാവി ഡോ. ടി.ഡി. ജോൺ, ഇൻസ്ട്രുമെന്‍റേഷൻ വിഭാഗം പ്രഫസർ ഡോ. സമ്പത്ത് കുമാർ, ഇലക്ട്രിക്കൽ എൻജിനിയറിംഗ് വിഭാഗം അസോസിയേറ്റ് പ്രഫ. സി.ആർ. സരിൻ എന്നിവരുടെ മേൽനോട്ടത്തിൽ കോവിഡ് ചികിത്സയ്ക്ക് സഹായകരമായ വിവിധ ഉപകരണങ്ങളാണ് നിർമാണഘട്ടത്തിലുള്ളത്.
ഓട്ടോമാറ്റിക് സാനിറ്റൈസർ ഡിസ്പെൻസറും ഏറെ പ്രാധാന്യമുള്ള മിനി പോർട്ടബിൾ വെന്‍റിലേറ്ററും ഇതിനകം വിജയകരമായി നിർമാണം പൂർത്തിയാക്കിയിട്ടുണ്ട്.
ബേബി സെബാസ്റ്റ്യൻ
റോബട്ടിക് സാങ്കേതിക വിദഗ്ധനും കോളജിലെ മെക്കാനിക്കൽ എൻജിനിയറിംഗ് അസോസിയേറ്റ് പ്രഫസറുമായ സുനിൽ പോളിന്‍റെ നേതൃത്വത്തിലാണ് ഈ വിദൂര നിയന്ത്രിത ട്രോളി യാഥാർഥ്യമാക്കിയത്. ഇതിനു വേണ്ടി തടിയിൽ ചട്ടക്കൂട് നിർമിക്കാൻ ഫാബ്രിക്കേഷൻ ടെക്നീഷൻമാരായ ശ്രീജിത്ത്, സെബിൻ എന്നിവരുടെ സഹായവും ലഭിച്ചു.
ആധുനിക സാങ്കേതിക വിദ്യ ഉപയോഗപ്പെടുത്തി നിത്യജീവിതത്തിൽ ഉപകാരപ്രദമായ നിരവധി ലഘു റോബട്ടിക് ഉപകരണങ്ങൾ മുമ്പും സുനിൽ പോൾ നിർമിച്ചിട്ടുണ്ട്. സ്വർണമെഡലോടെ എംടെക് നേടിയ സുനിൽ റോബട്ടിക് സയൻസിൽ ഗവേഷകൻ കൂടിയാണ്.
റോബട്ടിക്സ് ടെക്നോളജീസ് പ്രൈവറ്റ് ലിമിറ്റഡിന്‍റെ സ്പോൺസർഷിപ്പിൽ കോളജിൽ പ്രവർത്തിച്ചുവരുന്ന സെന്‍റർ ഫോർ എക്സലൻസ് ഇൻ റോബട്ടിക് ആൻഡ് ഓട്ടോമേഷൻ എന്ന പരീക്ഷണശാലയിലാണ് ഇത്തരം സാങ്കേതിക ഉപകരണങ്ങളുടെ ആവിഷ്കാരവും നിർമാണവും നടത്തിവരുന്നത്.
ചെമ്പേരി വിമൽജ്യോതി എൻജിനിയറിംഗ് കോളജ് ചെയർമാനും തലശേരി അതിരൂപത സഹായമെത്രാനുമായ മാർ ജോസഫ് പാംപ്ലാനി, കോളജ് മാനേജർ ഫാ. ജയിംസ് ചെല്ലങ്കോട്ട് എന്നിവരുടെ പ്രത്യേക നിർദേശപ്രകാരം കോളജിലെ ഗവേഷണ വിഭാഗം മേധാവി ഡോ. ടി.ഡി. ജോൺ, ഇൻസ്ട്രുമെന്‍റേഷൻ വിഭാഗം പ്രഫസർ ഡോ. സമ്പത്ത് കുമാർ, ഇലക്ട്രിക്കൽ എൻജിനിയറിംഗ് വിഭാഗം അസോസിയേറ്റ് പ്രഫ. സി.ആർ. സരിൻ എന്നിവരുടെ മേൽനോട്ടത്തിൽ കോവിഡ് ചികിത്സയ്ക്ക് സഹായകരമായ വിവിധ ഉപകരണങ്ങളാണ് നിർമാണഘട്ടത്തിലുള്ളത്.
ഓട്ടോമാറ്റിക് സാനിറ്റൈസർ ഡിസ്പെൻസറും ഏറെ പ്രാധാന്യമുള്ള മിനി പോർട്ടബിൾ വെന്‍റിലേറ്ററും ഇതിനകം വിജയകരമായി നിർമാണം പൂർത്തിയാക്കിയിട്ടുണ്ട്.
ബേബി സെബാസ്റ്റ്യൻ
