ജനം വീട്ടിലിരുന്നു, ജനതാ കർഫ്യു പൂർണം

കൊ​റോ​ണ വൈ​റ​സ് ബാ​ധ രൂ​ക്ഷ​മാ​കു​ന്ന​തി​ന്‍റെ പ​ശ്ചാ​ത്ത​ല​ത്തി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി ആ​ഹ്വാ​നം ചെ​യ്ത ജ​ന​താ ക​ർ​ഫ്യു രാ​ജ്യ​ത്ത് ഏ​റെ​ക്കു​റെ പൂ​ർ​ണം. ഒ​ട്ടു​മി​ക്ക ആ​ളു​ക​ളും വീ​ട്ടി​ലി​രു​ന്ന​പ്പോ​ൾ തി​ര​ക്കേ​റി​യ വി​പ​ണി​യും നി​ര​ത്തു​ക​ളും അ​ട​ക്ക​മു​ള്ള​വ വി​ജ​ന​മാ​യി. ക​ട​ക​ളും ഓ​ഫീ​സു​ക​ളും പ്ര​വ​ർ​ത്തി​ച്ചി​ല്ല. ഡ​ൽ​ഹി, കോ​ൽ​ക്ക​ത്ത അ​ട​ക്ക​മു​ള്ള ന​ഗ​ര​ങ്ങ​ളി​ൽ ചി​ല ബ​സു​ക​ൾ സ​ർ​വീ​സ് ന​ട​ത്തി​യെ​ങ്കി​ലും യാ​ത്ര​ക്കാ​രു​ടെ എ​ണ്ണം വ​ള​രെ കു​റ​വാ​യി​രു​ന്നു.

ഡ​ൽ​ഹി​യി​ൽ മെ​ട്രോ റെ​യി​ൽ സ​ർ​വീ​സ് പൂ​ർ​ണ​മാ​യി നി​ർ​ത്തി​വ​യ്ക്കു​മെ​ന്ന് നേ​ര​ത്തെ അ​റി​യി​ച്ചി​രു​ന്നു. കോ​ൽ​ക്ക​ത്ത, ബം​ഗ​ളൂ​രു, ചെ​ന്നൈ, ഗു​ഡ്ഗാ​വ് മെ​ട്രോ​ക​ളും സ​ർ​വീ​സ് ന​ട​ത്തി​യി​ല്ല. മും​ബൈ സ​ബ​ർ​ബ​ൻ സ​ർ​വീ​സു​ക​ളും നി​ർ​ത്തി​വ​ച്ചി​രു​ന്നു. ഡ​ൽ​ഹി വി​മാ​ന​ത്താ​വ​ള​ത്തി​ലും റെ​യി​ൽ​വേ സ്റ്റേ​ഷ​നു​ക​ളി​ലും വ​ള​രെക്കു റ​ച്ച് ആ​ളു​ക​ളെ മാ​ത്ര​മേ കാ​ണാ​നാ​യു​ള്ളൂ. അ​വ​ധിദി​വ​സ​ങ്ങ​ളി​ൽ ഏ​റെ തി​ര​ക്ക് കാ​ണ​പ്പെ​ടാ​റു​ള്ള ഡ​ൽ​ഹി ഇ​ന്ത്യാ ഗേ​റ്റ്, ചെ​ന്നൈ മ​റീ​ന ബീ​ച്ച് തു​ട​ങ്ങി​യ സ്ഥ​ല​ങ്ങ​ളും വി​ജ​ന​മാ​യി​രു​ന്നു.

ത​ന്‍റെ ആ​ഹ്വാ​നപ്ര​കാ​രം വീ​ട്ടി​ലി​രി​ക്കാ​ൻ തീ​രു​മാ​നി​ച്ച ജ​ന​ങ്ങ​ളോ​ട് ന​ന്ദി പ​റ​യു​ന്ന​താ​യി പ്ര​ധാ​ന​മ​ന്ത്രി മോ​ദി ട്വി​റ്റ​റി​ലൂ​ടെ അ​റി​യി​ച്ചു.