ഇറ്റലിയിലെ വ​യോ​ധി​ക​രെ കവർന്നു കോവിഡ്; മൃ​ത​സം​സ്കാ​ര​ത്തി​നും നി​ബ​ന്ധ​ന

കോവിഡ്-19 വൈ​റ​സ് വ​ൻ​ ദു​ര​ന്തം വി​ത​ച്ചു​കൊ​ണ്ടി​രി​ക്കു​ന്ന ഇ​റ്റ​ലി​യി​ൽ വ​രും​മ​ണി​ക്കൂ​റു​ക​ളി​ലെ സ്ഥി​തി എ​ന്താ​വു​മെ​ന്ന ആശങ്കയിൽ ജനം. ആ​യു​ർ​ദൈ​ർ​ഘ്യ​ത്തി​ൽ ലോ​ക​ത്തി​ൽ​ത്ത​ന്നെ മു​ന്നി​ലാ​യ ഇ​റ്റ​ലിയുടെ വയോധികർക്കു വലിയ ഭീഷണിയായി കോവിഡ് മാറിയി രിക്കുകയാണ്.

ഇ​തി​നോ​ട​കം മ​രി​ച്ച​വ​രി​ൽ 30 ശ​ത​മാ​നം പേ​രും 80 വ​യ​സി​നു മു​ക​ളി​ലു​ള്ള​വ​രാ​ണ്. അ​ടു​ത്ത 30 ശ​ത​മാ​നം 70 വ​യ​സി​നും 80 വ​യ​സി​നും ഇ​ട​യി​ലു​ള്ള​വ​ർ. മ​ഹാ​മാ​രി ഭീ​ക​ര​താ​ണ്ഡ​വ​മാ​ടു​ന്ന​തു വ​ട​ക്ക​ൻ ഇ​റ്റ​ലി​യി​ലെ ലൊം​ബാ​ർ​ഡി പ്രോ​വി​ൻ​സി​ലും പ്ര​ത്യേ​കി​ച്ചു മി​ലാ​നി​ലു​മാ​ണ്. അ​തി​ക​ർ​ക്ക​ശ​മാ​യ മു​ന്ന​റി​യി​പ്പു​മാ​യി സ​ർ​ക്കാ​ർ ജ​ന​ങ്ങ​ളെ ക​രു​ത​ൽ ത​ട​ങ്ക​ൽ​പോ​ലെ വീ​ടു​ക​ളി​ൽ പാ​ർ​പ്പി​ച്ചി​രി​ക്കു​ന്നു.

കർശന നിബന്ധന

ഞാ​ൻ സേ​വ​നം ചെ​യ്യു​ന്ന ലൊം​ബാ​ർ​ഡി​യി​ലെ ലോ​ഡി സേ​ക്രഡ് ഹാ​ർ​ട്ട് ഇ​ട​വ​ക​യി​ൽ​മാ​ത്രം ഇ​തോ​ട​കം 22 പേ​ർ കൊ​റോ​ണ ബാ​ധ​യി​ൽ മ​രിച്ചു. ഇ​വ​രു​ടെ മൃ​ത​സം​സ്കാ​രം ന​ട​ത്താ​ൻ ഗ​വ​ണ്‍​മെ​ന്‍റ് അ​നു​മ​തി ന​ൽ​കി​യ​ത് ഇ​ക്ക​ഴി​ഞ്ഞ 15നാ​ണ്. രാ​വി​ലെ ഒ​രു മൃ​ത​ദേ​ഹം, ഉ​ച്ച​ക​ഴി​ഞ്ഞ് മ​റ്റൊ​രു മൃ​ത​ദേ​ഹം എ​ന്ന ക്ര​മ​ത്തി​ൽ ദി​വ​സം ര​ണ്ടു സം​സ്കാ​രം ന​ട​ത്താ​നാ​ണ് അ​നു​മ​തി​യു​ള്ള​ത്. ഇ​നി​യും സം​സ്കാ​രം നടത്താൻ 15 മൃ​ത​ദേ​ഹ​ങ്ങ​ൾ​കൂ​ടി വി​വി​ധ ആ​ശു​പ​ത്രി മോ​ർ​ച്ച​റി​ക​ളി​ൽ സൂ​ക്ഷി​ച്ചി​രി​ക്കു​ന്നു.

മൃ​ത​ദേ​ഹം സീ​ൽ​ചെ​യ്ത പെ​ട്ടി​യി​ൽ പ​ള്ളിക്കു​ള്ളി​ലെ പ്രാ​ർ​ഥ​ന​ ഒ​ഴി​വാ​ക്കി നേ​രി​ട്ടു സെ​മി​ത്തേ​രി​യി​ലേ​ക്കു പോ​ലീ​സ് അ​ക​ന്പ​ടി​യോ​ടെ എ​ത്തി​ക്കും. സു​ര​ക്ഷാക​വ​ചം അ​ണി​യി​ച്ചു വൈ​ദി​ക​ൻ ഉ​ൾ​പ്പെ​ടെ ആ​റു പേ​രെ മാ​ത്രം സെ​മി​ത്തേ​രി​യി​ലേ​ക്കു പ​രി​ശോ​ധ​ന​യ്ക്കു ​ശേ​ഷം പോ​ലീ​സ് ക​ട​ത്തി​വി​ടും. അ​ടു​ത്ത ബ​ന്ധു​ക്ക​ളെ​പ്പോ​ലും സം​സ്കാ​ര​ത്തി​ൽ പ​ങ്കെ​ടു​പ്പിക്കില്ല. സെ​മി​ത്തേ​രി​യി​ൽ ക​ബ​റ​ട​ക്കം അ​വ​സാ​നി​ച്ച് ഏ​വ​രും പു​റ​ത്തി​റ​ങ്ങും വ​രെ പോ​ലീ​സ് പു​റ​ത്തു കാ​വ​ൽ നി​ൽ​ക്കും.

ശോകമൂകം

രാ​ജ്യ​മൊ​ട്ടാ​കെ ശോകമൂകമാണ്. പ​ല ഗ്രാ​മ​ങ്ങ​ളി​ലും ന​ഗ​ര​ങ്ങ​ളി​ലും ജ​ന​വാ​സ​മു​ണ്ടോ എ​ന്നു പോ​ലും സം​ശ​യം തോ​ന്നും. മ​ര​ണം സം​ഭ​വി​ച്ചാ​ൽ അ​യ​ൽ​വാ​സി​ക​ൾ​പോ​ലും അ​റി​യ​ണ​മെ​ന്നി​ല്ല. പൊ​തു​ജ​ന​ങ്ങ​ളി​ൽ ഒ​രാ​ൾ ​പോ​ലും വീ​ടി​നു പു​റ​ത്തി​റ​ങ്ങാ​ൻ അ​നു​വാ​ദ​മി​ല്ല. അ​ട​ച്ചു​പൂ​ട്ടി​യ വീ​ട്ടി​ൽ​നി​ന്ന് ആ​രെ​ങ്കി​ലും പു​റ​ത്തി​റ​ങ്ങി​യാ​ൽ പോ​ലീ​സ് അ​വ​രെ പി​ടി​കൂ​ടി ശാ​സ​ന ന​ൽ​കി തി​രി​ച്ച​യ​യ്ക്കും. വീ​ണ്ടും ആ​വ​ർ​ത്തി​ച്ചാ​ൽ 260 യൂ​റോ പി​ഴ ഈ​ടാ​ക്കും. വീ​ണ്ടും കു​റ്റം ആ​വ​ർ​ത്തി​ച്ചാ​ൽ കേ​സ് ചാ​ർ​ജ് ചെ​യ്യും. ഇ​ത്ത​ര​ത്തി​ൽ പ​ല​പ്പോ​ഴാ​യി വീ​ടു​ക​ൾ​ക്ക് പു​റ​ത്തി​റ​ങ്ങി​യ ഒ​രു കോ​ടി ജ​ന​ങ്ങ​ളെ പോ​ലീ​സ് വ​ഴി​യി​ൽ ത​ട​യു​ക​യും അ​തി​ൽ 30,000 പേ​രെ താ​ക്കീ​ത് ചെ​യ്ത് തി​രി​ച്ച​യയ്ക്കു​ക​യും ചെ​യ്ത​താ​യാ​ണ് മാ​ധ്യ​മ വാ​ർ​ത്ത​ക​ൾ.

മെ​ഡി​ക്ക​ൽ, ശു​ചീ​ക​ര​ണം, ഭ​ക്ഷ​ണ​വി​ത​ര​ണം, അ​ടി​യ​ന്തര ജോ​ലി എ​ന്നി​വ​യി​ൽ ഏ​ർ​പ്പെ​ടു​ന്ന​വ​ർ​ക്കു പ്ര​ത്യേ​ക സ​ർ​ട്ടി​ഫി​ക്ക​റ്റ് അ​ധി​കാ​രി​ക​ൾ ന​ൽ​കി​യി​ട്ടു​ണ്ട്. അ​തു കൈ​വ​ശം വ​ച്ച് അ​ട​ച്ച വാ​ഹ​ന​ങ്ങ​ളി​ൽ സു​ര​ക്ഷാ​വ​സ്ത്ര​ങ്ങ​ൾ ധ​രി​ച്ചു​പോ​യി ജോ​ലി ചെ​യ്യാം. ഒ​രാ​ൾ ​പോ​ലും ന​ട​ന്നു​പോ​കാ​നും സൈ​ക്കി​ളി​ൽ യാ​ത്ര ചെ​യ്യാ​നും പാ​ടി​ല്ല.

ഭക്ഷണം നൽകുന്നത്

വീ​ടു​ക​ളി​ൽ അ​ട​ച്ചു​പൂ​ട്ടി ക​ഴി​യു​ന്ന​വ​ർ​ക്കു മ​രു​ന്നും ഭ​ക്ഷ​ണ​വും എ​ത്തി​ക്കു​ക​യെ​ന്ന ശ്ര​മ​ക​ര​മാ​യ ദൗ​ത്യ​മാ​ണ് എ​നി​ക്കു മു​ന്നി​ലു​ള്ള​ത്. ഇ​ട​വ​ക​യി​ൽ ഈ ​സാ​ഹ​ച​ര്യ​ത്തി​ൽ ര​ണ്ട് വാ​ട്സ്ആ​പ് ഗ്രൂ​പ്പു​ക​ൾ ത​യാ​റാ​ക്കി യു​വ​സ​ന്ന​ദ്ധ സേ​വ​ക​ർ, റെ​ഡ്ക്രോ​സ്, കാ​രി​ത്താ​സ് ഇ​റ്റ​ലി തു​ട​ങ്ങി​യ ഭാ​ര​വാ​ഹി​ക​ളു​ടെ സ​ഹാ​യ​ത്തി​ൽ ഭ​ക്ഷ​ണ​സാ​ധ​ന​ങ്ങ​ൾ ഓ​രോ വീ​ടി​ന്‍റെ​യും മു​ന്നി​ൽ എ​ത്തി​ച്ചു​കൊ​ടു​ക്കു​ക​യാ​ണ്.

അ​വ​ശ്യസാ​ധ​ന​ങ്ങ​ളു​ടെ ലി​സ്റ്റ് വീ​ട്ടു​കാ​ർ വാ​ട്സ്ആ​പ്പി​ൽ അ​യ​ച്ചു​ത​രും. ഇ​ത​നു​സ​രി​ച്ചു ന​ഗ​ര​ത്തി​ലെ സൂ​പ്പ​ർ​ മാ​ർ​ക്ക​റ്റി​ലെ​ത്തി ഓ​രോ വീ​ട്ടി​ൽ​നി​ന്നു ല​ഭി​ച്ച ലി​സ്റ്റ് അ​നു​സ​രി​ച്ചു​ള്ള സാ​ധ​ന​ങ്ങ​ൾ വാ​ങ്ങി വീ​ടു​ക​ളു​ടെ വാ​തി​ലി​നോ​ടു ചേ​ർ​ത്തുവ​യ്ക്കും. അ​റി​യി​പ്പാ​യി കോ​ളിം​ഗ് ബെ​ൽ അ​ടി​ച്ച​ശേ​ഷം വോ​ള​ണ്ടി​യേ​ഴ്സ് മ​ട​ങ്ങി​പ്പോ​രും. ദി​വ​സ​വും രാ​വി​ലെ 11നു ​മു​ൻ​പ് ഈ ​സേ​വ​നം പൂ​ർ​ത്തി​യാ​ക്കും.

നി​ല​വി​ൽ ഭ​ക്ഷ​ണ​സാ​ധ​ന​ങ്ങ​ൾ​ക്ക് ഇ​റ്റ​ലി​യി​ൽ വ​ലി​യ ക്ഷാ​മം നേ​രി​ടു​ന്നി​ല്ല. എ​ന്നാ​ൽ, വ​രും​ദി​വ​സ​ങ്ങ​ളി​ൽ ക്ഷാ​മം നേ​രി​ടു​മോ എ​ന്ന ഭീ​തി​യി​ൽ പ​ല​രും കൂ​ടു​ത​ൽ സാ​ധ​ന​ങ്ങ​ൾ വീ​ട്ടി​ൽ വാ​ങ്ങി ക​രു​ത​ലാ​യി വ​യ്ക്കാ​ൻ താ​ത്പ​ര്യം കാ​ണി​ക്കു​ന്നു.

ഭ​ക്ഷ​ണം ഉ​ൾ​പ്പെ​ടെ അ​വ​ശ്യ​സാ​ധ​ന​ങ്ങ​ൾ ഉ​ത്പാ​ദി​ക്കു​ന്ന ഫാ​ക്ട​റി​ക​ളി​ൽ ഒ​ന്നു​പോ​ലും അ​ട​ച്ചു​പൂ​ട്ട​രു​തെ​ന്നു സ​ർ​ക്കാ​രി​ന്‍റെ ക​ർ​ക്ക​ശനി​ർ​ദേ​ശ​മു​ണ്ട്. കൊ​റോ​ണ കൂ​ടു​ത​ൽ ക​രു​ത്തു​നേ​ടി നാ​ലാം ഘ​ട്ടം ആ​ക്ര​മ​ണം തു​ട​ങ്ങു​മോ എ​ന്ന ഭീ​തി​യും ഇ​ത് ശ​രി​വ​യ്ക്കാ​വു​ന്ന റി​പ്പോ​ർ​ട്ടു​ക​ളു​മാ​ണ് ജ​ന​ങ്ങ​ളു​ടെ ആ​ശ​ങ്ക വ​ർ​ധി​പ്പി​ക്കു​ന്ന​ത്.

ഏഴു ഡോക്ടർമാർ

കൊ​റോ​ണ രോ​ഗി​ക​ളെ ചി​കി​ത്സി​ച്ചി​രു​ന്ന 100 ഡോ​ക്ട​ർ​മാ​രി​ൽ ഏ​ഴു​പേ​ർ ഇ​തി​നോ​ട​കം മ​രിച്ചു. പ​ത്തു​ പേ​ർ കൊ​റോ​ണ ബാ​ധി​ച്ചു ചി​കി​ത്സ​യി​ലാ​ണ്. 11 നഴ്സു​മാ​ർ ഗു​രു​ത​രാ​വ​സ്ഥ​യിലാണ്. 300 കു​ഞ്ഞു​ങ്ങ​ൾ​ക്കു രോ​ഗം ബാ​ധി​ച്ചി​ട്ടു​ണ്ട്. എ​ന്നാ​ൽ, ആ​രു​ടെ​യും നി​ല ഗു​രു​ത​ര​മ​ല്ല. കു​ട്ടി​ക​ളെ രോ​ഗം ബാ​ധി​ക്കി​ല്ലെ​ന്നാ​യി​രു​ന്നു ആ​ദ്യ നി​ഗ​മ​നം.

വ​ട​ക്ക​ൻ ഇ​റ്റ​ലി​യി​ൽ 3,000 പേ​ർ​ക്കു​ള്ള വെ​ന്‍റി​ലേ​റ്റ​ർ സൗ​ക​ര്യ​മേയുള്ളൂ. ഇ​ത്ര​യും വെ​ന്‍റി​ലേ​റ്റ​റു​ക​ളി​ൽ രോ​ഗി​ക​ൾ ക​ഴി​യു​ന്ന സാ​ഹ​ച​ര്യ​ത്തി​ൽ രോ​ഗ​ബാ​ധി​ത​രോ​ടു വീ​ടു​ക​ളി​ൽത്തന്നെ ക​ഴി​യാ​നാണു സ​ർ​ക്കാ​ർ നി​ർ​ദേ​ശി​ച്ചി​രി​ക്കു​ന്ന​ത്.

ഇ​റ്റ​ലി​യി​ൽ ഇ​തോ​ട​കം 19 വൈ​ദി​ക​ർ​ക്കു മ​ര​ണം സം​ഭ​വി​ച്ചു. ഒ​രു ബി​ഷ​പ് ഉ​ൾ​പ്പെ​ടെ 20 വൈ​ദി​ക​ർ ചി​കി​ത്സ​യി​ലാ​ണ്. മി​ലാ​നി​ൽ മ​ര​ണം പെ​രു​കി​യ​തോ​ടെ പ​ള്ളി സെ​മി​ത്തേ​രി​ക​ളി​ൽ സം​സ്കാ​രം ന​ട​ത്താ​നു​ള്ള സൗ​ക​ര്യം പ​രി​മി​ത​മാ​യ​തി​നാ​ൽ മ​റ്റ് സം​സ്ഥാ​ന​ങ്ങ​ളി​ലെ​ത്തി​ച്ചു സെ​മി​ത്തേ​രി​ക​ളി​ൽ സം​സ്കാ​രം ന​ട​ത്തു​ന്നു​ണ്ട്.

ഇ​തി​നും സൗ​ക​ര്യ​മി​ല്ലാ​തെ വ​രു​ന്പോ​ൾ പലേട​ങ്ങ​ളി​ലും കൂ​ട്ട​മാ​യി ദ​ഹി​പ്പി​ക്കു​ന്നു. നി​ല​വി​ലെ സാ​ഹ​ച​ര്യ​ത്തി​ൽ മാ​സ​ങ്ങ​ളോ​ളം കൊ​റോ​ണ​യു​ടെ തീ​വ്ര​ത​യും മ​ര​ണ​വും തു​ട​രു​മെ​ന്ന ഭീ​തി​യി​ലാ​ണ് ജ​ന​ങ്ങ​ൾ. ഇ​റ്റ​ലി​യു​ടെ അ​യ​ൽ രാ​ജ്യ​ങ്ങ​ളാ​യ ഓ​സ്ട്രി​യ​യി​ലും സ്വി​റ്റ്സ​ർ​ലൻഡിലും ക​ന​ത്ത ജാ​ഗ്ര​താ നി​ർ​ദേ​ശ​മാ​ണു​ള്ള​ത്.

ഇ​റ്റ​ലി​യി​ലെ ലോ​ഡി​യി​ൽ​നി​ന്നു ഫാ. ​ജി​നോ മു​ട്ട​ത്തു​പാ​ടം